ବମ୍ବେ: ଫିଲ୍ମ ଯବାନକୁ ନେଇ ଚର୍ଚ୍ଚାରେ ଅଛନ୍ତି ବଲିଉଡର କିଙ୍ଗ୍ ଖାନ୍ ଶାହାରୁଖ ଖାନ୍ । ଏହି ଫିଲ୍ମ ଆସନ୍ତା ସେପ୍ଟେମ୍ବର ୭ ତାରିଖରେ ରିଲିଜ ହେବାକୁ ଯାଉଛି । ଏହି ଫିଲ୍ମକୁ ନେଇ ଶାହାରୁଖ ବ୍ୟସ୍ତ ଅଛନ୍ତି । ଏହାର ଆଡ଼ଭାନ୍ସ ବୁକିଂ ଆରମ୍ଭ ହୋଇଥିବା ବେଳେ ବିଦେଶରେ ମଧ୍ୟ ଫିଲ୍ମର ଆଡଭାନ୍ସ ବୁକିଂ ଆରମ୍ଭ ହୋଇଛି । ନିର୍ମାତାମାନେ କିଛି ସମୟ ଲାଗି ବମ୍ବେର କିଛି ଥିଏଟରରେ ବୁକିଂ ଆରମ୍ଭ କରିଥିଲେ । ହେଲେ କିଛି ମିନିଟ୍ ମଧ୍ୟରେ ସମସ୍ତ ଟିକେଟ ବିକ୍ରି ହୋଇଯାଇଥିଲା ।
ସେହିପରିଥାଣେ ସିନେପୋଲିସ୍ରେ ଯବାନର ଟିକେଟ ଦାମ ୧୧୦୦ ଟଙ୍କା ରଖାଯାଇଥିଲା । ଏହା ମଧ୍ୟ ବିକ୍ରି ହୋଇଯାଇଥିଲା । ଦର୍ଶକଙ୍କ ଉତ୍କଣ୍ଠା ଦେଖି ଫିଲ୍ମଟି ପଠାନଠାରୁ ଭଲ ବ୍ୟବସାୟ କରିବ ବୋଲି ପ୍ରଯୋଜନା ସଂସ୍ଥା ଆଶା କରୁଛି । ଏହି ଫିଲ୍ମରେ ଶାହାରୁଖଙ୍କ ବ୍ୟତିତ ନୟନତାରା, ସାନ୍ୟା ମଲହୋତ୍ରା, ବିଜୟ ସେତୁପତି ପ୍ରମୁଖ ଭୂମିକାରେ ନଜର ଆସିବେ ।
Comments are closed.