ମୁମ୍ବାଇ: ଖୁବ୍ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବଂ ଏମପି ରାଘବ ଚଢ଼ା । ଏହାକୁ ନେଇ ସେମାନେ ଏବେ ଖୁବ୍ ଚର୍ଚ୍ଚାରେ ଅଛନ୍ତି । ଗତ ମେ’ ମାସରେ ଉଭୟଙ୍କ ନିର୍ବନ୍ଧ ଆୟୋଜିତ ହୋଇଥିଲା । ନିର୍ବନ୍ଧ ପରଠାରୁ ଦୁହେଁ ଅଧିକାଂଶ ସମୟ ଏକାଠି ନଜର ଆସୁଛନ୍ତି । ନିକଟରେ ଦୁହେଁ ବସ୍ରେ ଯାଉଥିବାର ନଜର ଆସିଥିଲେ । ସେମାନଙ୍କୁ ବସରେ ଦେଖି ପ୍ରଶଂସକମାନେ ଘେରି ଯାଇଥିଲେ । ପରେ ସେମାନଙ୍କ ସହ ଫଟୋ ଉଠାଇବା ଆରମ୍ଭ କରି ଦେଇଥିଲେ । ଏହି ଲଭବାର୍ଡ ସେମାନଙ୍କ ପ୍ରଶଂସକଙ୍କୁ ନିରାଶ ନ କରି ଖୁସିରେ ଫଟୋ ପୋଜ୍ ବି ଦେଇଛନ୍ତିି । ଏପରି ଆଚରଣ ଦେଖାଇ ପ୍ରଶଂସକଙ୍କ ମନ ଜିଣିଛନ୍ତି ରାଘବ ଓ ପରିଣୀତି ।
ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ଭାଇରାଲ୍ ଭିଡିଓରେ ଦେଖିବାକୁ ମିଳିଛି ଯେ, ଦୁହେଁ ବସ୍ରେ ଛିଡ଼ା ହୋଇଥିବା ବେଳେ ସେମାନଙ୍କ ସହ ଜଣେ ପରେ ଜଣେ ଆସି ଫଟୋ ଉଠାଉଛନ୍ତି । ଅଭିନେତ୍ରୀ ପରିଣୀତି ବି ଖୁବ୍ ଷ୍ଟାଇଲରେ ‘ଥ୍ୟାଙ୍କ୍ ୟୁ’ ବୋଲି କହୁଛନ୍ତି । ଏହି ସମୟରେ ପରିଣୀତି ଏକ ହଳଦିଆ ରଙ୍ଗର ଚୁଡ଼ିଦାର ପିନ୍ଧିଥିବା ବେଳେ ରାଘବ ଧଳା ରଙ୍ଗର କୁର୍ତ୍ତା ପାଇଜାମା ଉପରେ ଜ୍ୟାକେଟ୍ ପିନ୍ଧିଛନ୍ତି । ଦୁହିଁଙ୍କ ସାଧାସିଧା ଷ୍ଟାଇଲ ପ୍ରଶଂସକମାନେ ବେଶ୍ ପସନ୍ଦ କରିଛନ୍ତିି ।
ଆସନ୍ତା ୨୫ ତାରିଖରେ ଉଭୟ ବିବାହ କରିବେ ବୋଲି କୁହାଯାଉଛି । ସୋମନଙ୍କ ବିବାହ କାର୍ଡ଼ ମଧ୍ୟ ଛପା ହୋଇସାରିଥିବା ବେଳେ ସମସ୍ତ ପ୍ରସ୍ତୁତି ଜୋରସୋରରେ ଚାଲିଛି । ସେମାନଙ୍କ ବିବାହ ରାଜସ୍ଥାନର ଉଦୟପୁରର ଲିଲା ପ୍ୟାଲେସ୍ରେ ଧୁମ୍ଧାମ୍ରେ ଅନୁଷ୍ଠିତ ହେବ । ବିବାହରେ କେବଳ ପରିବାର ଲୋକେ ଏବଂ କିଛି ଖାସ୍ ବନ୍ଧୁ ଯୋଗ ଦେବେ । ସେପ୍ଟେମ୍ବର ୨୩ ତାରିଖରେ ପରିଣୀତି-ରାଘବଙ୍କ ହଳଦୀ ସେରିମୋନି ଓ ୨୪ରେ ମେହେନ୍ଦି ଏବଂ ସଂଗୀତ କାର୍ଯ୍ୟକ୍ରମ ଆୟୋଜିତ ହେବ । ୨୫ରେ ଉଭୟଙ୍କ ବିବାହ ଆୟୋଜିତ ହେବ ।
Comments are closed.