ନୂଆଦିଲ୍ଲୀ: ସୋସିଆଲ ମିଡିଆର ବଢୁଥିବା ଧାରା ଲୋକଙ୍କୁ ରିଲ ଏବଂ ଭିଡିଓ ତିଆରି କରିବା ପଛରେ ପାଗଳ କରିଦେଇଛି । କେତେବେଳେ, କେଉଁଠାରେ ଏବଂ କିପରି ଏକ ରିଲ୍ ତିଆରି କରିବେ ସେନେଇ ସମସ୍ତେ ପାଗଳ । ସର୍ବସାଧାରଣ ସ୍ଥାନଗୁଡିକୁ ସେମାନଙ୍କର ସୋସିଆଲ୍ ମିଡିଆ ମାଧ୍ୟମ କରିଛନ୍ତି । ଆଉ ମେଟ୍ରୋ ଟେନ୍ରେ ବି ଅନେକ ଭିଡ଼ିଓ ଦେଖିବାକୁ ମିଳିଥାଏ । ଏବେ ସେମିତି ଜଣେ ଯୁବତୀ ନୂଆଦିଲ୍ଲୀର ମେଟ୍ରୋ ଟ୍ରେନ୍ରେ ଫିଲ୍ମ ‘ଯବାନ’ରେ ଶାହାରୁଖଙ୍କ ଗେଟ୍ଅପ୍ରେ ଆସି ସମସ୍ତଙ୍କୁ ଚକିତ କରିଛନ୍ତି । କେବଳ ସେତିକି ନୁହେଁ, ସେ ଶାହାରୁଖଙ୍କ ପରି ଡ଼୍ୟାନ୍ସ ବି କରୁଛନ୍ତି, ଏହାକୁ ଦେଖି ଅନ୍ୟ ଯାତ୍ରୀମାନେ ଆଶ୍ଚର୍ଯ୍ୟ ହୋଇ ଯାଉଛନ୍ତି । ଏହାର ଭିଡ଼ିଓ ଏବେ ଖୁବ୍ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଜଣେ ଯୁବତୀ ଯବାନ ଫିଲ୍ମରୁ ଶାହାରୁଖ ଖାନଙ୍କ ବ୍ୟାଣ୍ଡେଜ୍ ଲୁକ୍ରେ ଆସି ମେଟ୍ରୋ ଟ୍ରେନ୍ରେ ଚଢୁଛନ୍ତି । ସେ ଏପରି ଗେଟ୍ଅପ୍ରେ ଲୋକଙ୍କ ପାଖରେ ଯାଇ ବସୁଛନ୍ତି । ତାଙ୍କୁ ଏପରି ଦେଖି ଲୋକେ ବୁଲି ବୁଲି ଅନାଉଛନ୍ତି । ହେଲେ ଯୁବତୀଙ୍କର ସେଥିପ୍ରତି କୌଣସି ଫରକ୍ ପଡ଼ୁନାହିଁ । କେବଳ ସେତିକି ନୁହେଁ, ସେ ହଠାତ୍ ଶାହାରୁଖଙ୍କ ଗୀତରେ ଡ଼୍ୟାନ୍ସ କରିବାକୁ ଲାଗୁଛନ୍ତି । ଯୁବତୀ ତାଙ୍କ ଅଜବ ଗେଟଅପ୍ରେ ଲୋକଙ୍କ ଦୃଷ୍ଟି ଆକର୍ଷଣ କରୁଛନ୍ତି ।
ଏହି ଭାଇରାଲ ଭିଡିଓର କ୍ୟାପସନରେ ଲେଖାଯାଇଛି, ‘ଲେଡି ଯବାନ୍’ । ଏହାକୁ ଦେଖି ଲୋକମାନେ ଭିନ୍ନ ଭିନ୍ନ ମତ ଦେଇଛନ୍ତି । ଅନେକ କହିଛନ୍ତି ଯେ, ଏସବୁ କରିବା ପାଇଁ ବହୁତ ଆତ୍ମବିଶ୍ୱାସ ଆବଶ୍ୟକ । ଏହା ବ୍ୟତୀତ ଅନେକ ମଜାଳିଆ ମତ ବି ଦେଇଛନ୍ତି ।
Comments are closed.