ଭୁବନେଶ୍ୱର: ମାଲେସିଆରେ ହେବାକୁ ଥିବା ସୁଲତାନ ଜୋହର କପ ହକି ପାଇଁ ଭାରତୀୟ ଦଳ ଘୋଷଣା କରାଯାଇଛି । ଘୋଷିତ ଟିମରେ ଓଡିଶାର ୩ଜଣ ଖେଳାଳିଙ୍କୁ ସୁଯୋଗ ମିଳିଛିି । ଏହି ୩ଜଣ ହେଲେ ଅମନଦୀପ ଲାକ୍ରା, ସୁନୀଲ ଜୋଜୋ ଓ ସୁନୀତ ଲାକ୍ରା । ଉତମ ସିଂ ଦଳର ନେତୃତ୍ୱ ନେବେ । ଜୋହର ବାହରୁରେ ଏହି ଜୁନିୟର ଟୁର୍ଣ୍ଣାମେଂଟ ଅକ୍ଟୋବର ୨୭ରୁ ନଭେମ୍ବର ୪ ପର୍ଯ୍ୟନ୍ତ ଆୟୋଜିତ ହେବ । ଅଂଶଗ୍ରହଣ କରିଥିବା ଟିମଗୁଡିକ ୨ଟି ଗ୍ରୁପରେ ଭାଗ କରାଯାଇଛି । ଗ୍ରୁପ ଏରେ ଜର୍ମାନୀ, ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା ଓ ଗ୍ରେଟ ବ୍ରିଟେନ ରହିଥିବା ବେଳେ ଗ୍ରୁପ ବିରେ ମାଲେସିଆ, ପାକିସ୍ତାନ, ନ୍ୟୁଜିଲାଣ୍ଡ ଓ ଭାରତ ରହିଛନ୍ତି । ପ୍ରତେକ୍ୟ ଗ୍ରୁପରୁ ୨ଟି ଟିମ ସେମିଫାଇନାକୁ ଉନ୍ନୀତ ହେବେ ।
ଭାରତୀୟ ଦଳ: ଏଚଏସ ମୋହିତ, ରନବିଜୟ ସିଂ ଯାଦବ, ଅମନଦୀପ ଲାକ୍ରା, ରୋହିତ, ସୁନୀଲ ଜୋଜୋ, ସୁଖୱିନ୍ଦର, ଅମୀର ଅଲି, ଯୋଗେମ୍ବର ରାୱତ, ବିଷ୍ଣୁକାନ୍ତ ସିଂ, ପୁଭାନା ସିବି, ରାଜିନ୍ଦର ସିଂ, ଅମନଦୀପ, ସୁନୀତ ଲାକ୍ରା, ଅବଦୁଲ ଅହଦ, ଉତମ ସିଂ, ଅରୁଣ ସାହାନୀ, ଆଦିତ୍ୟ ଲାଲାଗେ, ଅଙ୍ଗଦ ବୀର ସିଂ, ଗୁରଜୋତ ସିଂ ଓ ବି ସତୀଶ ।
Comments are closed.