ଇନ୍ଦୋର: ଏଠାରେ ଏ ଭଳି ଏକ ଘଟଣା ସମ୍ମୁଖକୁ ଆସିଛି ଯାହାକି ସମସ୍ତଙ୍କୁ ଆଶ୍ଚର୍ଯ୍ୟଚକିତ କରି ଦେଇଛି । ରିପୋର୍ଟ ମୁତାବକ ଏକ କାଫେରେ ଜଣେ ଯୁବତୀଙ୍କୁ ସିଗାରେଟ ଟାଣୁଥିବା ଦେଖି ୭୦ ବର୍ଷୀୟ ବୃଦ୍ଧ ରାଗି ଯାଇଥିଲେ । ସେ ରାତିରେ କାଫେରେ ନିଆଁ ଲଗାଇ ଦେଇଥିଲେ । ସିସିଟିଭି ଫୁଟେଜରେ ଏହା ଜଣା ପଡିବା ପରେ ପୋଲିସ ତାଙ୍କୁ ଗିରଫ କରିଥିଲା । ଉକ୍ତ ବୃଦ୍ଧ ଜଣଙ୍କ ଟେଲିକମ ବିଭାଗରେ ଚାକିରୀ କରୁଥିଲେ । ଅବସର ପରେ ସେ ଅଧିକାଂଶ ସମୟ ଏହି କାଫେକୁ ଆସିଥାନ୍ତି । ସେଠାରେ ଯୁବତୀମାନଙ୍କୁ ଖୋଲାଖୋଲି ଭାବେ ସିଗାରେଟ ଟାଣୁଥିବା ଦେଖି ସେ ସହ୍ୟ କରି ପାରନ୍ତି ନାହିଁ ।
ଏ ନେଇ ସେ କାଫେ ପରିଚାଳକଙ୍କ ଦୃଷ୍ଟି ଆକର୍ଷଣ କରାଇଥିଲେ । ବ୍ୟବସାୟ ଦୃଷ୍ଟିକୋଣରୁ ସେମାନେ ଏହାକୁ ଗୁରୁତ୍ୱ ଦେଇ ନ ଥିଲେ । ଏହା ବୃଦ୍ଧଜଣଙ୍କୁ ବିଶେଷ କ୍ରୋଧୀତ କରାଇଥିଲା । ସେ କିଛି ଦିନ ରାତିରେ କାଫେ ନିକଟରେ ବୁଲିବା ପରେ ସୁବିଧା ଦେଖି ନିଆଁ ଲଗାଇ ଦେଇଥିଲେ । କାଫେଟି ଜଳିପୋଡି ନଷ୍ଟ ହୋଇଯାଇଛି । ପ୍ରାୟ ୪ ଲକ୍ଷ ଟମଜଙ୍କାର କ୍ଷତି ହୋଇ କାଫେର ମାଲିକ କହିଛନ୍ତି । ପୋଲିସ ତାଙ୍କୁ ଗିରଫ କରିବା ପରେ ସେ ପ୍ରଥମେ ଏ ସମ୍ପର୍କରେ କିଛି କହି ନ ଥିଲା । ବାରମ୍ବାର ବୟାନ ବଦଳାଇବା ପରେ ଶେଷରେ ସତ କଥା କହିଥିଲେ ।
Comments are closed.