ମୁମ୍ବାଇ: ବଲିଉଡ଼ ଅଭିନେତ୍ରୀ ଜାହ୍ନବୀ କପୁର ଓ ତାଙ୍କ ପ୍ରେମିକ ଶିଖର ପହରିୟାଙ୍କ ସମ୍ପର୍କକୁ ନେଇ ଇଣ୍ଡଷ୍ଟ୍ରିରେ ଚର୍ଚ୍ଚା ଜୋର ଧରିଛି । ଅନେକ ବର୍ଷ ହେବ ଏହି ଦୁଇ ଜଣଙ୍କୁ ଅନେକ କାର୍ଯ୍ୟକ୍ରମରେ ଏକାଠି ଦେଖିବାକୁ ମିଳୁଛି । ଗୁରୁବାର ରାତିରେ ଜାହ୍ନବୀଙ୍କୁ ଶିଖରଙ୍କ ଘରୁ ବାହାରୁଥିବାର ଦେଖିବାକୁ ମିଳିଥିଲା । ଏହି ସମୟରେ ଗଣମାଧ୍ୟମ ପ୍ରତିନିଧିଙ୍କୁ ଦେଖି ମୁହଁ ଲୁଚାଇ ଦେଲେ ଜାହ୍ନବୀ । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଜାହ୍ନବୀ ଶିଖରଙ୍କ ଘରୁ ବାହାରିବା ସମୟରେ ବହୁତ ଖୁସି ଥିବା ନଜର ଆସିଥିଲେ । ହେଲେ ଗଣମାଧ୍ୟମ ପ୍ରତିନିଧିଙ୍କୁ ଦେଖିବା ମାତ୍ରେ ଜାହ୍ନବୀଙ୍କ ହସ ବନ୍ଦ ହୋଇ ଯାଇଥିଲା । ସେ ସଙ୍ଗେ ସଙ୍ଗେ ହାତରେ ନିଜ ମୁହଁକୁ ଲୁଚାଇବାକୁ ଚେଷ୍ଟା କରିଥିଲେ । ହେଲେ ବି ସେ ଫଟୋଗ୍ରାଫରଙ୍କ କ୍ୟାମେରାରେ କଏଦ ହୋଇ ଯାଇଥିଲେ । ଏହି ସମୟରେ ଜାହ୍ନବୀ କୌଣସି ମେକ୍ଅପ୍ ନେଇଥିଲେ । କେବଳ ଏକ ଗୋଲାପୀ ରଂଗର ଏକ କାଜୁଆଲ୍ ପୋଷାକ ପିନ୍ଧିଥିଲେ । ଜାହ୍ନବୀଙ୍କ ଏହି ମୁହୂର୍ତ୍ତର ଫଟୋ ଓ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି ।
ଏହି ଭିଡ଼ିଓକୁ ଦେଖିବା ପରେ ଅନେକ ଭିନ୍ନ ଭିନ୍ନ ମତ ଦେଇଛନ୍ତି । କେହି କେହି ଜାହ୍ନବୀ ନିଶା ଖାଇଛନ୍ତି ବୋଲି କହୁଥିବା ବେଳେ ଆଉ କେହି ଗଣାମଧ୍ୟମ ପ୍ରତିନିଧି ତାଙ୍କ ପଛରେ ପଡ଼ିବାକୁ ନେଇ ନାପସନ୍ଦ କରିଛନ୍ତି ।
ଏବେ ସୁଦ୍ଧା ଶିଖର ଓ ଜାହ୍ନବୀ ତାଙ୍କ ପ୍ରେମ ସଂପର୍କକୁ ନେଇ ଆନୁଷ୍ଠାନକ ଭାବେ କୈାଣସି ଘୋଷଣା କରିନାହାନ୍ତି । ମାତ୍ର ସେ ଦୁହିଁଙ୍କୁ ଅଧିକାଂଶ ସମୟରେ ଏକାଠି ଦେଖିବାକୁ ମିଳୁଛି ।
Comments are closed.