ମୁମ୍ବାଇ: ବଲିଉଡରେ କୁଇନ ଫିଲ୍ମ ମାଧ୍ୟମରେ କଙ୍ଗନା ରାନାୱତ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । ଏପରିକି ସେ କୁଇନ କଙ୍ଗନା ଭାବେ ମଧ୍ୟ ପରିଚିତ ହେଉଛନ୍ତି । ଏହି ଫିଲ୍ମର ନିର୍ଦ୍ଦେଶକ ବିକାଶ ବହଲ କୁଇନର ସୀକ୍ୱେଲ ଉପରେ କାର୍ଯ୍ୟ ଆରମ୍ଭ କରିବା ନେଇ ସୂଚନା ଦେଇଛନ୍ତି । ଏବେ କାହାଣୀ ଲେଖା ଆରମ୍ଭ ହୋଇଛି । ଏହା ପରେ କଳାକାର ଚୟନ ଏବଂ ଅନ୍ୟ କାର୍ଯ୍ୟ କରାଯିବ ବୋଲି ସେ କହିଛନ୍ତି । ବିକାଶଙ୍କ ନିର୍ଦ୍ଦେଶନାରେ ଟାଇଗର ଶ୍ରଫଙ୍କ ଗଣପତ ଏ ହୀରୋ ଇଜ ବର୍ଣ୍ଣ ଖୁବ ଶୀଘ୍ର ରିଲିଜ ହେବାକୁ ଯାଉଛି । ଶାନଦାର, ସୁପର ୩୦ ଓ କୁଇନ ପରି ଫିଲ୍ମ କରି ବିକାଶ ବଲିଉଡରେ ବେଶ ଲୋକପ୍ରିୟ ହୋଇ ଉଠିଛନ୍ତି ।
କଙ୍ଗନାଙ୍କ ବିନା କୁଇନ ଫିଲ୍ମ କରିବା ଅସମ୍ଭବ ବୋଲି ସେ କହିଛନ୍ତି । ଏହି ଫିଲ୍ମରେ କଙ୍ଗନା ଏକ ସାଧାରଣ ଘରର ଝିଅ ଭୂମିକାରେ ନିଖୁଣ ଭାବେ ଅଭିନୟ କରିଥିଲେ । ଏଥିପାଇଁ ସେ ଜାତୀୟ ପୁରସ୍କାର ମଧ୍ୟ ପାଇଥିଲେ । ବିକାଶ ଗଣପତ ପରେ ଅଜୟ ଦେବଗାନଙ୍କ ସହ ୱାଶ ଫିଲ୍ମର ରୀମେକର ଶୁଟିଂ କରିବେ । ଏହା ୨୦୨୪ ମାର୍ଚ୍ଚରେ ରିଲିଜ ହେବ ।
Comments are closed.