ନାଗପୁରରେ ଟ୍ରେନ ଦୁର୍ଘଟଣାରେ ଓଡ଼ିଆ ଶ୍ରମିକ ମୃତ

ଢେଙ୍କାନାଳ: ମହାରାଷ୍ଟ୍ର ନାଗପୁରରେ ଓଡ଼ିଆ ଦାଦନ ଶ୍ରମିକ ମୃତ । ଦାଦନ ଖଟିବାକୁ ଯାଇ ଟ୍ରେନ ଦୁର୍ଘଟଣାରେ ପ୍ରାଣ ହରାଇଲେ ଓଡିଆ ଶ୍ରମିକ । ମୃତ ଶ୍ରମିକ ଜଣକ ହେଲେ ଢେଙ୍କାନାଳ ଜିଲ୍ଲା ପରଜଙ୍ଗ ଥାନା କଲଦା ପଞ୍ଚାୟତ କଣ୍ଢେଇଖୋଲ ଗାଁର ସୁଶାନ୍ତ ନାଏକ ।

ଖବର ମୁତାବକ, ବାହାର ରାଜ୍ୟକୁ ଦାନନ ଖଟିବାକୁ ଯାଉଥିବା ବେଳେ ୪ ଦିନ ପୂର୍ବେ ନାଗପୁର ଷ୍ଟେସନ ନିକଟରେ ସୁଶାନ୍ତ ନାଏକଙ୍କର ଟ୍ରେନ ଦୁର୍ଘଟଣାରେ ମୃତ୍ୟୁ ଘଟିଛି । ଏନେଇ ଗତକାଲି ସନ୍ଧ୍ୟାରେ ତାଙ୍କ ପରିବାର ଲୋକଙ୍କୁ ପୋଲିସ ପକ୍ଷରୁ ସୂଚନା ଦିଆଯାଇଛି । ଖବର ପାଇବା ପରେ ପରିବାରରେ ଦୁଃଖର ଛାୟା ଖେଳିଯାଇଛି ।

ପରିବାର ଲୋକେ ସହଜରେ ସୁଶାନ୍ତଙ୍କ ଅକାଳ ମୃତ୍ୟୁକୁ ଗ୍ରହଣ କରିପାରୁନାହାନ୍ତି l ତେବେ ନାଗପୁରରୁ ସୁଶାନ୍ତଙ୍କ ମୃତଦେହକୁ ଆଣିବା ନିମନ୍ତେ ପରିବାର ପାଖରେ ଆର୍ଥିକ ସମ୍ବଳ ନଥିବାବେଳେ, ଜିଲ୍ଲା ପ୍ରଶାସନକୁ ନିବେଦନ କରିଛନ୍ତି ପରିବାର ଲୋକେ ଓ ଗ୍ରାମବାସୀ l

ଦିନ ମଜୁରୀ କରି ସୁଶାନ୍ତ ପେଟ ପୋଷୁଥିବାବେଳେ, ଏବେ ତାଙ୍କର ମୃତ୍ୟୁ ପରେ କିପରି ହେବ ପରିବାରର ଭରଣ ପୋଷଣ ସେନେଇ ଆର୍ଥିକ ସହାୟତା ଯୋଗାଇଦେବକୁ ମଧ୍ୟ ନିବେଦନ କରିଛନ୍ତି ଗ୍ରାମବାସୀ l