ପାରାଦୀପ: ଦୁଇଭାଇ ଯାଉଥିଲେ ବାଇକରେ । ମାଡିଗଲା ଆଇରନ ବୋଝେଇ ଟ୍ରକ । ଜଣଙ୍କର ମୃତ୍ୟୁ ଘଟିଥିବାବେଳେ ଅନ୍ୟଜଣେ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଘଟଣା ଘଟିଛି ମଙ୍ଗଳବାର କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ଅନ୍ତର୍ଗତ ହରିଦାସ ପୁର ୫୩ ନମ୍ବର ଜାତୀୟ ରାଜପଥ ଜଦୁପୁର ନିକଟରେ ।
କରଞ୍ଜ ଗ୍ରାମର ଦୁଇ ଭାଇ ଚିନ୍ମୟ ବାରିକ ଭାଇଙ୍କୁ ବସାଇ ପାରାଦୀପ ଅଭିମୁଖେ ଯାଉଥିଲେ । ଯଦୁପୁର ନିକଟରେ ଆଇରନ ବୋଝେଇ ଟ୍ରକଟି ସେମାନଙ୍କୁ ପଛରୁ ଧକ୍କା ଦେଇଥିଲା । ଫଳରେ ଉଭୟେ ଗାଡିରୁ ଛିଟିକି ତଳେ ପଡି ଯାଇଥିଲେ ।
ଘଟଣାସ୍ଥଳରେ ଚିନ୍ମୟଙ୍କର ମୃତ୍ୟୁ ଘଟିଥିବାବେଳେ ତାଙ୍କର ଭାଇଙ୍କ ଅବସ୍ଥା ଗୁରୁତର ଅଛି । ପୋଲିସ ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଇଛି । ଦୁର୍ଘଟଣାଗ୍ରସ୍ତ ଟ୍ରକକୁ ଜବତ କରି ଘଟଣାର ତଦନ୍ତ କରାଯାଉଛି ।
Comments are closed.