ପଶ୍ଚିମବଙ୍ଗରେ ବସ୍ ପୋଡ଼ି ଘଟଣାକୁ ସାତ ଦିନ, ଏଯାଏ ପରିବାର ଲୋକଙ୍କୁ ମିଳିନି ପୁଷ୍ପାଞ୍ଜଳିଙ୍କ ମର ଶରୀର

କେନ୍ଦ୍ରପଡା: ପଶ୍ଚିମବଙ୍ଗ ବସ୍ ଦୁର୍ଘଟଣାକୁ ୭ ଦିନ ବିତିଗଲାଣି। ମୃତକ ମହିଳା ପୁଷ୍ପାଞ୍ଜଳି ଦାସଙ୍କ ମର ଶରୀର ଏଯାବତ କିନ୍ତୁ ଘର ପହଁଚିପାରିନି। ଏହାକୁ ନେଇ ପରିବାର ଲୋକେ ନିରାଶ ହେବା ସହ ଶେଷକୃତ୍ୟ କରିବାରେ ଅସମର୍ଥ ହୋଇଛନ୍ତି।

ମୃତ ମହିଳା ପୁଷ୍ପାଞ୍ଜଳି ଦାସ ନିଜ ସ୍ୱାମୀ ଓ ପିଲାଙ୍କ ସହ ନିଜ ଘର କେନ୍ଦ୍ରାପଡା ଅଭିମୁଖେ ଆସୁଥିବା ବସରେ ଯାତ୍ରା କରୁଥିବା ବେଳେ ବାଣ ଯୋଗୁଁ ବସରେ ନିଆଁ ଲାଗିଥିବା ଅଭିଯୋଗ ହୋଇଛି। ସେ ଜଳୁଥିବା ଗାଡିରୁ ନିଜ ପରିବାର ଓ ଅନ୍ୟ ଦୁଇ ଜଣଙ୍କୁ ବାହାର କରିବାରେ ସଫଳ ହୋଇଥିଲେ କିନ୍ତୁ ଭିତରେ ଫସି ଯାଇ ମୃତ୍ୟୁବରଣ କରିଥିଲେ।

ଗତ ନଭେମ୍ବର ୯ ତାରିଖରେ ଘଟିଥିବା ଏହି ଘଟଣା ପରଠାରୁ ପୁଷ୍ପାଞ୍ଜଳିଙ୍କ ମରଶରୀରକୁ ଘରକୁ ଫେରାଇ ଆଣିବା ପାଇଁ ପରିବାର ଲୋକେ ଅକ୍ଲାନ୍ତ ଉଦ୍ୟମ ଚଳାଇଛନ୍ତି। ସେମାନେ ଜିଲ୍ଲାପାଳ, ଉପଜିଲ୍ଲାପାଳ, ଏପରିକି କିଛି ନେତା ଓ ମନ୍ତ୍ରୀଙ୍କ ସମେତ ବିଭିନ୍ନ କର୍ତ୍ତୃପକ୍ଷଙ୍କ ଦ୍ୱାରସ୍ଥ ହୋଇଥିଲେ ମଧ୍ୟ ସେମାନଙ୍କ ଗୁହାରି ଶୁଣିବାକୁ ମିଳୁନି।

ଶବ ଫେରାଇ ଆଣିବା ପାଇଁ ଆମେ ସବୁ ସ୍ତରରେ ଯୋଗାଯୋଗ କରିବାକୁ ଚେଷ୍ଟା କରୁଛୁ ବୋଲି ମୃତକଙ୍କ ମାମୁଁ ଅଶୋକ ଦାସ କ୍ଷୋଭ ପ୍ରକାଶ କରିଛନ୍ତି। ଆମେ ଜିଲ୍ଲାପାଳ, ଉପଜିଲ୍ଲାପାଳ, ଏପରିକି କିଛି ନେତା ଓ ମନ୍ତ୍ରୀଙ୍କୁ ଅନୁରୋଧ କରିଥିଲୁ, କିନ୍ତୁ ଏଯାଏଁ ଶବ ଆସିନାହିଁ। ସମସ୍ତେ ଆମକୁ ଶରୀର ଦେବା ପାଇଁ ଆଶ୍ୱାସନା ଦେଉଛନ୍ତି, ହେଲେ କିଛି ହେଉନି। ସାତ ଦିନ ବିତିଗଲାଣି ବୋଲି ସେ କହିଛନ୍ତି।

ଶବ ଫେରାଇ ଆଣିବାରେ ବିଳମ୍ବ ହେବାରୁ ପରିବାର ଲୋକେ ଅନ୍ତିମ ସଂସ୍କାର କରିବା ସହ ମୃତ୍ୟୁ ପରେ ଆବଶ୍ୟକୀୟ ରୀତିନୀତି ପାଳନ କରିବାରେ ବାଧା ସୃଷ୍ଟି ହୋଇଛି। ଯେପର୍ଯ୍ୟନ୍ତ ଶବ ମିଳିନି ସେପର୍ଯ୍ୟନ୍ତ ଆମେ ‘ସୁଧିକ୍ରିୟା’ କିପରି ଆୟୋଜନ କରିପାରିବା ବୋଲି ମୃତକଙ୍କ ମାମୁଁ ପ୍ରଶ୍ନ କରିଛନ୍ତି।