ବିଶିଷ୍ଟ ନାଟ୍ୟକାର ଅରବିନ୍ଦ ରାୟଙ୍କ ଲିଖିତ ଓଦେବାନନ୍ଦ ନାୟକଙ୍କ ପରିକଳ୍ପନା ଓ ନିର୍ଦ୍ଦେଶନାରେ ଭୁବନେଶ୍ୱରର ଏକ୍ସପ୍ରେସନ ନାଟ୍ୟ ସଂସ୍ଥାର କଳାକାରମାନେ ଅଭିନୟ କରିଛନ୍ତି ।ବିଭିନ୍ନ ଚରିତ୍ରରେ ଦେବାନନ୍ଦ, ଜେସେଫ, ରବିନ୍ଦ୍ର, ସୂର୍ଯ୍ୟ, ଅଭିଜିତ, ବିନୟ, ସୌମ୍ୟ, ବିଷ୍ଣୁ, ସୁମନ, ସିଦ୍ଧାନ୍ତ, ଫିନୋଜ, ଶୁଭଙ୍କର, ଜଗନ୍ନାଥ, ବାଙ୍ଗୁରୁ, ନିଶାନ୍ତ, ସୋନମ, ସରିତା, ଶୁଭଲକ୍ଷ୍ମୀ, କାଜଲ ପ୍ରମୁଖ ଅଭିନୟ କରିଥିବାବେଳେ ମଞ୍ଚ ପରିଚାଳନାରେ ଉପେନ୍ଦ୍ର ପତି ଓ ଶୁଭଙ୍କର, ହସ୍ତ ଉପକରଣ ଓ ପୋଷାକ ପରିଚାଳନାରେ ଡି. ଅନୁରାଧା, ସଙ୍ଗୀତରେ ଆଶିଷ ପୁପି, ରୂପସଜ୍ଜାରେ ରମେଶ, ପୋଷାକରେ ଜନତା, ମଞ୍ଚରେ ତି୍ରମୂର୍ତ୍ତି, ଆଲୋକରେ ରାକେଶ, ସହନିର୍ଦ୍ଦେଶନାରେ କାଜଲ ଏବଂ କଣ୍ଠଶିଳ୍ପୀ ଭାବେ ଦେବାନନ୍ଦ ନାୟକ ସହଯୋଗ କରିଥିଲେ । ଓଡ଼ିଆ ଭାଷା ବିଜ୍ଞାନୀ ତଥା ସ୍ୱାଧୀନତା ସଂଗ୍ରାମୀ ପଦ୍ମଶ୍ରୀ କାନୁନ୍ଗୋ ଗାନ୍ଧୀଜୀଙ୍କ ଆହ୍ୱାନରେ ସ୍ୱାଧୀନତା ସଂଗ୍ରାମରେ ଝାସ ଦେଇ ବହୁବାର କାରାବରଣ କରିଥିଲେ । ୧୯୪୫ ମସିହାରେ ବ୍ରହ୍ମପୁର ଜେଲରୁ ମୁକ୍ତି ପାଇବା ପରେ ଓଡ଼ିଆ ଭାଷାରେ ଜ୍ଞାନବିଜ୍ଞାନର ଜଟିଳ କଥାକୁ ସରଳରେ ଲେଖିବାର ପ୍ରକି୍ରୟା ଆରମ୍ଭ କରିଥିଲେ । ଯାହାଦ୍ୱାରା ଓଡ଼ିଆ ଭାଷାରେ ଏନ୍ସାଇକ୍ଲୋପେଡିଆ ତଥା ଜ୍ଞାନମଣ୍ଡଳର ରଚନା ସମ୍ଭବ ହୋଇଥିଲା । ତାଙ୍କର ସାଧନା ଓ ସିଦ୍ଧିର କୃତିତ୍ୱକୁ ନେଇ ନାଟକ ‘ଜ୍ଞାନ ତପସ୍ୱୀ’ ପ୍ରଦର୍ଶିତ ହୋଇଛି।
ଆସନ୍ତା କାଲି ଏହି ଉତ୍ସବରେ ସ୍ୱାଧୀନତା ସଂଗ୍ରାମୀ ରମାଦେବୀ ଚୌଧୁରୀଙ୍କ ଉପରେ ‘ରମାଦେବୀ’ ମଞ୍ଚସ୍ଥ ହେବ । ଏହାକୁ ନାଟ୍ୟକାର ନାରାୟଣ ସାହୁ ଲେଖିଥିବାବେଳେ ସୁବାସ ଚନ୍ଦ୍ର ପ୍ରଧାନ ନିର୍ଦ୍ଦେଶନା ଦେବେ ।
Comments are closed.