ଭୁବନେଶ୍ବର: ଦୀର୍ଘଦିନ ଧରି ଇନଫୋସିଟି ଥାନାର ବିଭିନ୍ନ ଅଞ୍ଚଳ ସହ ବାହାରକୁ ବ୍ରାଉନସୁଗାର ବିକ୍ରି କରୁଥିବା ନିଶା ବେପାରୀ ଗ୍ୟାଙ୍ଗକୁ କାବୁ କରିଛି ପୋଲିସ୍। ଜଣେ ମହିଳାଙ୍କ ସମେତ ୩ ଜଣ ଯୁବକଙ୍କୁ ଇନଫୋସିଟି ପୋଲିସ ଗିରଫ କରିଛି। ସେମାନଙ୍କଠାରୁ ୧୯ ଗ୍ରାମ ବ୍ରାଉନସୁଗାର ଜବତ ହୋଇଛି।
ଗିରଫ ଅଭିଯୁକ୍ତମାନେ ହେଲେ ଚନ୍ଦକା ଥାନା ଜେଠି ସାହିର ରାଲବିନ୍ ପାଟଶାଣି, ପୁରୀ ଜିଲ୍ଲା କନକପୁରର ସୁଶୀଲ କୁମାର ବିଶ୍ଵାଳ ଓ ଚନ୍ଦକା ଥାନା ଅଞ୍ଚଳର ପୂଜା ମହାନ୍ତି। ସମସ୍ତେ ଚିରଗୋଲଟୋଲା ବସ୍ତିରେ ରହୁଥିଲେ। ସେମାନେ ସ୍କୁଟି ଯୋଗେ ଅଞ୍ଚଳର ବିଭିନ୍ନ ସ୍ଥାନରେ ବୁଲିବୁଲି ବ୍ରାଉନସୁଗାର ବିକ୍ରି କରୁଥିବା ବେଳେ ସାଦା ପୋଷାକଧାରୀ ପୋଲିସ ସେମାନଙ୍କୁ କାବୁ କରିଥିଲା। ଡିଲ୍ ସମୟରେ ସେମାନଙ୍କ ପାଖରୁ ୧୯ଗ୍ରାମ ବ୍ରାଉନସୁଗାର, ଗୋଟିଏ ସ୍କୁଟି ସହ ନଗଦ ୨୫ ହଜାର ଟଙ୍କା ଜବତ କରିଛି। ପଚରାଉଚରା ସମୟରେ ଅଭିଯୁକ୍ତମାନେ ନୟାଗଡ ଅଞ୍ଚଳରୁ ବ୍ରାଉନସୁଗାର ଆଣି ଜନସାଧାରଣଙ୍କୁ ବିକ୍ରି କରୁଥିବାର ସ୍ବୀକାର କରିଥିଲେ। ସେମାନଙ୍କୁ ଗିରଫ କରାଯାଇ ଆଜି କୋର୍ଟ ଚାଲାଣ କରାଯାଇଛି। ଜବତ ବ୍ରାଉନସୁଗାରର ମୂଲ୍ୟ ଆନୁମାନିକ ୨ ଲକ୍ଷ ଟଙ୍କାରୁ ଅଧିକ ହେବ।
Comments are closed.