ଏନଆଇଟି ସମାବର୍ତ୍ତନ ଉତ୍ସବରେ ପ୍ରଦର୍ଶିତ ହେବ ଓଡ଼ିଶାର ସଂସ୍କୃତି ଓ ଐତିହ୍ୟ, ୫୯ ବ୍ରାଞ୍ଚ ଟପ୍ପର ପାଇବେ ମେଡାଲ

ରାଉରକେଲା: ଏନଆଇଟି ରାଉରକେଲାର ୨୧ତମ ବାର୍ଷିକ ସମାବର୍ତ୍ତନ ଉତ୍ସବ ଆସନ୍ତାକାଲି (୨୦ ତାରିଖରେ) ଦିଲ୍ଲୀପ ତିର୍କୀ ଷ୍ଟାଡିୟମରେ ଅନୁଷ୍ଠିତ ହେବ। ଯେଉଁଥିରେ ୧୯୮୮ ଜଣ ଛାତ୍ରଛାତ୍ରୀ ବିଭିନ୍ନ ବିଭାଗରେ ଡିଗ୍ରୀ ହାସଲ କରିବେ। ଏହି ଅନୁଷ୍ଠାନରେ ଚଳିତ ବର୍ଷ ସ୍ନାତକ ହାସଲ କରିଥିବା ଛାତ୍ରୀଙ୍କ ସଂଖ୍ୟା ବୃଦ୍ଧି ପାଇଛି ଏବଂ ସେମାନଙ୍କ ମଧ୍ୟରୁ ୪୫୭ ଜଣ ବା ସମୁଦାୟ ୨୩% ସେମାନଙ୍କ ପାଠପଢା ଶେଷ କରିଛନ୍ତି।

ଚଳିତ ବର୍ଷ ସ୍ନାତକ ହାସଲ କରୁଥିବା ଛାତ୍ରୀଙ୍କ ମଧ୍ୟରେ ସ୍ନାତକ ପାଠ୍ୟକ୍ରମରେ ୧୭୩ ଜଣ, ମାଷ୍ଟର୍ସରେ ୨୨୮ ଜଣ ଏବଂ ପିଏଚଡି ପାଠ୍ୟକ୍ରମରେ ୫୬ ଜଣ ଅଛନ୍ତି। ଏହି ସମାବର୍ତ୍ତନ ଉତ୍ସବରେ ଓଡ଼ିଶାର ସାଂସ୍କୃତିକ ଐତିହ୍ୟକୁ ପ୍ରଦର୍ଶିତ କରାଯିବ, କାରଣ ପୁରୁଷ ସ୍ନାତକମାନେ ସମ୍ବଲପୁରୀ ଡିଜାଇନ୍ ସହିତ କଟନ୍ କୁର୍ତ୍ତା ପିନ୍ଧିବେ ଏବଂ ମହିଳା ଗ୍ରାଜୁଏଟ୍ମାନେ ସମାନ ଡିଜାଇନ୍ ସହିତ କଟନ୍ ଶାଢ଼ି ପିନ୍ଧିବେ।

କୋଲ ଇଣ୍ଡିଆ ଲିମିଟେଡର ଅଧ୍ୟକ୍ଷ-କମ-ଏମଡି ପୋଲଭାରାପୁ ମଲ୍ଲିକାର୍ଜୁନ ପ୍ରସାଦ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଏନଆଇଟି ରାଉରକେଲାର ନିର୍ଦ୍ଦେଶକ ପ୍ରଫେସର କେ ଉମାମହେଶ୍ୱର ରାଓ ଉତ୍ସବରେ ଅଧ୍ୟକ୍ଷତା କରିବେ।

ସମାବର୍ତ୍ତନ ଉତ୍ସବରେ ଛାତ୍ରଛାତ୍ରୀଙ୍କ ଏକାଡେମିକ ଉତ୍କର୍ଷତାକୁ ସମ୍ମାନିତ କରାଯିବା ସହ ସେମାନଙ୍କ ମଧ୍ୟରୁ ୮ ଜଣଙ୍କୁ ଇନଷ୍ଟିଚ୍ୟୁଟ୍ ସ୍ୱର୍ଣ୍ଣ ପଦକ ଏବଂ ୫ ଜଣଙ୍କୁ ଆଣ୍ଡୋମେଣ୍ଟ ଗୋଲ୍ଡ ମେଡାଲ ପ୍ରଦାନ କରାଯିବ। ଏଥିସହିତ ୫୯ ଜଣ ଛାତ୍ରଛାତ୍ରୀଙ୍କୁ ନିଜ ନିଜ ବ୍ରାଞ୍ଚରେ ସର୍ବୋଚ୍ଚ ମାର୍କ ହାସଲ କରିଥିବାରୁ ସେହି ବିଭାଗର ଟପର ମେଡାଲ ପ୍ରଦାନ କରାଯିବ।

ସ୍ନାତକ ଛାତ୍ରଛାତ୍ରୀଙ୍କ ମଧ୍ୟରେ ବି.ଆର୍କରେ ୧୭, B.Tech ୯୬୧, ଡୁଆଲ୍ ଡିଗ୍ରୀ (B.Tech ଓ M.Tech ୩୮), ଇଣ୍ଟିଗ୍ରେଟେଡ୍ M.Sc (୫ ବର୍ଷ) ରେ ୫୪, M.Sc ୧୬୮, M.Tech ୫୨୦, M.Tech (ଗବେଷଣା ଅନୁଯାୟୀ), ଏମ୍ଏରେ ୨୧, ଏମ୍ବିଏରେ ୩୯ ଓ ପିଏଚଡିରେ ୧୬୭ ଜଣ ଛାତ୍ରଛାତ୍ରୀ ରହିଛନ୍ତି।

ଏମାନଙ୍କ ମଧ୍ୟରୁ ଉଗାଣ୍ଡା, ବାଂଲାଦେଶ, ଶ୍ରୀଲଙ୍କା, ନେପାଳ, ସୁଦାନ, ଆମେରିକା, ଆଫଗାନିସ୍ତାନ ଏବଂ ଭୁଟାନ ଭଳି ୮୨ଟି ଦେଶର ୮୨ ଜଣ ଅନ୍ତର୍ଜାତୀୟ ଛାତ୍ର (ପ୍ରବାସୀ ଭାରତୀୟଙ୍କ ସମେତ) ଅଛନ୍ତି। ଏମାନଙ୍କ ମଧ୍ୟରୁ ୬୬ ଜଣ ପୁରୁଷ ଓ ୧୬ ଜଣ ମହିଳା ଅଛନ୍ତି ।