ବୁଥ୍ ବିଜୟ ଓ ମିଶ୍ରଣ ପର୍ବ କାର୍ଯ୍ୟକ୍ରମରେ ବିଜେପିର ଶକ୍ତି ପ୍ରଦର୍ଶନ

ନୂଆପଡ଼ା: ନିର୍ବାଚନ ତାତି ଯେତିକି ବଢ଼ି ବଢ଼ି ଚାଲିଛି କର୍ମୀ ଓ ସମର୍ଥକ ମାନଙ୍କ ମଧ୍ୟରେ ଉତ୍ସାହ ସେତିକି ବଢ଼ିଛି । ଆଜି ନୂଆପଡ଼ା ଜିଲ୍ଲା ଖଡ଼ିଆଳ ନିର୍ବାଚନ ମଣ୍ଡଳୀର ୩୦୨ ବୁଥ୍ ର ହଜାର ହଜାର ଲୋକଙ୍କ ସମାଗମ ବିଜେପିର ଲୋକ ପ୍ରିୟତାକୁ ସୁଚାଉଥିବା ମନେ ହେଉଥିଲା ।

ଆଜି ଖଡ଼ିଆଳ ଠାରେ ଆୟୋଜିତ ବିଜେପି ର ବୁଥ୍ ବିଜୟ ଅଭିଯାନ ଓ ମିଶ୍ରଣ ପର୍ବ କାର୍ଯ୍ୟକ୍ରମ ରେ ସିନାପାଲି ବୋଡ଼େନ ଓ ଖଡ଼ିଆଳ ଅଞ୍ଚଳ ର ହଜାର ହଜାର ଲୋକ ସାମିଲ ହୋଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ‘ସବକା କା ସାଥ ସବକା ବିକାଶ’ ନାରା ରେ ଅନୁପ୍ରାଣିତ ହୋଇ ଖଡ଼ିଆଳ ବିଧାୟକ ପ୍ରାର୍ଥୀ ହିତେଶ କୁମାର ବଗର୍ତ୍ତି ଓ କଳାହାଣ୍ଡି ସାଂସଦ ପ୍ରାର୍ଥୀ ମାଳବିକା ସିଂ ଦେଓ ଙ୍କୁ ସମର୍ଥନ ଜଣାଇ ପ୍ରଥମେ ଖଡ଼ିଆଳ ମାଁ ସମଲେଶ୍ଵରୀ, ରକ୍ତାମ୍ବରି ସହ ବଡ଼ ଦଧିବାମନ ମନ୍ଦିରରେ ପୂଜା ଅର୍ଚ୍ଚନା କରିଥିଲେ ।

ଖଡ଼ିଆଳ ସହରରେ ଏକ ବିରାଟ ଶୋଭାଯାତ୍ରା କରି ନଗର ପରିକ୍ରମା କରି ଶକ୍ତି ପ୍ରଦର୍ଶନ କରିଥିଲେ । ପରେ ଖଡ଼ିଆଳ ଅଗ୍ରସେନ ଭବନ ଠାରେ ଆୟୋଜିତ ବୁଥ୍ ବିଜୟ ଓ ମିଶ୍ରଣ ପର୍ବରେ ଉପସ୍ଥିତ ଜନ ସାଧାରଣଙ୍କୁ ଉଭୟ ମାଳବିକା ଓ ହିତେଶ ବଗର୍ତ୍ତି ଉଦବୋଧନ ଦେଇ ପଦ୍ମ ଚିହ୍ନରେ ଭୋଟ୍ ଦେବା ପାଇଁ ନିବେଦନ କରିଥିଲେ ।

ଏହି ଅବସରରେ ଖଡ଼ିଆଳ ଅଞ୍ଚଳର ଆଦିବାସୀ ନେତା ମାନଙ୍କ ସହ ନୂଆପଡ଼ା କୁମ୍ଭକାର ସମାଜର ଜିଲ୍ଲା ସଭାପତିଙ୍କ ସହ ଶତାଧିକ ମହିଳା ଓ ପୁରୁଷ ବିଜେପି ରେ ଯୋଗଦେଇ ବିଜେପି ନିଶ୍ଚୟ ବିଜୟୀ ହେବ ବୋଲି ଦୃଢୋକ୍ତି ପ୍ରକାଶ କରିଛନ୍ତି ।