ହରିୟାଣା: ହରିୟାଣା ବିଧାନସଭା ନିର୍ବାଚନର ତାରିଖ ପରିବର୍ତ୍ତନ କରିବାକୁ ରାଜ୍ୟ ବିଜେପି ନିର୍ବାଚନ ଆୟୋଗଙ୍କୁ ଚିଠି ଲେଖିଛି।
ବିଜେପି ରାଜ୍ୟ ସଭାପତି ମୋହନ ଲାଲ ବାଦୋଲି ଚିଠିରେ ଲେଖିଛନ୍ତି ଯେ ୨୮ ଓ ୨୯ ସେପ୍ଟେମ୍ବର ଶନିବାର ଏବଂ ରବିବାର ପଡୁଛି। ଅକ୍ଟୋବର ୧ରେ ମତଦାନ ହେବ।
ଅପରପକ୍ଷରେ ଅକ୍ଟୋବର ୨ ହେଉଛି ଗାନ୍ଧୀ ଜୟନ୍ତୀ। ଅକ୍ଟୋବର ୩ରେ ଅଗ୍ରସେନ୍ ଜୟନ୍ତୀ ପଡୁଛି। ଏହି ଦୁଇ ଦିନ ଛୁଟିଦିନ। ଏତେ ଲମ୍ବା ଛୁଟିକୁ ଦେଖି ଭୋଟରମାନେ ବୁଲିବାକୁ ବାହାରକୁ ଯାଇପାରନ୍ତି। ଯାହା ଫଳରେ ଭୋଟ୍ ସଂଖ୍ଯା ହ୍ରାସ ହୋଇପାରେ।
ବଦୋଲି ଆହୁରି ମଧ୍ୟ ଚିଠିରେ ଉଲ୍ଲେଖ କରିଛନ୍ତି ଯେ ଅକ୍ଟୋବର ୨ ରେ ରାଜସ୍ଥାନର ମୁକାମ ଧାମରେ ଆସୋଜ ମେଳା ଆରମ୍ଭ ହେବ। ଏହା ବିଷ୍ଣୁ ସମ୍ପ୍ରଦାୟର ଏକ ବଡ଼ ଧାର୍ମିକ କାର୍ଯ୍ୟକ୍ରମ | ରାଜସ୍ଥାନ, ହରିୟାଣା, ପଞ୍ଜାବ, ଉତ୍ତରପ୍ରଦେଶ, ମଧ୍ୟପ୍ରଦେଶ, ଦିଲ୍ଲୀରୁ ମଧ୍ଯ ଲୋକମାନେ ଏହି ମେଳାକୁ ଆସିଥାନ୍ତି। ହରିୟାଣାରେ ବିଷ୍ଣୁ ସମ୍ପ୍ରଦାୟର ସଂଖ୍ୟା ଅଧିକ ଥିବାରୁ ଏହି ମେଳା ଭୋଟ୍ ଉପରେ ମଧ୍ୟ ପ୍ରଭାବ ପକାଇପାରେ।
ଅଗଷ୍ଟ ୧୬ରେ ନିର୍ବାଚନ ଆୟୋଗ ହରିୟାଣା ନିର୍ବାଚନ ନେଇ ଘୋଷଣା କରିଥିଲେ। ଅକ୍ଟୋବର ୧ ରେ ହରିୟାଣାରେ ମତଦାନ ଅନୁଷ୍ଠିତ ହେବ ଏବଂ ଫଳାଫଳ ୪ ଅକ୍ଟୋବରରେ ଘୋଷଣା କରାଯିବ।
Comments are closed.