ଚଣ୍ଡିଗଡ: ହରିୟାଣା ବିଧାନସଭା ନିର୍ବାଚନର ଚାଲିଛି ଭୋଟ ଗଣନା । ଏକଜିଟ ପୋଲ ବିପକ୍ଷରେ ବା କଂଗ୍ରେସଠୁ ଆଗୁଆ ଅଛି ବିଜେପି। ବିଜେପି ୪୮ ଆସନରେ ଆଗୁଆ ଥିବାବେଳେ ୩୬ ଆସନରେ ଆଗୁଆ ରହିଛି କଂଗ୍ରେସ। ବିଜେପିକୁ ରାଜ୍ୟରେ ୩ ଟି ଫ୍ୟାକ୍ଟ ଆଗୁଆ କରିବା ସହ ସରକାର ଗଢିବାରେ ସାହାଯ୍ୟ କରିବା ବୋଲି ଚର୍ଚ୍ଚା ହେଉଛି। ପ୍ରଥମ ଫ୍ୟାକ୍ଟ ଏମପି କୁମାରୀ ଶୈଳଜାଙ୍କୁ କଂଗ୍ରେସର ଅଣଦେଖା ସହ ଟିକେଟ ନଦେବା, ଦ୍ଵିତୀୟ ଚକିରୀରେ ଅର୍ଥ ଆଉ ସୁପାରିଶ ଏବଂ ତୃତୀୟ କାରଣ ପାଲଟିଛି ରାଜ୍ୟରେ ମୁଖ୍ୟମନ୍ତ୍ରୀ ପରିବର୍ତ୍ତନ।
ହରିୟଣାରେ ଭାରତୀୟ ଜନତା ପାର୍ଟି ଆଗରେ ଥିବା ଚର୍ଚ୍ଚା ପାଲଟିଛି। ବିଜେପି ଆଗୁଆ ରହିବାର ୩ ଟି କାରଣ ସାରା ରାଜ୍ୟରେ ବେଶ ଚର୍ଚ୍ଚା ହେବାରେ ଲାଗିଛି। ନିର୍ବାଚନରେ ଏମପି କୁମାରୀ ଶୈଳଜାଙ୍କ ମୁଦ୍ଦାକୁ ନେଇ ଜୋରଦାର ପ୍ରଚାର କରିଛି ବିଜେପି। କୁମାରୀ ଶୈଳଜାଙ୍କୁ କଂଗ୍ରେସ ଟିକେଟ ଦେଇ ନଥିଲା। କଂଗ୍ରେସ ଦଳିତ ନେତାଙ୍କୁ ସମ୍ମାନ କରେ ନାହିଁ ବୋଲି ବିଜେପି ଜୋରଦାର ପ୍ରଚାର କରିଥିଲା। ଏପରିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜେ ମଧ୍ୟ ଏହି ପ୍ରସଙ୍ଗରେ ପ୍ରଚାର କରୁଥିବା ଦେଖିବାକୁ ମିଳିଥିଲା। ଲୋକସଭା ନିର୍ବାଚନରେ କଂଗ୍ରେସର ସମ୍ବିଧାନ ବଦଳାଇବା ପ୍ରଚାର ପରି ଶୈଳଜାଙ୍କୁ ଟିକେଟ ନମିଳିବାକୁ ବିଜେପି ଟ୍ରେଣ୍ଡ କରିଛି। ଯଦି ବିଜେପି ତୃତୀୟ ଥର ହରିୟାଣାରେ ସରକାର ଗଠନ କରେ, ତେବେ ଏହା ଦଳିତମାନଙ୍କୁ ଦଳକୁ ଆଣିବାରେ ସଫଳ ହୋଇଛି ବୋଲି କୁହାଯାଇପାରେ।
ସେହିପରି ସରକାରୀ ଚାକିରିରେ ଦୁର୍ନୀତି ବନ୍ଦ କରିବା ପ୍ରସଙ୍ଗ ଉଠାଇଥିଲା ବିଜେପି। ଏହି ପ୍ରସଙ୍ଗ ଆଧାରରେ ଦଳ ଭୁପେନ୍ଦ୍ର ହୁଡ୍ଡାଙ୍କୁ ଘେରିଛି । ୧୦ ବର୍ଷ କାର୍ଯ୍ୟକାଳ ମଧ୍ୟରେ ଚାକିରୀ କେବଳ ଅର୍ଥ ଏବଂ ସୁପାରିଶ ଆଧାରରେ ଦିଆଯାଇଥିଲା ବୋଲି ଦଳ କହିଛି। ହେଲେ ୧୦ ବର୍ଷ ଶାସନ ମଧ୍ୟରେ ବିଜେପି ସ୍ବଚ୍ଛତା ଏବଂ ବିନା ଭେଦଭାବରେ ଚାକିରି ଦେଇଛି ବୋଲି ଦାବି କରିଥିଲା। ଏହି ପ୍ରସଙ୍ଗ ସାରା ରାଜ୍ୟରେ ଖୁବ ଚର୍ଚ୍ଚାରେ ରହିଥିବା ବେଳେ ଦଳକୁ ଆଗୁଆ ରଖିବାରେ ଗୁରୁତ୍ବପୂର୍ଣ୍ଣ ଭୂମିକା ନିଭଉଛି ବୋଲି କୁହାଯାଉଛି।
ଅନ୍ୟପକ୍ଷରେ ହରିୟଣାରେ ମୁଖ୍ୟମନ୍ତ୍ରୀ ବଦଳିବା ବିଜେପିକୁ ଆଗକୁ ନେଇଛି। ରାଜ୍ୟରେ ମୋହନ ଲାଲ ଖଟ୍ଟର ପ୍ରାୟ ୧୦ ବର୍ଷ ହେବ ମୁଖ୍ୟମନ୍ତ୍ରୀ ଥିଲେ। ନିର୍ବାଚନର କିଛି ମାସ ପୂର୍ବରୁ ତାଙ୍କୁ ମୁଖ୍ୟମନ୍ତ୍ରୀ ପଦରୁ ହଟାଇ ଓବିସି ଚେହେରା ନାୟବ ସିଂ ସଇନିଙ୍କୁ ଅଗ୍ରାଧିକାର ଦିଆଯାଇଥିଲା। ଏହି ବିଜେପି ଆଧାରରେ ଦୁଇଟି ବାର୍ତ୍ତା ଦେବାକୁ ଚେଷ୍ଟା କରିଛି ବିଜେପି । ଗୋଟିଏ ପଟରେ ଦଳ ଜାଟ ବନାମ ଅଣ-ଜାଟକୁ ମୁଦ୍ଦା କରୁଥିବାବେଳେ ଅନ୍ୟ ପଟରେ ଓବିସିଙ୍କୁ ପ୍ରାଥମିକତା ଦେଉଛି। ଦ୍ୱିତୀୟତଃ ଏହା ଦ୍ବାରା ମନୋହର ଲାଲ ଖଟ୍ଟରଙ୍କ କାମରେ ଖୁସି ନଥିବା ଜନତାଙ୍କୁ ମନାଇବା ପ୍ରୟାସ କରାଯାଇଥିଲା। ଯଦି ବର୍ତ୍ତମାନ ଆଗରେ ଥିବା ବିଜେପି ସରକାର ଗଠନ କରେ, ତେବେ ଏହା ଅନୁମାନ କରାଯାଇପାରେ ଯେ ଦଳର ଏହି ରଣନୀତି ମଧ୍ୟ କାମ କରିଛି।