ଗାଜିଆବାଦ: ଗାଜିଆବାଦର ସାହିବାବାଦ ଅଞ୍ଚଳରେ ଥିବା ଆର୍ଥାଲା ପେଟ୍ରୋଲ ପମ୍ପରେ ଜଣେ ଯୁବକ ତାଙ୍କ ପ୍ରେମିକାଙ୍କୁ ନିର୍ଦ୍ଧୁମ ପିଟିଛନ୍ତି। ଏହାର ଭିଡିଓ ମଧ୍ୟ ସାମ୍ନାକୁ ଆସିଛି। ଭିଡିଓରେ ଦୁହେଁ ଝଗଡା କରୁଥିବା ଦେଖିବାକୁ ମିଳିଛି।
ପୋଲିସ ଯୁବକଙ୍କ ବିରୋଧରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ସୂଚନାନୁସାରେ, ଉକ୍ତ ଯୁବକ ତାଙ୍କ ମହିଳା ବନ୍ଧୁଙ୍କ ସହ ଆର୍ଥାଲା ପେଟ୍ରୋଲ ପମ୍ପରେ ଥିଲାବେଳେ ତାଙ୍କ ମୋବାଇଲରେ ଜଣେ ମହିଳା ବନ୍ଧୁଙ୍କ କଲ୍ ଆସିଥିଲା। ଯାହାକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ଆରମ୍ଭ ହୋଇଥିଲା।
ନିକଟରେ ଉପସ୍ଥିତ ଥିବା କିଛି ଲୋକ ଏହି ଘଟଣାକୁ ମୋବାଇଲ୍ ଫୋନରେ ରେକର୍ଡ କରିବାରେ ଲାଗିଥିଲେ। ତେବେ ଏହି ଘଟଣାରେ ସାହିବାବାଦ ଏସିପି ରଜନୀଶ ଉପାଧ୍ୟାୟ କହିଛନ୍ତି, ଆମେ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରିଛୁ ଏବଂ ତଦନ୍ତ ଚାଲିଛି। ତେବେ ଯୁବକ ଏବଂ ତାଙ୍କ ମହିଳା ବନ୍ଧୁ ଦୀର୍ଘ ସମୟ ଧରି ଏକାଠି ରହି ଆସୁଥିଲେ।
Comments are closed.