କୋରାପୁଟ: ପାରିବାରିକ କଳହକୁ ନେଇ ଡ୍ୟାମକୁ ଡେଇଁଲେ ମହିଳା। ଏଭଳି ଅଭାବନୀୟ ଘଟଣା ଘଟିଛି କୋରାପୁଟ ଜିଲ୍ଲାର କୋଲାବ ଡ୍ୟାମରେ। ଗୁରୁତର ଅବସ୍ଥାରେ ମହିଳାଙ୍କୁ ଉଦ୍ଧାର କଲେ ଅଗ୍ନିଶମ ବାହିନୀ। ମହିଳା ଜଣଙ୍କ ବିବାହିତା ବୋଲି ଜଣାପଡିଛି।
ସୂଚନାନୁସାରେ, କୋରାପୁଟ ସଦର ପୋଲିସ ସୀମା ଅନ୍ତର୍ଗତ କୁସୁମାଗୁଡାର ଚନ୍ଦିନୀ ବିଷୋଇ ନାମକ ଏହି ମହିଳା ଦିପାବଳୀ ପାଳନ କରିବା ପାଇଁ ତାଙ୍କ ସ୍ୱାମୀ ଗୋପାଳକୃଷ୍ଣ ବିଷୋଇଙ୍କ ସହ ତାଙ୍କ ଶାଶୁ ଘରକୁ ଯିବାକୁ ଯୋଜନା କରିଥିଲେ। କିନ୍ତୁ ସ୍ୱାମୀଙ୍କ ସହ କିଛି ସମସ୍ୟା ହେତୁ ସେ ଯାଇ ନଥିଲେ। ତେବେ ଗୋପାଳକୃଷ୍ଣ ସେମାନଙ୍କର ଚାରି ବର୍ଷର ପୁଅ ସହିତ ଚାଲିଗଲେ।
ପରେ ଚନ୍ଦିନୀ ତାଙ୍କ ସ୍ୱାମୀଙ୍କ ସହ ଫୋନରେ ତୀବ୍ର ଯୁକ୍ତିତର୍କ କରିଥିଲେ। ଏହା ପରେ ସେ ଏକ ବସ୍ରେ କୋରାପୁଟ ନିକଟ ଦୁରୁଗୁ଼ଡା ଅଭିମୁଖେ ଯାଇଥିଲେ। ସେ କୋଲାବ ବ୍ରିଜ ନିକଟ ବସରୁ ଓହ୍ଲାଇ ନଦୀକୁ ଡେଇଁ ପଡିଲେ। ଘଟଣା ସମ୍ପର୍କରେ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ସୂଚନା ଦେଇଥିଲେ। ଗୁରୁତର ଅବସ୍ଥାରେ ମହିଳାଙ୍କୁ ଉଦ୍ଧାର କଲେ ଅଗ୍ନିଶମ ବାହିନୀ। ମହିଳା ଜଣଙ୍କ କୁସୁମାଗୁଡାର, ଡ୍ୟାମକୁ ଡେଇଁବା କାରଣ ଅସ୍ପଷ୍ଟ । ବସରୁ ଓହ୍ଲାଇ ଜଳଭଣ୍ଡାର ନିକଟକୁ ଚାଲି ଚାଲି ଯାଇଥିଲେ।
Comments are closed.