ଅହମ୍ମଦାବାଦ: ବିଶ୍ୱର ଲୋକପ୍ରିୟ ବ୍ରିଟିଶ ରକ୍ ବ୍ୟାଣ୍ଡ କୋଲ୍ଡପ୍ଲେ ଏହାର ‘ମ୍ୟୁଜିକ୍ ଅଫ୍ ଦି ସ୍ପିୟର୍ସ ୱାର୍ଲ୍ଡ ଟୁର’ର ଅଂଶ ଭାବରେ ଗୁଜୁରାଟର ଅହମ୍ମଦାବାଦରେ ଏହାର ଚତୁର୍ଥ କନ୍ସର୍ଟ ତାରିଖ ଘୋଷଣା କରିଛି। ଏହି ଶୋ’ ଜାନୁଆରୀ ୨୫, ୨୦୨୫ରେ ନରେନ୍ଦ୍ର ମୋଦୀ ଷ୍ଟାଡିୟମରେ ଅନୁଷ୍ଠିତ ହେବ। ଏହାର ଟିକେଟ୍ ୧୬ ନଭେମ୍ବର ୨୦୨୪ରେ ବୁକ୍ ମାଇ ଶୋ’ରେ ଉପଲବ୍ଧ ହେବ। ଏହି ଶୋ’ରେ ପ୍ରସିଦ୍ଧ ଗାୟକ କ୍ରିସ୍ ମାର୍ଟିନ, ଗୀତାରିଷ୍ଟ ଜନି ବକଲ୍ୟାଣ୍ଡ, ବେସିଷ୍ଟ ଗାୟ ବେରମ୍ୟାନ୍ ଏବଂ ଡ୍ରମର୍ ୱିଲ୍ ଚାମ୍ପିଅନ୍ ପ୍ରଦର୍ଶନ କରିବେ।
କୋଲ୍ଡପ୍ଲେଙ୍କର ତିନୋଟି କନ୍ସର୍ଟ ଜାନୁଆରୀ ୧୮, ୧୯ ଏବଂ ୨୧ରେ ମୁମ୍ବାଇରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ବର୍ତ୍ତମାନ ଏଥିରେ ଅହମ୍ମଦାବାଦର ନାମ ମଧ୍ୟ ଯୋଡି ହୋଇଛି। ମୁମ୍ବାଇରେ କନସର୍ଟ ଘୋଷଣା ହେବା ମାତ୍ରେ ବହୁ ସଂଖ୍ୟାରେ ଲୋକ ଟିକେଟ୍ ପାଇପାରିନଥିଲେ। ଅନଲାଇନ୍ ବୁକିଂ ପାଇଁ ଲକ୍ଷ ଲକ୍ଷ ଲୋକ ୱେଟିଂ ଲିଷ୍ଟରେ ଥିଲେ। ସ୍ଥିତି ଏଭଳି ଥିଲା ଯେ ଟିକେଟ୍ ନପାଇ ଅନେକ ଫ୍ୟାନ୍ସ ନିରାଶ ମଧ୍ଯ ହୋଇଥିଲେ।
ତେବେ ନରେନ୍ଦ୍ର ମୋଦୀ ଷ୍ଟାଡିୟମର କ୍ଷମତା ୧.୨୫ ଲକ୍ଷ ରହିଛି।
Comments are closed.