ଢେଙ୍କାନାଳ: ପଦ ହରାଇଲେ ସଦର ବ୍ଲକ ଅଧ୍ୟକ୍ଷା ରାଜଶ୍ରୀ ନାୟକ । ଅନାସ୍ଥା ଭୋଟିଂରେ ଅଧ୍ୟକ୍ଷାଙ୍କ ବିପକ୍ଷରେ ୪୪ ଭୋଟ୍ ରହିଥିବା ବେଳେ ସପକ୍ଷରେ ୧୭ଟି ଭୋଟ୍ ପଡିଥିଲା । ଏଥିସହିତ ଗୋଟିଏ ଭୋଟ୍ ନାକଚ ହୋଇଥିବା ବେଳେ ୧୭ ଭୋଟ ସହିତ ବିଜେଡ ବ୍ଳକ ଅଧ୍ୟକ୍ଷା ରାଜଶ୍ରୀ ନାୟକ ପରାଜିତ ହୋଇଛନ୍ତି ।
ତେବେ ଆଜି ଢେଙ୍କାନାଳ ସଦର ବ୍ଲକରେ ଅନସ୍ଥା ଭୋଟିଂ ଚାଲିଥିବା ବେଳେ ଏଥିରେ ୨ ବିଧାୟକ ଏବଂ ଢେଙ୍କାନାଳ ସାଂସଦଙ୍କୁ ମିଶାଇ ମୋଟ ୬୨ ଜଣ ଭୋଟ୍ ଦେଇଥିଲେ । ବ୍ଲକ ଅଧ୍ୟକ୍ଷା ରାଜଶ୍ରୀ ନାୟକଙ୍କ ବିପକ୍ଷରେ ୪୪ ଭୋଟ ରହିଥିବା ବେଳେ ସେ ଏବେ ସଦର ବ୍ଲକ ଅଧ୍ୟକ୍ଷା ପଦ ହରାଇଥିବା ନିର୍ବାଚନ ରିଟର୍ଣ୍ଣିଂ ଅଫିସର ସୂଚନା ଦେଇଛନ୍ତି ।