ଭୁବନେଶ୍ୱର: ଆଦିତ୍ୟ ବିର୍ଲା ଗ୍ରୁପ୍ କମ୍ପାନୀ ହିଣ୍ଡାଲକୋ ଇଷ୍ଟ୍ରିଜ ଲିମିଟେଡ ପକ୍ଷରୁ ପ୍ରୋଜେକ୍ଟ ‘ଅନଭିଶା’ ଅଧୀନରେ ଏକ ଡିଜିଟାଲ କ୍ଲାସରୁମ୍ ଉଦ୍ଘାଟିତ ହୋଇଯାଇଛି। ଏହାକୁ ସମ୍ବଲପୁର ଜିଲ୍ଲାରେ ହୀରାକୁଦ ପ୍ଲାଣ୍ଟ ନିକଟବର୍ତ୍ତୀ ଅଞ୍ଚଳର ୭ଟି ହାଇସ୍କୁଲରେ କାର୍ଯ୍ୟକାରୀ କରାଯାଇଛି।
ଏହି ପ୍ରକଳ୍ପ ଶିକ୍ଷା ଆହରଣ ପରିବେଶକୁ ସମକାଳୀନ କରିବା ଲକ୍ଷ୍ୟ ରଖିଛି। ଛାତ୍ରଛାତ୍ରୀଙ୍କୁ ଆଧୁନିକ ପ୍ରଯୁକ୍ତିରେ ସଜ୍ଜିତ କରାଯାଉଛି, ଯାହା ଡିଜିଟାଲ ଯୁଗରେ ପରିବର୍ଦ୍ଧିତ ଶିକ୍ଷା ଆହରଣ ସୁଯୋଗଗୁଡିକ ନିମନ୍ତେ ଦ୍ୱାର ଉନ୍ମୁକ୍ତ କରୁଛି।
ସନ୍ଦୀପ ରୟ, ହେଡ୍, ହୀରାକୁଦ ଏଫଆରପି ପ୍ଲାଣ୍ଟ ବିସ୍ତୃତ ଭାବରେ ଉଲ୍ଲେଖ କରି କହିଛନ୍ତି, ହୀରାକୁଦ ଅଞ୍ଚଳର ଛାତ୍ରଛାତ୍ରୀ ଆଧୁନିକ ଶିକ୍ଷା ପ୍ରଯୁକ୍ତିରୁ ଯେଭଳି ଫାଇଦା ଉଠାଇପାରିବେ ତାହା ସୁନିଶ୍ଚିତ କରିବାକୁ ଆମେ ଡିଜିଟାଲ କ୍ଲାସରୁମ୍ ପ୍ରୟାସକୁ ପରିବ୍ୟାପ୍ତ କରିବାକୁ ଉତ୍ସର୍ଗୀକୃତ ରହିଛୁ। ଡିଜିଟାଲ ସାକ୍ଷରତାକୁ ପୃଷ୍ଠପୋଷକତା କରି ଏବଂ ଗୁଣାତ୍ମକ ଶିକ୍ଷାର ସୁଯୋଗରେ ଉନ୍ନତି ଆଣି ଏହି ପ୍ରୟାସ ଶିକ୍ଷା ଆହରଣ ପ୍ରକ୍ରିୟାରେ ଅବଦାନ ରଖିବ।
ପ୍ରୋଜେକ୍ଟ ଅନ୍ଭିଶା ପାରମ୍ପରିକ କ୍ଲାସରୁମ୍ଗୁଡିକୁ ଏକ ଆନ୍ତଃକ୍ରିୟାଶୀଳ, ପ୍ରଯୁକ୍ତି-ପରିଚାଳିତ ସ୍ଥଳରେ ରୂପାନ୍ତରିତ କରିବାକୁ ଚାହୁଁଛି । ଏହି ଡିଜିଟାଲ କ୍ଲାସରୁମ୍ଗୁଡିକ ସ୍ମାର୍ଟ ବୋର୍ଡ, ଇ-ର୍ଲିଂ ପ୍ଲାଟଫର୍ମ, ଏଆଇ ଇଣ୍ଟରଫେସ୍ ଏବଂ ଆଇଓଟି ଭିତ୍ତିକ ସିଷ୍ଟମ୍ଗୁଡିକରେ ସୁସଜ୍ଜିତ ହେବ, ଯାହା ଏକ ପୂର୍ଣ୍ଣାଙ୍ଗ ଆନ୍ତଃକ୍ରିୟାଶୀଳ ଶିକ୍ଷା ଆହରଣ ଅନୁଭୂତି ପ୍ରଦାନ କରିବ।
ଏଥିସହିତ ଏହି ପ୍ଲାଟଫର୍ମ ଓଡ଼ିଆ, ହିନ୍ଦୀ ଏବଂ ଇଂରାଜୀ ଭାଷାରେ ବହୁ ଭାଷା ଆଧାରିତ ବିଷୟବସ୍ତୁ ଯୋଗାଇଦେବ, ଯାହା ବିବିଧ ଛାତ୍ର ଛାତ୍ରୀଙ୍କର ଆବଶ୍ୟକତା ପୂରଣ କରିବ। ପ୍ରୋଜେକ୍ଟ ଅନ୍ଭିଶା ଶିକ୍ଷା ଆହରଣ ଦୃଶ୍ୟପଟକୁ ପୁନଃ ରୂପରେଖ ଦେବା ଆଶା କରାଯାଉଛି, ଯାହା ଛାତ୍ରଛାତ୍ରୀଙ୍କୁ ଡିଜିଟାଲ ସାକ୍ଷରତା ଆହରଣ ସହିତ ସେମାନଙ୍କର ସାମଗ୍ରିକ ଶିକ୍ଷାଗତ ଅନୁଭୂତିକୁ ପରିବର୍ଦ୍ଧିତ କରିବା ଆଶା କରାଯାଉଛି, ବୋଲି ସେ କହିଛନ୍ତି।
ୟୁପିଏମଏଓ ଲାରପଙ୍କ ପ୍ରଧାନ ଶିକ୍ଷୟିତ୍ରୀ ହିମାଦ୍ରୀ ଦେହୁରୀ କହିଛନ୍ତି, ଆମର ଛାତ୍ରଛାତ୍ରୀମାନେ ଏହି ନୂତନ ଶିକ୍ଷା ଆହରଣ ବ୍ୟବସ୍ଥାକୁ ଆପଣେଇବାକୁ ଅତ୍ୟନ୍ତ ଉଲ୍ଲସିତ ଅଛନ୍ତି। ସମ୍ପ୍ରତି ଡିଜିଟାଲ ସାଧନ ଉପଲବ୍ଧ ହେବାଦ୍ୱାରା ଆମେ ଅଧିକ ନିୟୋଜନକାରୀ ଏବଂ ଫଳପ୍ରସୂ ଶିକ୍ଷଣୀୟ ଅନୁଭୂତି ପ୍ରଦାନ କରିପାରିବୁ। ଆମେ ହିଣ୍ଡାଲକୋ ଇଷ୍ଟ୍ରିଜ ଲିମିଟେଡ, ହୀରାକୁଦ ନିକଟରେ ଶିକ୍ଷାକୁ ଆଗେଇ ନେବାରେ ସେମାନଙ୍କର ନିରନ୍ତର ସମର୍ଥନ ନିମନ୍ତେ ଗଭୀର କୃତଜ୍ଞତା ଜ୍ଞାପନ କରୁଛୁ।