ଭୁବନେଶ୍ବର: ଭାରତ ନିଜର ଭଳିକିଭଳି ପର୍ବପର୍ବାଣୀ, ଉତ୍ସବକୁ ନେଇ ସାରା ବିଶ୍ବରେ ନିଜର ଏକ ଅଲଗା ପରିଚୟ ସୃଷ୍ଟି କରିଛି । ଆମ ଦେଶରେ କଶ୍ନୀର ଠାରୁ ଆରମ୍ଭ କରି କନ୍ୟାକୁମାରୀ ଯାଏଁ ଓ ଗୁଜୁରାଟ ଠାରୁ ଆରମ୍ଭ କରି ଅରୁଣାଚଳପ୍ରଦେଶ ଯାଏଁ ଏପରି ଏପରି ଉତ୍ସବ ପାଳନ କରାଯାଏ ଯାହାକୁ ଥରେ ଦେଖିଦେଲେ ହୃଦୟ ଆନନ୍ଦରେ ଭରିଯାଏ । ତେବେ ଆଜି ଆମେ ଜାଣିବା ଭାରତର କିଛି ପ୍ରମୁଖ ଶୀତକାଳୀନ ପର୍ବ ବିଷୟରେ ଯାହାକୁ ଦେଖିଲେ ଜୀବନରେ କେବେ ଭୁଲିପାରିବେ ନାହିଁ ।
ମ୍ୟାଗନେଟିକ୍ ଫିଲ୍ଡ୍ସ ମହୋତ୍ସବ
ଏଥର ମ୍ୟାଗନେଟିକ୍ ଫିଲ୍ଡ୍ସ ମହୋତ୍ସବର ଦଶମ ସଂସ୍କରଣ ଡିସେମ୍ବର ୬ରୁ ଡିସେମ୍ବର ୮ ମଧ୍ୟରେ ପାଳନ କରାଯିବ। ଏହା ରାଜସ୍ଥାନର ଅଲସିସାରରେ ପାଳନ କରାଯାଏ। ଏହି ଶୀତକାଳୀନ ପର୍ବକୁ ଅତି ନିକଟରୁ ଦେଖିବାର ନିଜସ୍ୱ ମଜା ଅଛି।
ଜୈସଲମେର ମରୁଭୂମି ମହୋତ୍ସବ
ଜୈସଲମେର ମରୁଭୂମି ମହୋତ୍ସବ ମାରୁ ମହୋତ୍ସବ ନାମରେ ମଧ୍ୟ ଜଣାଶୁଣା । ଗତ କିଛି ବର୍ଷ ମଧ୍ୟରେ ଏହା ରାଜସ୍ଥାନର ମରୁଭୂମି ଅଞ୍ଚଳର ଏକ ପ୍ରମୁଖ ପର୍ବ ଭାବରେ ପରିଚିତ ହୋଇଛି। ଏହି ଉତ୍ସବରେ ୩ ଦିନ ନୃତ୍ୟ, ଲୋକସଂଗୀତ, ଝୁମର ବ୍ୟତୀତ କଲବେଲିଆ ନୃତ୍ୟ ଦେଖିବାକୁ ମିଳେ।
ନାଗାଲାଣ୍ଡ ହର୍ନବିଲ୍ ଫେଷ୍ଟିଭାଲ୍
ନାଗାଲାଣ୍ଡର ହର୍ନବିଲ୍ ଫେଷ୍ଟିଭାଲକୁ ଫେଷ୍ଟିଭାଲ୍ ଅଫ୍ ଫେଷ୍ଟିଭାଲ୍ କୁହାଯାଏ। ପ୍ରତିବର୍ଷ ୧ ଡିସେମ୍ବରରୁ ୧୦ ଡିସେମ୍ବର ପର୍ଯ୍ୟନ୍ତ ନାଗାଲାଣ୍ଡରେ ହର୍ନବିଲ୍ ଫେଷ୍ଟିଭାଲ୍ ପାଳନ କରାଯାଏ। ସ୍ଥାନୀୟ ପକ୍ଷୀ ହର୍ନବିଲ୍ ନାମରେ ଏହାର ନାମକରଣ କରାଯାଇଛି। ଏଥିରେ ନାଗାଲାଣ୍ଡର ବିଭିନ୍ନ ଜନଜାତି ସେମାନଙ୍କର ଜଲଓ୍ବା ଦେଖାଇଥାନ୍ତି।
NH7 ୱିକେଣ୍ଡର
ଏହି ବର୍ଷ NH7 ୱିକେଣ୍ଡର ୧୪-୧୫ ଡିସେମ୍ବରରେ ପାଳନ କରାଯିବ। ଏହା ହେଉଛି ଭାରତର ଏକ ମ୍ୟୁଜିକ୍ କାର୍ଯ୍ୟକ୍ରମ। ଯେଉଁଥିରେ ଆର୍ଚର ସ୍ମିଥଙ୍କ ବ୍ୟତୀତ ରଫତାର, ଅମିତ ତ୍ରିବେଦୀ, କିଙ୍ଗ ଇତ୍ୟାଦି ଅନେକ ପ୍ରସିଦ୍ଧ ଚେହେରା ସେମାନଙ୍କର ଯାଦୁ ବିସ୍ତାର କରିଥାନ୍ତି।
ରଣ ଉତ୍ସବ
ଯଦି ଆପଣ ଗୁଜୁରାଟକୁ ଏକ୍ସପ୍ଲୋର୍ କରିବାକୁ ଚାହୁଁଛନ୍ତି ତେବେ ଆପଣଙ୍କ ତାଲିକାରେ ରଣ ଉତ୍ସବ ରହିବା ଉଚିତ୍। ଡିସେମ୍ବର ୧ ରୁ ଧୋର୍ଧରେ ଏହି ପର୍ବ ପାଳନ କରାଯାଉଛି। ଏହି ଉତ୍ସବ ୨୮ ଫେବୃଆରୀ ପର୍ଯ୍ୟନ୍ତ ଜାରି ରହିବ। ଏଥିରେ ରଣ ଅଫ୍ କଚ୍ଛ ବ୍ୟତୀତ ଆପଣ ଗୁଜୁରାଟର ସ୍ଥାନୀୟ ପରମ୍ପରାକୁ ପାଖରୁ ଜାଣିବାର ସୁଯୋଗ ପାଇବେ।
ଲୋହରୀ
ଲୋହରୀ ପ୍ରତିବର୍ଷ ୧୩ ଜାନୁଆରୀରେ ପାଳନ କରାଯାଏ। ଏହା ଉତ୍ତର ଭାରତର ସବୁଠାରୁ ପ୍ରସିଦ୍ଧ ଶୀତ ପର୍ବ। ବିଶେଷ କରି ପଞ୍ଜାବୀମାନେ ଶୀତ ଦିନର ଶେଷ ଏବଂ ବଡ଼ ଦିନର ଆରମ୍ଭକୁ ପାଳନ କରନ୍ତି। ଏହି ସମୟ ମଧ୍ୟରେ ପାରମ୍ପାରିକ ଲୋକନୃତ୍ୟ ଏବଂ ଗୀତ ଗୁଡ଼ିକ ଉପସ୍ଥାପିତ ହୁଏ।
ଜୟପୁର ସାହିତ୍ୟ ମହୋତ୍ସବ
ଏହି ବର୍ଷ ଜୟପୁର ସାହିତ୍ୟ ମହୋତ୍ସବ ୩୦ ଜାନୁଆରୀରୁ ୩ ଫେବୃଆରୀ ମଧ୍ୟରେ ଆୟୋଜିତ ହେବାକୁ ପ୍ରସ୍ତାବ ଦିଆଯାଇଛି। କୁହାଯାଏ ଯେ ଜୟପୁର ସାହିତ୍ୟ ମହୋତ୍ସବରେ ବିଶ୍ବର ସବୁଠାରୁ ବୁଦ୍ଧିମାନ ବ୍ୟକ୍ତିମାନେ ଏକ ମଞ୍ଚରେ ଏକାଠି ହୁଅନ୍ତି। ଏହି ସମୟରେ ଅନେକ ପ୍ରସଙ୍ଗ ଉପରେ ଆଲୋଚନା କରାଯାଇଥାଏ।
ମଘ ବିହୁ
ଏହା ହେଉଛି ଆସାମର ଶୀତକାଳୀନ ପର୍ବ। ଏହି ବର୍ଷ ଜାନୁଆରୀ ୧୫ରୁ ମଘ ବିହୁ ପାଳନ କରାଯିବ। ଏହି ପର୍ବରେ ଆସାମର ସମୃଦ୍ଧି ଏବଂ ରଙ୍ଗବିରଙ୍ଗ ଜୀବନକୁ ଦେଖିବାର ସୁଯୋଗ ମିଳିଥାଏ। ଏହି ଶୀତ ପର୍ବ ୭ ଦିନରୁ ଅଧିକ ସମୟ ଧରି ଚାଲିଥାଏ।
ହିମାଚଳ ଓ୍ବିଣ୍ଟର କାର୍ନିଭାଲ୍
ଏହି ବର୍ଷ ହିମାଚଳ ଶୀତକାଳୀନ କାର୍ନିଭାଲ ୨୪ ଡିସେମ୍ବରରୁ ପାଳନ କରାଯିବ। ଏହି ପର୍ବରେ ହିମାଚଳ ପ୍ରଦେଶର ସମୃଦ୍ଧି ପ୍ରଦର୍ଶିତ ହୋଇଥାଏ। ଏଥିରେ ହିମାଚଳର ୧୨ଟି ଜିଲ୍ଲାର କଳାକାରମାନେ ଆସିଥାନ୍ତି। ହିମାଚଳ ଓ୍ବିଣ୍ଟର କାର୍ନିଭାଲ୍ ଉତ୍ତର ଭାରତରେ ବେଶ୍ ଲୋକପ୍ରିୟ। ଏହାକୁ ଉପଭୋଗ କରିବାକୁ ଦେଶବିଦେଶରୁ ଲୋକ ଆସିଥାନ୍ତି।
Comments are closed.