କେରଳ: କାର୍ ସହ ବସ୍ ମୁହାଁମୁହିଁ ଧକ୍କା । କାରରେ ୭ଜଣ ଥିବା ବେଳେ ୫ ମୃତ । କାଲାରକୋଡ୍ ଆଲାପୁଝା ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ୫ ମୃତକ ଏକ ସରକାରୀ ମେଡିକାଲ କଲେଜର ପ୍ରଥମ ବର୍ଷ ଛାତ୍ର । ସେପଟେ କାର୍ରେ ଥିବା ବାକି ୨ ଜଣଙ୍କ ଅବସ୍ଥା ଗୁରୁତର ଥିବା ବେଳେ ବସ୍ରେ ଥିବା ୧୫ ଯାତ୍ରୀ ସମାନ୍ୟ ଆହତ ।
ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ କେରଳର ଆଲାପୁଝା ଅଞ୍ଚଳରେ କାର- ବସ୍ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଫଳରେ କାରରେ ୭ ଜଣ ଥିବା ବେଳେ ସେଥିରୁ ୫ ଜଣଙ୍କ ମୃତ୍ୟୁ ହୋଇଛି । ବାକି ୨ ଜଣ ଗୁରୁତର ଆହତ ହୋଇଥିଲେ। ଏନେଇ ଖବର ପାଇ ଘଟଣାସ୍ଥଳରେ ପହଞ୍ଚିଥିଲେ ଉଦ୍ଧାରକାରୀ ଟିମ୍ । ଗୁରୁତର ୨ଜଣଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ସେପଟେ ବସରେ ଥିବା ୧୫ ଯାତ୍ରୀ ସାମାନ୍ୟ ଆହତ ହୋଇଥିବା ବେଳେ ସେମାନଙ୍କୁ ମଧ୍ୟ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ଦୁର୍ଘଟଣାରେ କାରଟି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଥିବା ବେଳେ ବସଟି ସାମାନ୍ୟ କ୍ଷତିଗ୍ରସ୍ତ ହୋଇଛି । ମୃତ ମେଡିକାଲ ଛାତ୍ରମାନେ ହେଲେ ଲାକ୍ଷଦ୍ୱୀପର ଦେବାନନ୍ଦ ଏବଂ ମହମ୍ମଦ ଇବରାହିମ, ଆୟୁଶ ଶାଜି, ଶ୍ରୀଦୀପ ଭଲସନ୍ ଏବଂ ମହମ୍ମଦ ଜବର । ସମସ୍ତେ ଆଲାପୁଝା ଟିଡି ମେଡିକାଲ କଲେଜର ଛାତ୍ର ବୋଲି ଜଣାପଡ଼ିଛି ।
Comments are closed.