ମୁମ୍ବାଇ: ରେକର୍ଡ ପରେ ରେକର୍ଡ ଭାଙ୍ଗି ଚାଲିଛି ପୁଷ୍ପା ୨। ସାଉଥ୍ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ‘ପୁଷ୍ପା-୨’ର କ୍ରେଜ ଏବେ ସାରା ବିଶ୍ୱରେ ହଇଚଇ ସୃଷ୍ଟି କରିଛି। ବକ୍ସ ଅଫିସର ତୃତୀୟ ଦିନରେ ହିଁ ‘ପୁଷ୍ପା’ର ଲାଇଫଟାଇମ ବିଜନେସକୁ ପଛରେ ପକାଇଛି। ବର୍ତ୍ତମାନ ‘ପୁଷ୍ପା୨:ଦ ରୁଲ ସାରା ବିଶ୍ବରେ ୬୦୦ କୋଟି ଟଙ୍କାର କଲେକ୍ସନ କରିଛି। ସେହିପରି ଏହି ଫିଲ୍ମ ଭାରତରେ ମଧ୍ୟ ରୋଜଗାରର ରେକର୍ଡ ଭାଙ୍ଗିବାରେ ଲାଗି ରହିଛି।
ପୁଷ୍ପା ୨ ଶନିବାର, ରିଲିଜର ତୃତୀୟ ଦିନରେ ଦମଦାର ରୋଜଗାର କରିଛି। ସୁକୁମାର ନିର୍ଦ୍ଦେଶିତ ଏହି ଫିଲ୍ମ ଶୁକ୍ରବାର ତୁଳନାରେ ଶନିବାର ଜବରଦସ୍ତ କଲେକ୍ସନ କରିଛି। ପୁଷ୍ପା-୨ ତୃତୀୟ ଦିନରେ ବକ୍ସ ଅଫିସରେ ୧୧୫ କୋଟି ଟଙ୍କାର କଲେକ୍ସନ କରିଛି। ସବୁଠୁ ଅଧିକ କଲେକ୍ସନ ହିନ୍ଦୀ ଭାଷାରେ ୭୩.୫ କୋଟି ଟଙ୍କା, ଏହାପରେ ତେଲୁଗୁରେ ୩୧.୫ କୋଟି ଟଙ୍କା ଏବଂ ତାମିଲରେ ୭.୫ କୋଟି ଟଙ୍କା ରୋଜଗାର କରିଛି। ଏହି ଫିଲ୍ମ ତିନିଦିନରେ ଭାରତରେ ୩୮୩.୭ କୋଟି ଟଙ୍କାର କଲେକ୍ସନ କରିଛି।
ଏଥିସହିତ ପଠାନ୍, ଯବାନ ଭଳି ଫିଲ୍ମ କୁ କଲେକ୍ସନରେ ମାତ୍ ଦେଇଛି।
Comments are closed.