ମୁମ୍ବାଇ: ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା ତାଙ୍କ ବୈବାହିକ ଜୀବନର ଖୁବ ଆନନ୍ଦ ନେଉଛନ୍ତି। ବିବାହ ପରେ ସୋନାକ୍ଷୀ ଏବଂ ଜାହିର ବିଭିନ୍ନ ସ୍ଥାନକୁ ଯାଇ ବୁଲାବୁଲି କରୁଛନ୍ତି। ସୋନାକ୍ଷୀ ସଦାବେଳେ ଉଭୟଙ୍କ ଫଟୋ ଏବଂ ଭିଡିଓ ସୋସିଆଲ ମିଡିଆରେ ସେୟାର କରନ୍ତି। ତେବେ ବର୍ତ୍ତମାନ ଏହି ଭିଡିଓକୁ ନେଇ ଚିନ୍ତାରେ ସେମାନଙ୍କ ପ୍ରଶଂସକ। ସୋନାକ୍ଷୀ ଭିଡିଓରେ ସ୍ବାମୀ ଜାହିରଙ୍କ କାର୍ଯ୍ୟକଳାପରେ କେତେ ବିରକ୍ତି ଅଛନ୍ତି ତାହା ଉଲ୍ଲେଖ କରିଛନ୍ତି ।
ସୋନାକ୍ଷୀ ଏବଂ ଜାହିର ଗୋଟେ ସ୍ଥାନକୁ ବୁଲିବାକୁ ଯାଇଥିଲେ। ଯେଉଁଠାରେ ସୋନାକ୍ଷୀ ବୁଲିବା ସମୟରେ ଥକି ଯାଇଥିଲେ। ଯାହା ପରେ ସେ କାରରେ ଯାତ୍ରା କରିବା ସମୟରେ ଶୋଇପଡିଲେ। ସୋନାକ୍ଷୀ ଶୋଇଥିବା ଦେଖି ଜାହିର ଏକ ଭିଡିଓ ପ୍ରସ୍ତୁତ କରିଥିଲେ। ଯାହା ଅଭିନେତ୍ରୀ ସୋସିଆଲ ମିଡିଆରେ ମଧ୍ୟ ସେୟାର କରିଛନ୍ତି।
ଭିଡିଓରେ ସୋନାକ୍ଷୀ ଶୋଇଥିବାର ନଜର ଆସିଛନ୍ତି। ତାଙ୍କୁ ଶୋଇଥିବାର ଦେଖି ଜାହିର ବହୁ ଜୋରରେ ଚିତ୍କାର କରିଛନ୍ତି ଯାହାପରେ ସୋନାକ୍ଷୀ ହଠାତ୍ ଭୟଭୀତ ହୋଇ ଉଠିପଡିଛନ୍ତି। ସୋନାକ୍ଷୀ ଉଠିବା ପରେ ବିରକ୍ତ ହୋଇ ଜାହିରଙ୍କୁ ମାରିବା ଆରମ୍ଭ କରିଛନ୍ତି। ଏହି ଭିଡିଓ ସେୟାର କରିବା ବେଳେ ସେ ଲେଖିଛନ୍ତି – ‘ମୁଁ ତାଙ୍କୁ ଭେଟିବା ଦିନଠାରୁ ମୁଁ ନିଦ ହରାଇଛି।’
ସୋନାକ୍ଷୀଙ୍କ ଏହି ଭିଡିଓରେ ପ୍ରଶଂସକମାନେ ବହୁତ କମେଣ୍ଟ କରୁଛନ୍ତି। ଜଣେ ଉପଭୋକ୍ତା ଲେଖିଛନ୍ତି- ସୋନାଙ୍କ ପ୍ରତିକ୍ରିୟା। ଅନ୍ୟ କିଛି ଲୋକେ ଲେଖିଛନ୍ତି ଭୟଭୀତ ବୋହୂ। ଲୋକମାନେ ଏହି ଭିଡିଓରେ ବହୁତ ହସୁଥିବା ଇମୋଜି ମଧ୍ୟ ପୋଷ୍ଟ କରୁଛନ୍ତି। ଜାହିର ସୋନାକ୍ଷୀଙ୍କୁ ଏହା ପ୍ରଥମ ଥର ନୁହେଁ, ବରଂ ଏହା ପୂର୍ବରୁ ମଧ୍ୟ ଜାହିର ସୋନାଙ୍କ ସହ ମଜା କରୁଥିବା ଦେଖିବାକୁ ମିଳିଛି। ଦୁହେଁ ଏକାଠି ବହୁତ ସୁନ୍ଦର ଦେଖାଯାନ୍ତି ଏବଂ ପ୍ରଶଂସକମାନେ ମଧ୍ୟ ଏହି ଦମ୍ପତିଙ୍କୁ ବହୁତ ପସନ୍ଦ କରନ୍ତି। ସୋନାକ୍ଷୀ ଏବଂ ଜାହିର ଚଳିତ ବର୍ଷ ବିବାହ କରିଛନ୍ତି। ସୋନାକ୍ଷୀ ଏବଂ ଜାହିରଙ୍କର ଅତି ସରଳ ବିବାହ ହୋଇଥିଲା।
Comments are closed.