ନୂଆଦିଲ୍ଲୀ: ଦେଶର ବୃହତ୍ତମ କାର ନିର୍ମାତା ମାରୁତି ସୁଜୁକି ଏପ୍ରିଲ ୧ରୁ ନିଜର କାର / ଗାଡିର ମୂଲ୍ୟ ୪ପ୍ରତିଶତ ବୃଦ୍ଧି କରିବାକୁ ଯାଉଛି। କମ୍ପାନୀ ଗତ ସୋମବାର ଏହି ବୃଦ୍ଧି ଘୋଷଣା କରିଛି। କମ୍ପାନୀର ଏହି ଘୋଷଣା ପରେ ମାରୁତି ସୁଜୁକିର ସେୟାର ମଧ୍ୟ ୨ପ୍ରତିଶତ ବୃଦ୍ଧି ପାଇଛି ।
ସୂଚନାନୁସାରେ, ଇନପୁଟ୍ ମୂଲ୍ୟ ବୃଦ୍ଧି ଏବଂ ଅପରେଟିଂ ଖର୍ଚ୍ଚ ବୃଦ୍ଧି ହେତୁ ଏହି ନିଷ୍ପତ୍ତି ନିଆଯାଇଛି, ଯାହା କମ୍ପାନୀର ଲାଭ ଉପରେ ପ୍ରଭାବ ପକାଉଛି । ମାରୁତି ସୁଜୁକି ଘରୋଇ ବଜାରରେ ଆଲ୍ଟୋ କେ -10 ଠାରୁ ଆରମ୍ଭ କରି ଏକାଧିକ ଉଦ୍ଦେଶ୍ୟମୂଳକ ଯାନ ଇନଭିକ୍ଟୋ ପର୍ଯ୍ୟନ୍ତ ମଡେଲ ବିକ୍ରି କରେ ।
ମାରୁତି ସୁଜୁକି ଇଣ୍ଡିଆ ଏକ ନିୟାମକପତ୍ରରେ କହିଛି ଯେ, ଇନପୁଟ ମୂଲ୍ୟ ଏବଂ ଅପରେଟିଂ ଖର୍ଚ୍ଚକୁ ଦୃଷ୍ଟିରେ ରଖି କମ୍ପାନୀ ଏପ୍ରିଲରୁ ଏହାର କାରର ମୂଲ୍ୟ ବୃଦ୍ଧି କରିବାକୁ ଯୋଜନା କରିଛି। ମଡେଲ ଉପରେ ନିର୍ଭର କରି ମୂଲ୍ୟ ବୃଦ୍ଧି ଭିନ୍ନ ଭିନ୍ନ ହେବ ।
କମ୍ପାନୀ କହିଛି ଯେ, ଆମେ କ୍ରମାଗତ ଭାବରେ ଖର୍ଚ୍ଚକୁ ଅନୁକୁଳ କରିବାକୁ ଏବଂ ଗ୍ରାହକଙ୍କ ଉପରେ ଏହାର ପ୍ରଭାବକୁ କମ୍ କରିବାକୁ ଚେଷ୍ଟା କରୁଛୁ , କିନ୍ତୁ ବର୍ଦ୍ଧିତ ମୂଲ୍ୟର କିଛି ଅଂଶ ବଜାରକୁ ପଠାଯିବା ଆବଶ୍ୟକ ହୋଇପାରେ । ଏହାପୂର୍ବରୁ ଜାନୁଆରୀ ମାସରେ କମ୍ପାନୀ ବିଭିନ୍ନ ମଡେଲର ମୂଲ୍ୟ ଫେବୃଆରୀ ୧ରୁ ୩୨,୫୦୦ଟଙ୍କା ବୃଦ୍ଧି କରିବାକୁ ଘୋଷଣା କରିଥିଲା। ମାରୁତି ସୁଜୁକି ଇଣ୍ଡିଆର ସେୟାର ୦.୬୧ ପ୍ରତିଶତ ବଢିକି ୧୧,୫୭୮ ଟଙ୍କାରେ ଅଧିକ କାରବାର କରିଥିଲା ।
ଗତବର୍ଷ ଏହି ମାସରେ କମ୍ପାନୀ ମୋଟ ୧,୯୭,୪୭୧ ୟୁନିଟ୍ ବିକ୍ରି କରିଥିଲା । କମ୍ପାନୀ କହିଛି ,ଯେ ଗତ ମାସରେ ମୋଟ ଘରୋଇ ଯାତ୍ରୀବାହୀ ଯାନ ବିକ୍ରି ୧,୬୦,୭୯୧ ୟୁନିଟ୍ ଥିଲା, ଯାହା ପୂର୍ବ ବର୍ଷ ସମାନ ମାସରେ ୧,୬୦,୨୭୧ ୟୁନିଟ୍ ରହିଥିଲା।
Comments are closed.