ଭାରତ ନେଲା ୫ବଡ଼ ନିଷ୍ପତ୍ତି: ପାକିସ୍ତାନୀ ୪୮ ଘଣ୍ଟାରେ ଭାରତ ଛାଡ ,ସିନ୍ଧୁ ନଦୀ ଚୁକ୍ତି ବାତିଲ

ନୂଆଦିଲ୍ଲୀ: ସରିଲା ଗୁରୁତ୍ବପୂର୍ଣ୍ଣ ସିସିଏସ୍ ବୈଠକ । ଆଉ ବୈଠକରେ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଗୃହମନ୍ତ୍ରୀ ଅମିତ ଶାହ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ବୈଦେଶିକ ମନ୍ତ୍ରୀ ଡକ୍ଟର ଏସ ଜୟଶଙ୍କର, ଏନଏସଏ ଅଜିତ ଡୋଭାଲ ଏବଂ ଅନ୍ୟମାନେ ଉପସ୍ଥିତ ଥିଲେ। ଅଧିକାରୀମାନେ କହିଛନ୍ତି ଯେ ବୈଠକରେ ବୈଦେଶିକ ସଚିବ ବିକ୍ରମ ମିଶ୍ରି ମଧ୍ୟ ଉପସ୍ଥିତ ଥିଲେ।

ବୈଦେଶିକ ସଚିବ ବିକ୍ରମ ମିଶ୍ରି କହିଛନ୍ତି ଯେ, ଏହି ବୈଠକ ପରେ ପାକିସ୍ତାନ ସହିତ ସିନ୍ଧୁ ଜଳ ଚୁକ୍ତିନାମା ସମାପ୍ତ ହୋଇଛି। ଅଟାରୀ ଚେକ୍ ପୋଷ୍ଟ ବନ୍ଦ କରାଗଲା।

ବୈଦେଶିକ ସଚିବ ବିକ୍ରମ ମିଶ୍ରି କହିଛନ୍ତି ଯେ, ସିସିଏସକୁ ୨୨ ଏପ୍ରିଲ, ୨୦୨୫ରେ ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ବିଷୟରେ ବିସ୍ତୃତ ଭାବରେ ସୂଚନା ଦିଆଯାଇଥିଲା, ଯେଉଁଥିରେ ୨୫ ଜଣ ଭାରତୀୟ ଏବଂ ଜଣେ ନେପାଳୀ ନାଗରିକଙ୍କ ମୃତ୍ୟୁ ହୋଇଥିଲା। ଆହୁରି ଅନେକ ଆହତ ହୋଇଥିଲେ । ସିସିଏସ୍ ଏହି ଆକ୍ରମଣକୁ ଦୃଢ଼ ନିନ୍ଦା କରିଛି ।

#WATCH | Delhi: Foreign Secretary Vikram Misri says, "Recognising the seriousness of this terrorist attack, the Cabinet Committee on Security (CCS) decided upon the following measures- The Indus Waters Treaty of 1960 will be held in abeyance with immediate effect until Pakistan… pic.twitter.com/PxEPrrK1G8

— ANI (@ANI) April 23, 2025

କ’ଣ ନିଷ୍ପତ୍ତି ନିଆଯାଇଛି ଜାଣନ୍ତୁ:-

-ଭାରତ ଅଟାରୀ-ୱାଘା ସୀମା ବନ୍ଦ କରିବାକୁ ଘୋଷଣା । ଯେଉଁମାନେ ବୈଧ ଅନୁମୋଦନ ସହିତ ସୀମା ପାର କରିଛନ୍ତି ସେମାନେ ୧ମେ ୨୦୨୫ ପୂର୍ବରୁ ସେହି ରାସ୍ତା ଦେଇ ଫେରିପାରିବେ।

-ଭାରତରେ ଥିବା ପାକିସ୍ତାନ ନାଗରିକଙ୍କ ଭିସା ରଦ୍ଦ । ବର୍ତ୍ତମାନ ଭାରତରେ ଥିବା ଯେକୌଣସି ପାକିସ୍ତାନୀ ନାଗରିକଙ୍କୁ ଭାରତ ଛାଡିବା ପାଇଁ ୪୮ ଘଣ୍ଟା ସମୟ ଅଛି।

-ପାକ୍‌ରେ ଥିବା ହାଇକମିଶନରଙ୍କୁ ଫେରାଇ ଅଣାଯିବ । ଭାରତ ଇସଲାମାବାଦସ୍ଥିତ ଭାରତୀୟ ଉଚ୍ଚାୟୋଗରୁ ଏହାର ପ୍ରତିରକ୍ଷା, ନୌସେନା ଏବଂ ବାୟୁ ପରାମର୍ଶଦାତାଙ୍କୁ ଫେରାଇ ଅଣାଯିବ। ସମ୍ପୃକ୍ତ ହାଇକମିଶନରେ ଏହି ପଦବୀଗୁଡ଼ିକୁ ରଦ୍ଦ ବୋଲି ବିବେଚନା କରାଯିବ।

-ଭାରତରେ ଥିବା ପାକ୍‌ ହାଇକମିଶନଙ୍କୁ ଦେଶ ଛାଡିବାକୁ ନିର୍ଦ୍ଦେଶ । ନୂଆଦିଲ୍ଲୀସ୍ଥିତ ପାକିସ୍ତାନ ହାଇକମିଶନର ପ୍ରତିରକ୍ଷା, ସାମରିକ, ନୌସେନା ଏବଂ ବାୟୁ ପରାମର୍ଶଦାତାମାନଙ୍କୁ ବ୍ୟକ୍ତିଗତ ଭାବରେ ଅଣ-ଅନୁଗ୍ରହୀ ଘୋଷଣା କରାଯାଇଛି। ଭାରତ ଛାଡିବା ପାଇଁ ତାଙ୍କ ପାଖରେ ଗୋଟିଏ ସପ୍ତାହ ସମୟ ଅଛି।

-ସିନ୍ଧୁ ଜଳ ସମ୍ପର୍କିତ ବୁଝାମଣାକୁ ଅସ୍ଥାୟୀ ଭାବେ ନିଲମ୍ବିତ କରାଯାଇଛି।