ନୂଆଦିଲ୍ଲୀ: ପହଲଗାମ୍ ଉତ୍ତେଜନା ମଧ୍ୟରେ ଭାରତ ଲଗାତାର ପାକିସ୍ତାନ ଉପରେ ଡିଜିଟାଲ ଷ୍ଟ୍ରାଇକ ଜାରି ରଖିଛି। ନାମୀ ଦାମୀ କଳାକାର ପରେ ପାକିସ୍ତାନୀ ରାଜନେତାଙ୍କ ଉପରେ ବ୍ୟାନ୍ ଲାଗିଛି ଭାରତ।
ପାକିସ୍ତାନ ଉପରେ ଆଉ ଏକ ଡିଜିଟାଲ ଷ୍ଟ୍ରାଇକ୍ କରି ପାକିସ୍ତାନ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଏକ୍ସ୍ ଆକାଉଣ୍ଟ ବ୍ୟାନ୍ କରିଛି। ଏଥିସହିତ ପୂର୍ବତନ ମନ୍ତ୍ରୀ ବିଲାୱଲ୍ ଭୁଟ୍ଟୋଙ୍କ ଏକ ଆକାଉଣ୍ଟ ମଧ୍ୟ ବ୍ୟାନ୍ରେ ଇମ୍ରାନ ଖାନ, ବିଲାୱାଲ ଭୁଟ୍ଟୋଙ୍କ ଏକ୍ସ୍ ଆକାଉଣ୍ଟ୍ ଅବରୋଧ କରାଯାଇଛି। ଉଭୟ ପାକିସ୍ତାନୀ ରାଜନେତାଙ୍କଏକ୍ସ୍ ଆକାଉଣ୍ଟରେ ଲେଖାଯାଇଛି, ଆଇନଗତ ଦାବିର ଜବାବରେ ଭାରତରେ ସେମାନଙ୍କର ହ୍ୟାଣ୍ଡଲ୍ ରଦ୍ଦ କରାଯାଇଛି।
ତେବେ ଏହି ସପ୍ତାହର ଆରମ୍ଭରେ, ଆତଙ୍କବାଦୀ ଆକ୍ରମଣ ପରେ, କେନ୍ଦ୍ର ସରକାର ଭାରତରେ ଅନେକ ପାକିସ୍ତାନୀ ଅଭିନେତାଙ୍କ ଇନଷ୍ଟାଗ୍ରାମ ଆକାଉଣ୍ଟକୁ ଅବରୋଧ କରିଥିଲେ, ଯେଉଁଥିରେ ହାନିଆ ଆମିର, ମାହିରା ଖାନ ଏବଂ ଅଲି ଜାଫର ମଧ୍ୟ ସାମିଲ ଥିଲେ।ସେମାନଙ୍କ ଆକାଉଣ୍ଟରେ ସ୍ୱୟଂଚାଳିତ ବାର୍ତ୍ତା ପ୍ରଦର୍ଶିତ ହୋଇଥିଲା ଯେ ସେମାନେ ଭାରତରେ ଉପଲବ୍ଧ ନାହାଁନ୍ତି କାରଣ ଆମେ ଏହି ବିଷୟବସ୍ତୁକୁ ପ୍ରତିବନ୍ଧିତ କରିବା ପାଇଁ ଏକ ଆଇନଗତ ଅନୁରୋଧ ପାଳନ କରିଥିଲୁ।
ଏଥିସହିତ ଭାରତ ଅନେକ ପାକିସ୍ତାନୀ ଗଣମାଧ୍ୟମ ହାଉସ ସମେତ ଭାରତ ବିରୁଦ୍ଧରେ ଉତ୍ତେଜକ, ସାମ୍ପ୍ରଦାୟିକ ଭାବରେ ସମ୍ବେଦନଶୀଳ ବିଷୟବସ୍ତୁ ଏବଂ ଭୁଲ ସୂଚନା ପ୍ରସାର କରିବା ପାଇଁ ୧୬ଟି ପାକିସ୍ତାନୀ ୟୁଟ୍ୟୁବ୍ ଚ୍ୟାନେଲକୁ ନିଷିଦ୍ଧ କରିଥିଲା। ଶୁକ୍ରବାର ଭାରତରେ ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫଙ୍କ ୟୁଟ୍ୟୁବ୍ ଚ୍ୟାନେଲକୁ ମଧ୍ୟ ଅବରୋଧ କରାଯାଇଥିଲା।
Comments are closed.