ଶ୍ରୀନଗର: ହଜ ପାଇଁ ସ୍ପାଇସଜେଟ୍ ପକ୍ଷରୁ ଯାତ୍ରୀଙ୍କୁ ମିଳିବ ସୁବିଧା। ଘରୋଇ ବିମାନ କମ୍ପାନୀ ସ୍ପାଇସଜେଟ୍ ମେ ୧୪ରୁ ଶ୍ରୀନଗରରୁ ମଦିନାକୁ ଦୁଇଟି ସେବା ସହିତ ବିମାନ ଚଳାଚଳ ପୁନଃ ଆରମ୍ଭ କରିବ। ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନାକୁ ଦୃଷ୍ଟିରେ ରଖି ୩୨ଟି ବିମାନବନ୍ଦର ବନ୍ଦ ରହିଥିଲା। ସେମଧ୍ୟରୁ ଶ୍ରୀନଗର ଗୋଟିଏ ଥିଲା।
ସୂଚନା ଅନୁଯାୟୀ, ସୋମବାର ଦିନ ଏହି ବିମାନବନ୍ଦରଗୁଡ଼ିକୁ ବେସାମରିକ କାର୍ଯ୍ୟ ପାଇଁ ପୁନଃ ଖୋଲି ଦିଆଯାଇଥିଲା।
ଏୟାରଲାଇନ୍ସ ପକ୍ଷରୁ ଏକ ବିବୃତ୍ତିରେ କୁହାଯାଇଛି ଯେ, ସ୍ପାଇସଜେଟ୍ ଶ୍ରୀନଗରରୁ ଏହାର ହଜ୍ ବିମାନ ସେବା ପୁଣି ଆରମ୍ଭ କରିବ। ମଦିନାକୁ ଦୁଇଟି ବିମାନ ଚଳାଚଳ ହେବ ଏବଂ ପ୍ରତ୍ୟେକରେ ୩୨୪ ଜଣ ଯାତ୍ରୀଙ୍କୁ ନେବାର କ୍ଷମତା ରହିବ। ଚଳିତ ବର୍ଷ ପ୍ରାୟ ୧୫,୫୦୦ ହଜ୍ ତୀର୍ଥଯାତ୍ରୀଙ୍କ ଯାତ୍ରାକୁ ସହଜ କରିବ। ଏହି ମାସର ଆରମ୍ଭରେ ସ୍ପାଇସଜେଟ୍ ପକ୍ଷରୁ କୁହାଯାଇଥିଲା ଯେ ପ୍ରଥମ ପର୍ଯ୍ୟାୟରେ ଏହା ୪୫ଟି ହଜ୍ ବିମାନ ପରିଚାଳନା କରିବ। ଯାହା ଗୟା, ଶ୍ରୀନଗର, ଗୌହାଟି ଏବଂ କୋଲକାତାକୁ ମଦିନା ଏବଂ ଜେଦ୍ଦା ସହିତ ସଂଯୋଗ କରିବ।
ତେବେ ସାଉଦି ଆରବ ପ୍ରଶାସନ ଅନୁଯାୟୀ, ଜୁନ୍ ୧୧, ୨୦୨୫ ଠାରୁ ଅନ୍ତର୍ଜାତୀୟ ତୀର୍ଥଯାତ୍ରୀମାନଙ୍କୁ ଉମରା କରିବାକୁ ଅନୁମତି ଦିଆଯାଇଛି। ୨୦୨୫ରେ ଭାରତରୁ ହଜ୍ ପାଇଁ ୧୭୫,୦୨୫ ଜଣ ଲୋକଙ୍କୁ ସାମିଲ କରାଯାଇଛି।
Comments are closed.