‘ଅପରେସନ୍ ସିନ୍ଦୂର’ ମଦ୍ରାସାର ପାଠ୍ୟକ୍ରମରେ ହେବ ସାମିଲ

ଉତ୍ତରାଖଣ୍ଡ:ନୂତନ ପାଠ୍ୟକ୍ରମରେ ‘ଅପରେସନ୍ ସିନ୍ଦୂର’ ଉପରେ ଏକ ସମ୍ପୂର୍ଣ୍ଣ ଅଧ୍ୟାୟ ଯୋଡାଯିବ, ଯାହା ଭାରତୀୟ ସେନାର ସାହସିକତା ଏବଂ ଦେଶ ପ୍ରତି ସମର୍ପଣର ପ୍ରେରଣାଦାୟକ କାହାଣୀ କହିବ।
ଉତ୍ତରାଖଣ୍ଡର ସମସ୍ତ ମଦ୍ରାସାରେ ଅପରେସନ ସିନ୍ଦୂର ପଢ଼ାଯିବ। ମାଦ୍ରାସାରେ ପଢ଼ୁଥିବା ଛାତ୍ରମାନଙ୍କୁ ପଢାଯିବ ଯେ, ଆମର ସଶସ୍ତ୍ର ବାହିନୀ କିପରି ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀର (ପିଓକେ)ରେ ଆତଙ୍କବାଦୀ ଆଡ୍ଡାଗୁଡ଼ିକୁ ନଷ୍ଟ କରି ପହଲଗାମର ପ୍ରତିଶୋଧ ନେଇଥିଲେ।

ରାଜ୍ୟର ୪୫୧ଟି ପଞ୍ଜିକୃତ ମଦ୍ରାସାରେ ବର୍ତ୍ତମାନ ୫୦ ହଜାରରୁ ଅଧିକ ଛାତ୍ର ଅଧ୍ୟୟନ କରୁଛନ୍ତି, ଯେଉଁମାନେ ଏହି ନୂତନ ପଦକ୍ଷେପ ଅଧୀନରେ ଦେଶପ୍ରେମରେ ପରିପୂର୍ଣ୍ଣ ଇତିହାସ ସହିତ ପରିଚିତ ହେବେ। ସରକାରଙ୍କ ଏହି ପଦକ୍ଷେପକୁ ଶିକ୍ଷା ସହିତ ଜାତୀୟତାବାଦ ଏବଂ ସାମରିକ ଗର୍ବକୁ ଯୋଡ଼ିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପ୍ରୟାସ ବୋଲି ବିବେଚନା କରାଯାଉଛି।

ଏହି ପ୍ରୟାସଟି ଉତ୍ତରାଖଣ୍ଡ ମଦ୍ରାସା ଶିକ୍ଷା ବୋର୍ଡର ସଭାପତି ମୁଫତି ଶାମୁନ କାସମି ଆରମ୍ଭ କରୁଛନ୍ତି। ନିକଟରେ ସେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏବଂ ଶିକ୍ଷାବିତ୍ ଙ୍କ ସହ ଏକ ବୈଠକ କରିଥିଲେ। ଯାହା ପରେ ଏହି ନିଷ୍ପତ୍ତି ନିଆଯାଇଥିଲା।

मुस्लिम बुद्धिजीवियों के प्रतिनिधिमंडल ने माननीय रक्षा मंत्री श्री @rajnathsingh जी से मुलाकात कर #ऑपरेशनसिंदूर की सफलता पर बधाई दी| उत्तराखंड मदरसा शिक्षा बोर्ड के अध्यक्ष ने कहा, #OperationSindoor भारतीय सशस्त्र बलों की वीरता और हमारे नेतृत्व की दृढ़ता का प्रतीक है।@ukcmo pic.twitter.com/sOto7qjPsF

— Mufti Shamoon Qasmi (@muftishamoon) May 18, 2025

ଦିଲ୍ଲୀରେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କୁ ଭେଟି ଫେରିଥିବା ମୁଫତି ଶାମୁନ କାସମି କହିଛନ୍ତି ଯେ, ‘ଉତ୍ତରାଖଣ୍ଡର ସମସ୍ତ ମଦ୍ରାସାରେ ପଢ଼ୁଥିବା ଛାତ୍ରମାନଙ୍କୁ ସୈନିକଙ୍କ ସାହସିକତାର ଗାଥା ବିଷୟରେ କୁହାଯିବ। ଆଗାମୀ ସମୟରେ, ସମସ୍ତ ମଦ୍ରାସା ବୋର୍ଡର ପାଠ୍ୟକ୍ରମରେ ଅପରେସନ ସିନ୍ଦୂର ଉପରେ ଏକ ସମ୍ପୂର୍ଣ୍ଣ ଅଧ୍ୟାୟ ରହିବ, ଯାହା ଏହି ଅପରେସନ କିପରି ଆରମ୍ଭ ହୋଇଥିଲା ଏବଂ କିପରି ଆମର ସୈନିକମାନେ ପାକିସ୍ତାନର ଯୋଜନା ଓ ଆତଙ୍କବାଦୀମାନଙ୍କୁ ସମ୍ପୂର୍ଣ୍ଣ ଭାବରେ ଧ୍ୱଂସ କରିଥିଲେ। ଏହି ବିଷୟ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କୁ ମଧ୍ୟ କୁହାଯାଇଛି।

ଯଦି ଏହା ହୁଏ ତେବେ ଉତ୍ତରାଖଣ୍ଡ ପ୍ରଥମ ରାଜ୍ୟ ହେବ ଯେଉଁଠାରେ ଶିକ୍ଷା ମାଧ୍ୟମରେ ପିଲାମାନଙ୍କୁ ଅପରେସନ ସିନ୍ଦୂର ଗାଥା କୁହାଯିବ । ଉତ୍ତରାଖଣ୍ଡ ମଦ୍ରାସା ଶିକ୍ଷା ବୋର୍ଡର ଅଧ୍ୟକ୍ଷ ମୁଫତି ଶାମୁନ କାସମି କୁହନ୍ତି ଯେ ଯଦି ପିଲାମାନେ ଆମ ସୁରକ୍ଷା ବାହିନୀର ସାହସିକତାର କାହାଣୀ ପଢ଼ନ୍ତି, ତେବେ ସେମାନଙ୍କର ଦେଶପ୍ରେମ ଆହୁରି ବୃଦ୍ଧି ପାଇବ।