ଭାଇରାଲ୍ ହେଲା ମମତାଙ୍କ ‘କ୍ୟା କ୍ୟା ଛି ଛି’ ଭିଡ଼ିଓ; ସମ୍ବିତ୍ ପାତ୍ର ଟ୍ୱିଟ୍ କଲେ ‘ଦି ଦି ଛି ଛି’ !

କୋଲକାତା: ନାଗରିକତା ସଂଶୋଧନ ଆଇନ (ସିଏଏ)କୁ ନେଇ ଏବେ ଦେଶବ୍ୟାପୀ ବିରୋଧୀଦଳ ପକ୍ଷରୁ ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରାଯାଉଥିବା ବେଳେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କିନ୍ତୁ ଅଭିନବ ଢଙ୍ଗରେ ନିଜର ବିକ୍ଷୋଭ ପ୍ରଦର୍ଶନ କରିଛନ୍ତି । ସେ ସିଏଏ କୁ କ୍ୟା କ୍ୟା ଛି ଛି କହୁଥିବାର ଏକ ଭିଡ଼ିଓ ଖବର ସୋସିଆଲ୍ ମିଡ଼ିଆରେ ଭାଇରାଲ୍ ହେବାରେ ଲାଗିଛି ।

दी दी छी छी
दी दी छी छी

हा हा ही ही हा हा ही ही pic.twitter.com/WMaJ1sZkhA

— Sambit Patra (@sambitswaraj) December 21, 2019

ଏହି ଭିଡ଼ିଓଟିରେ ତୃଣମୂଳ କଂଗ୍ରେସ ସୁପ୍ରିମୋ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କୋଲକାତାଠାରେ ଦଳୀୟ କର୍ମୀଙ୍କ ଏକ ସମାବେଶରେ ନାଗରିକତା ସଂଶୋଧନ ଆଇନ (ସିଏଏ)କୁ ବିରୋଧ କରି ବିଭିନ୍ନ ସ୍ଲୋଗାନ୍ ଦେଉଥିବା ବେଳେ ଏହାକୁ ନେଇ ଚର୍ଚ୍ଚା ଜୋର୍ ଧରିଛି ।

ଏହି ଭିଡ଼ିଓଟିକୁ ନିଜ ଟ୍ୱିଟର୍ ପେଜରେ ସ୍ଥାନଦେଇ ଭାରତୀୟ ଜନତା ପାର୍ଟି (ବିଜେପି)ର ରାଷ୍ଟ୍ରୀୟ ମୁଖପାତ୍ର ସମ୍ବିତ୍ ପାତ୍ର ଏକ କୌତୁହଳପୂର୍ଣ୍ଣ ମନ୍ତବ୍ୟ ପ୍ରଦାନ କରିଛନ୍ତି । ମମତା ଦିଦି ଏହି ଭିଡ଼ିଓ ରେ ସିଏଏ ବା କ୍ୟା କ୍ୟା ଛି ! ଛି ! କହୁଥିବା ବେଳେ ସମ୍ବିତ୍ ଟ୍ୱିଟ୍ କହିଛନ୍ତି ଦି ଦି ଛି ଛି ! ଦି ଦି ଛି ଛି । ହା ହା ହି ହି ହା ହା ହି ହି ।

ସମ୍ବିତ୍ ପାତ୍ରଙ୍କ ଏହି ଟ୍ୱିଟ୍ ମଧ୍ୟ ସଙ୍ଗେ ସଙ୍ଗେ ଦର୍ଶକ ମାନେ ବହୁଳ ମାତ୍ରାରେ ଭ୍ୟୁ କରି କମେଣ୍ଟ ଦେଇଥିବା ଲକ୍ଷ୍ୟ କରାଯାଇଛି ।