ମାନାମା: ଅପରେସନ ସିନ୍ଦୂର ପରେ, ଭାରତୀୟ ସାଂସଦଙ୍କ ପ୍ରତିନିଧିମଣ୍ଡଳ ବିଶ୍ୱର ବିଭିନ୍ନ ଦେଶରେ ପାକିସ୍ତାନର ଅସଲ ଚେହେରାର ପର୍ଦ୍ଦାଫାସ କରୁଛନ୍ତି । ବିଜେପି ସାଂସଦ ବୈଜୟନ୍ତ ପଣ୍ଡାଙ୍କ ନେତୃତ୍ୱରେ ଭାରତୀୟ ପ୍ରତିନିଧି ଦଳ ବାହାରିନରେ ପହଞ୍ଚିଛି । ଯେଉଁଠାରେ ପ୍ରତିନିଧି ଦଳ ଭାରତର ପକ୍ଷ ଉପସ୍ଥାପନ କରିଥିଲେ ଏବଂ ପାକିସ୍ତାନ ପ୍ରାୟୋଜିତ ଆତଙ୍କବାଦର ପର୍ଦ୍ଦାଫାସ କରିଥିଲେ । ଏହି ସମୟରେ ଏଆଇଏମ୍ଆଇଏମ୍ ମୁଖ୍ୟ ଅସଦୁଦ୍ଦିନ ଓୱାଇସି ପାକିସ୍ତାନକୁ କଡ଼ା ସମାଲୋଚନା କରିଛନ୍ତି ।
ଅସଦୁଦ୍ଦିନ ଓୱେସି କହିଛନ୍ତି ଯେ, ଏହି ଆତଙ୍କବାଦୀ ସଂଗଠନଗୁଡ଼ିକ ଭାରତରେ ନିର୍ଦ୍ଦୋଷ ଲୋକଙ୍କୁ ହତ୍ୟା କରିଛନ୍ତି ଏବଂ ସେମାନେ କୁରାନର ପଂକ୍ତିକୁ ଭୁଲ ପ୍ରସଙ୍ଗରେ ଉପସ୍ଥାପନ କରିଛନ୍ତି । ସେମାନେ କହିଥିବା ଭୁଲ କଥାକୁ ଆମକୁ ଶେଷ କରିବାକୁ ପଡିବ । ସେମାନେ ଲୋକଙ୍କୁ ହତ୍ୟା କରିବା ପାଇଁ ଧର୍ମକୁ ବ୍ୟବହାର କରିଛନ୍ତି । ଇସଲାମ ଆତଙ୍କବାଦକୁ ନିନ୍ଦା କରେ ଏବଂ କୋରାନ ସ୍ପଷ୍ଟ ଭାବରେ କହିଛି ଯେ ଜଣେ ନିର୍ଦ୍ଦୋଷ ବ୍ୟକ୍ତିଙ୍କୁ ହତ୍ୟା କରିବା ସମଗ୍ର ମାନବ ଜାତିକୁ ହତ୍ୟା କରିବା ସହିତ ସମାନ ।
ସେ ଆହୁରି କହିଛନ୍ତି ଯେ, ଆମ ସରକାର ଆମକୁ ଏଠାକୁ ପଠାଇଛନ୍ତି । ଯାହା ଦ୍ଵାରା ବିଶ୍ୱ ଜାଣିପାରିବ ଯେ ଗତ କିଛି ବର୍ଷ ଧରି ଭାରତ କେଉଁ ବିପଦର ସମ୍ମୁଖୀନ ହେଉଛି । ଦୁର୍ଭାଗ୍ୟବଶତଃ, ଆମେ ଅନେକ ନିର୍ଦ୍ଦୋଷ ଲୋକଙ୍କ ଜୀବନ ହରାଇଛୁ । ଏହି ସମସ୍ୟା କେବଳ ପାକିସ୍ତାନ ଯୋଗୁଁ ଉପୁଜିଛି । ଯେପର୍ଯ୍ୟନ୍ତ ପାକିସ୍ତାନ ଏହି ଆତଙ୍କବାଦୀ ଗୋଷ୍ଠୀଗୁଡ଼ିକୁ ପ୍ରୋତ୍ସାହନ, ସହାୟତା ଏବଂ ପୃଷ୍ଠପୋଷକତା ବନ୍ଦ ନ କରେ, ସେପର୍ଯ୍ୟନ୍ତ ଏହି ସମସ୍ୟା ଦୂର ହେବ ନାହିଁ ।
#WATCH | Manama, Bahrain: During an interaction with the prominent personalities, AIMIM MP Asaduddin Owaisi says, " …Our govt has taken all the steps to protect the lives of every Indian. This govt has made very clear next time you (Pakistan) take up this misadventure, it will… pic.twitter.com/pIV0B04e9h
— ANI (@ANI) May 24, 2025
ଅସଦୁଦ୍ଦିନ ଓୱାଇସି କହିଛନ୍ତି ଯେ, ଆମ ସରକାର ପ୍ରତ୍ୟେକ ଭାରତୀୟଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ସମସ୍ତ ଆବଶ୍ୟକୀୟ ପଦକ୍ଷେପ ନେଇଛି । ସେ ସ୍ପଷ୍ଟ କରିଦେଇଛନ୍ତି ଯେ, ଯଦି ପାକିସ୍ତାନ ପୁଣି କୌଣସି ଭୁଲ ପଦକ୍ଷେପ ନିଏ, ତେବେ ପରିଣାମ ସେମାନଙ୍କ ଆଶାଠାରୁ ଅଧିକ ଭୟଙ୍କର ହେବ ।
ତେବେ ଭାରତୀୟ ପ୍ରତିନିଧିମଣ୍ଡଳ ବିଶ୍ୱର ୩୩ଟି ଦେଶ ଗସ୍ତ କରୁଛନ୍ତି ଏବଂ ପାକିସ୍ତାନର ପ୍ରକୃତ ଚେହେରା ବିଶ୍ୱ ସମ୍ମୁଖରେ ପ୍ରକାଶ କରୁଛନ୍ତି । ବାହାରିନ ପହଞ୍ଚିଥିବା ଦଳର ନେତୃତ୍ୱ ନେଉଛନ୍ତି ବୈଜୟନ୍ତ ପଣ୍ଡା । ଏହା ବ୍ୟତୀତ ଏଥିରେ ସାଂସଦ ନିଶିକାନ୍ତ ଦୁବେ, ଫାଙ୍ଗନ କୋନକ, ଏନଜେପି ସାଂସଦ ରେଖା ଶର୍ମା, ଏଆଇଏମଆଇଏମ ସାଂସଦ ଅସଦୁଦ୍ଦିନ ଓୱାଇସି, ସାଂସଦ ସତ୍ୟନମ ସିଂ ସାନ୍ଧୁ, ଗୁଲାମ ନବୀ ଆଜାଦ ଏବଂ ରାଷ୍ଟ୍ରଦୂତ ହର୍ଷ ଶ୍ରୀଙ୍ଗଲା ପ୍ରମୁଖ ସାମିଲ ଅଛନ୍ତି ।
Comments are closed.