ନୂଆଦିଲ୍ଲୀ: ଆଜିର ଯୁଗରେ ସମାର୍ଟଫୋନ୍ ଆମ ଜୀବନର ଏକ ଅବିଚ୍ଛେଦ୍ୟ ଅଂଶ ହୋଇପଡ଼ିଛି। କଲ୍, ମେସେଜ୍, ଇଣ୍ଟରନେଟ୍, ବ୍ୟାଙ୍କିଙ୍ଗ୍ ଠାରୁ ଆରମ୍ଭ କରି ସପିଂ ପର୍ଯ୍ୟନ୍ତ ସବୁ କାମ ଆମେ ମୋବାଇଲ ମାଧ୍ୟମରେ କରୁଛୁ। କିନ୍ତୁ ଅନେକ ଲୋକ ଏକ ଭୁଲ କରୁଛନ୍ତି, ଯାହା ଜୀବନଘାତୀ ହୋଇପାରେ—ମୋବାଇଲ କଭରରେ ଟଙ୍କା ଓ ଏଟିଏମ୍/କ୍ରେଡିଟ କାର୍ଡ ରଖିବା। ଯଦି ଆପଣ ମଧ୍ୟ ଏମିତି କରୁଛନ୍ତି, ତେବେ ଏବେ ସତର୍କ ହୋଇଯାଆନ୍ତୁ! ବିଶେଷଜ୍ଞମାନେ ଚେତାବନୀ ଦେଇଛନ୍ତି ଯେ, ମୋବାଇଲ କଭରରେ ଟଙ୍କା ଓ କାର୍ଡ ରଖିବା ଫୋନ୍ ଓଭରହିଟ୍, ନିଆଁ ଲାଗିବା ବା ଏପରିକି ବିସ୍ଫୋରଣର କାରଣ ହୋଇପାରେ।
କିପରି ହୁଏ ବିପଦ?
୧. ଓଭରହିଟିଙ୍ଗର ଆଶଙ୍କା
ଯେତେବେଳେ ମୋବାଇଲକୁ ଲମ୍ବା ସମୟ ଧରି ବ୍ୟବହାର କରାଯାଏ ବା ଚାର୍ଜିଂ ସମୟରେ ଲଗାତାର ଚଳାଯାଏ, ତେବେ ଏହା ଗରମ ହୋଇଯାଏ। ଯଦି ମୋବାଇଲ କଭରରେ ଟଙ୍କା ବା କାର୍ଡ ରଖାଯାଇଛି, ତେବେ ଏହା ଫୋନରୁ ବାହାରୁଥିବା ଗରମ ବାୟୁକୁ ବାହାରକୁ ବାହାରିବାରୁ ଅଟକାଇ ଦିଏ। ଫଳରେ ଗରମ ଭିତରେ ଫସି ରହେ ଓ ବ୍ୟାଟେରୀ ଫାଟିବା ବା ନିଆଁ ଲାଗିବାର ଆଶଙ୍କା ବଢ଼ିଯାଏ।
୨. ମ୍ୟାଗ୍ନେଟିକ୍ ଫିଲ୍ଡର ପ୍ରଭାବ
ସମାର୍ଟଫୋନ୍ରେ ଅନେକ ଇଲେକ୍ଟ୍ରୋନିକ୍ ଉପକରଣ ଓ ୱାୟାରଲେସ୍ ଚାର୍ଜିଂ ଭଳି ଟେକ୍ନୋଲୋଜି ରହିଛି, ଯାହା ମ୍ୟାଗ୍ନେଟିକ୍ ଫିଲ୍ଡ ସୃଷ୍ଟି କରେ। ଏହି ଫିଲ୍ଡ ଆପଣଙ୍କ ଏଟିଏମ୍ ବା କ୍ରେଡିଟ କାର୍ଡର ମ୍ୟାଗ୍ନେଟିକ୍ ଷ୍ଟ୍ରିପ୍କୁ ନଷ୍ଟ କରିପାରେ, ଯାହା ଫଳରେ କାର୍ଡ ଅଚଳ ହୋଇଯାଇପାରେ।
୩. କରେନ୍ସି ନୋଟ୍ ମଧ୍ୟ ନିରାପଦ ନୁହେଁ
କରେନ୍ସି ନୋଟ୍ରେ ବିଭିନ୍ନ ରାସାୟନିକ ପଦାର୍ଥ ରହିଥାଏ, ଯାହା ଗରମକୁ ଶୋଷି ନେଇପାରେ କିନ୍ତୁ ବାହାରକୁ ଛାଡ଼ି ନଥାଏ। ଏହା ଫୋନର ତାପମାତ୍ରାକୁ ଆହୁରି ବଢ଼ାଇ ଦେଇପାରେ, ଯାହା ବିସ୍ଫୋରଣର କାରଣ ହୋଇପାରେ।
୪. ସ୍ଥାନୀୟ ବା ନକଲି କଭରରୁ ବିପଦ ଅଧିକ
ଅନେକ ଲୋକ ଶସ୍ତା ବା ନକଲି ମୋବାଇଲ କଭର ବ୍ୟବହାର କରନ୍ତି, ଯାହା ଗରମକୁ ବାହାରକୁ ବାହାରିବାକୁ ଦିଏ ନାହିଁ। ଏହା ଫୋନର ବ୍ୟାଟେରୀ ଓ ପ୍ରୋସେସର ଉପରେ ଅତିରିକ୍ତ ଚାପ ସୃଷ୍ଟି କରେ, ଯାହା ଦୁର୍ଘଟଣାର ଆଶଙ୍କାକୁ ଆହୁରି ବଢ଼ାଇ ଦିଏ।
ବିଶେଷଜ୍ଞମାନେ ପରାମର୍ଶ ଦେଇଛନ୍ତି ଯେ, ମୋବାଇଲ କଭର ଭିତରେ କୌଣସି ଜିନିଷ ରଖନ୍ତୁ ନାହିଁ। ଟଙ୍କା, ଏଟିଏମ୍/କ୍ରେଡିଟ କାର୍ଡ ବା ଅନ୍ୟ କାଗଜପତ୍ର ରଖିବା ପାଇଁ ଅଲଗା ଓ୍ୱାଲେଟ ବା କାର୍ଡ ହୋଲ୍ଡର ବ୍ୟବହାର କରନ୍ତୁ।
Comments are closed.