SBI Credit Card: ଆପଣଙ୍କ ପାଖରେ SBI କ୍ରେଡିଟ୍ କାର୍ଡ ଅଛି କି? ଆସନ୍ତା ମାସରୁ ପରିବର୍ତ୍ତନ ହେଉଛି ନିୟମ

ନୂଆଦିଲ୍ଲୀ:ଯଦି ଆପଣଙ୍କ ପାଖରେ SBI କ୍ରେଡିଟ୍ କାର୍ଡ (SBI Credit Card) ଅଛି, ତେବେ ଏହି ଖବର ଆପଣଙ୍କ ପାଇଁ । ପ୍ରକୃତରେ, ଆସନ୍ତା ମାସର ପ୍ରଥମ ତାରିଖ ଅର୍ଥାତ୍ ୧ ସେପ୍ଟେମ୍ବର ୨୦୨୫ ରୁ, SBI କାର୍ଡ ନିଜର ନିୟମ ପରିବର୍ତ୍ତନ କରିବାକୁ ଯାଉଛି ଏବଂ ଯାହାର ସିଧାସଳଖ ପ୍ରଭାବ କାର୍ଡ ଧାରକଙ୍କ ଉପରେ ପଡ଼ିବ । SBI କାର୍ଡ ପକ୍ଷରୁ ଏକ ନୋଟିସ ମାଧ୍ୟମରେ ସୂଚନା ଦେଇ କୁହାଯାଇଛି ଯେ, ସେପ୍ଟେମ୍ବର ୧ତାରିଖରୁ କିଛି କାର୍ଡରୁ ରିୱାର୍ଡ ପଏଣ୍ଟଗୁଡ଼ିକୁ ବାଦ୍ ଦିଆଯାଉଛି ।

Lifestyle Home Centre SBI Card, Lifestyle Home Centre SBI Card SELECT ଓ Lifestyle Home Centre SBI Card PRIME କାର୍ଡଧାରକମାନଙ୍କୁ ଡିଜିଟାଲ୍ ଗେମିଂ ପ୍ଲାଟଫର୍ମ ( (Online Gaming) )/ବ୍ୟବସାୟୀ (merchants)ଏବଂ ସରକାରୀ କାମ ସହିତ ଜଡିତ କାରବାର ଉପରେ Reward ପଏଣ୍ଟ ମିଳିବା ବନ୍ଦ ହୋଇଯିବ।

ଏହା ସହିତ, ସେପ୍ଟେମ୍ବର 16 ରୁ, ସମସ୍ତ CPP (କାର୍ଡ ସୁରକ୍ଷା ଯୋଜନା) SBI କାର୍ଡ ଗ୍ରାହକମାନେ ସେମାନଙ୍କର ନବୀକରଣ ତାରିଖ ଆଧାରରେ ସ୍ୱୟଂଚାଳିତ ଭାବରେ ଅପଡେଟ୍ ହୋଇଥିବା ଯୋଜନା ପ୍ରକାରକୁ ସ୍ଥାନାନ୍ତରିତ ହେବେ। ସ୍ଥାନାନ୍ତରଣ ପରବର୍ତ୍ତୀ ମାସରେ ହେବ ଏବଂ ଯୋଜନା ନବୀକରଣର ଧାର୍ଯ୍ୟ ତାରିଖର ଅତି କମରେ ଚବିଶ ଘଣ୍ଟା ପୂର୍ବରୁ SMS/ଇମେଲ୍ ମାଧ୍ୟମରେ ଜଣାଇ ଦିଆଯିବ। SBI କାର୍ଡ ପାଇଁ ତିନିଟି କାର୍ଡ ସୁରକ୍ଷା ଯୋଜନା ଅଛି। କ୍ଲାସିକ୍ ପ୍ଲାନର ମୂଲ୍ୟ ୯୯୯ ଟଙ୍କା, ପ୍ରିମିୟମ୍ ପ୍ଲାନର ମୂଲ୍ୟ ୧୪୯୯ ଟଙ୍କା ଏବଂ ପ୍ଲାଟିନମ୍ ପ୍ଲାନର ମୂଲ୍ୟ ୧୯୯୯ ଟଙ୍କା।

ସୂଚନାଥାଉକି, SBI କାର୍ଡ ନିଜର ଅନେକ କାର୍ଡରେ ଉପଲବ୍ଧ ମାଗଣା ବିମାନ ଦୁର୍ଘଟଣା କଭରକୁ ବନ୍ଦ କରିଦେଇଥିଲା। ଯାହା ପଚାଶ ଲକ୍ଷ ଟଙ୍କାରୁ ଏକ କୋଟି ଟଙ୍କା ପର୍ଯ୍ୟନ୍ତ ଥିଲା। ଏହି ପରିବର୍ତ୍ତନଗୁଡ଼ିକ ସମସ୍ତ SBI Elite, SBI Primeକାର୍ଡ ବ୍ୟବହାରକାରୀଙ୍କ ପାଇଁ କରାଯାଇଛି।