Asia Cup 2025: ପୁଣି ମୁହାଁମୁହିଁ ହେବେ ଭାରତ-ପାକିସ୍ତାନ: ୟୁଏଇକୁ ହରାଇ ସୁପର-୪ରେ ପାକ୍ ଖେଳାଳୀ…ଏହି ଦିନ ହେବ ମ୍ୟାଚ୍…  

ଦୁବାଇ: ପୁଣି ଏସିଆ କପରେ ମୁହାଁମୁହିଁ ହେବେ ଦୁଇ ପାରମ୍ପରିକ ଦଳ ଭାରତ-ପାକିସ୍ତାନ । ୟୁଏଇକୁ  ୪୨ ରନରେ ହରାଇ ପାକିସ୍ତାନ ଏବେ ପାକିସ୍ତାନ ଏସିଆ କପ୍ ୨୦୨୫ର ସୁପର-୪ରେ ପହଞ୍ଚିଛି। ଏହାର ଶେଷ ଗ୍ରୁପ୍ ମ୍ୟାଚ୍‌ରେ ପାକିସ୍ତାନ ୟୁଏଇ ସହିତ ମୁହାଁମୁହିଁ ହୋଇଥିଲା। ୪୧ ରନର ବିଜୟ ପାକିସ୍ତାନକୁ ସୁପର-୪ ପାଇଁ ଟିକେଟ୍ ସୁନିଶ୍ଚିତ କରିଥିଲା। ଏସିଆ କପ୍ ୨୦୨୫ର ସୁପର ରାଉଣ୍ଡ ସେପ୍ଟେମ୍ବର ୨୦ରେ ଆରମ୍ଭ ହେବାର କାର୍ଯ୍ୟକ୍ରମ ରହିଛି। ପୂର୍ବରୁ ଭାରତ ସୁପର ୪ରେ ପ୍ରବେଶ କରିଥିବା ବେଳେ ଏବେ ସେଠି ଦୁଇ ଦଳ ମଧ୍ୟରେ ପୁଣି ମୁକାବିଲା ହେବ ।

ଏସିଆ କପ୍‌ରେ ଆଠଟି ଦଳକୁ ଦୁଇଟି ଗ୍ରୁପ୍‌ରେ ବିଭକ୍ତ କରାଯାଇଥିଲା। ପ୍ରତ୍ୟେକ ଗ୍ରୁପର ଶ୍ରେଷ୍ଠ ଦୁଇଟି ଦଳ ସୁପର ଫୋର୍ କୁ ଯିବେ। ସମସ୍ତ ଚାରିଟି ଦଳ ସେଠାରେ ପ୍ରତିଦ୍ୱନ୍ଦ୍ୱିତା କରିବେ। ଭାରତୀୟ ଦଳ ଏହାର ପ୍ରଥମ ସୁପର ଫୋର୍ ମ୍ୟାଚ୍‌ରେ ପାକିସ୍ତାନ ସହିତ ମୁକାବିଲା କରିବ। ଏହି ମ୍ୟାଚ୍‌ ସେପ୍ଟେମ୍ବର ୨୧ ତାରିଖରେ ଖେଳାଯିବ। ମ୍ୟାଚ୍‌ଟି ରାତି ୮ଟାରେ ଆରମ୍ଭ ହେବ। ଏହା ସୁପର ଫୋର୍ ରେ ପାକିସ୍ତାନର ପ୍ରଥମ ମ୍ୟାଚ୍‌ ମଧ୍ୟ ହେବ।

ତେବେ ପହଲଗାମ ଉତ୍ତେଜନା ପରେ ବିବାଦ ଭିତରେ ପୂର୍ବରୁ ଭାରତ ଏବଂ ପାକିସ୍ତାନ ମଧ୍ୟ ସେପ୍ଟେମ୍ବର ୧୪ ତାରିଖରେ ଦୁବାଇ ଗ୍ରାଉଣ୍ଡରେ ମୁହାଁମୁହିଁ ହୋଇଥିଲେ । ଗ୍ରୁପ୍ A ରେ ସେମାନଙ୍କର ସ୍ଥାନ ହେତୁ, ଦୁଇ ଦଳ ମୁହାଁମୁହିଁ ହୋଇଥିଲେ। ଭାରତ ଦୁବାଇରେ ସେହି ମ୍ୟାଚ୍ କୁ ସହଜରେ ୭ ୱିକେଟରେ ଜିତିଥିଲା। ପ୍ରଥମେ ବ୍ୟାଟିଂ କରି ପାକିସ୍ତାନ ମାତ୍ର ୧୨୭ ରନ କରିଥିଲା। ଭାରତର ସ୍ପିନ୍ ବୋଲିଂର ଜବାବ ସେମାନଙ୍କର ବ୍ୟାଟସମ୍ୟାନମାନଙ୍କ ପାଖରେ ନଥିଲା। ଭାରତୀୟ ଦଳ ୧୬ତମ ଓଭରରେ ଲକ୍ଷ୍ୟ ହାସଲ କରିଥିଲା। ଯାହାକୁ ଭାରତୀୟ ବୟକଟ କରିଥିବା ବେଳେ ମ୍ୟାଚକୁ ନେଇ ଅନେକ ଅସନ୍ତୋଷ ଦେଖାଦେଇଥିଲା । ପରେ ଖେଳ ଶେଷରେ ଟିମ୍ ଇଣ୍ଡିଆ, ଟିମ ପାକିସ୍ତାନ ସହ ହାତ ମିଳାଇ ନଥିଲା । ଯାହାକୁ ନେଇ ପାକିସ୍ତାନ ମଧ୍ୟ ଅନେକ ନାଟ ରଚନା କରିଥିଲା । ଯାହାପରେ ପୁଣି ଦୁଇ ପାରମ୍ପରିକ ଦଳ ମୁହାଁମୁହିଁ ହେବାକୁ ଯାଉଛନ୍ତି ।

ଅପରପକ୍ଷେ ଏସିଆ କପ୍ 2025 ର ଫାଇନାଲ୍ ସେପ୍ଟେମ୍ବର 28 ତାରିଖରେ ଖେଳାଯିବ। ଏହି ମ୍ୟାଚ୍ ରେ ଭାରତ ଏବଂ ପାକିସ୍ତାନ ମଧ୍ୟ ପରସ୍ପରର ସାମ୍ନା କରିପାରନ୍ତି। ସୁପର ୪ରେ ଶୀର୍ଷ ଦୁଇ ଦଳ ମଧ୍ୟରେ ଏସିଆ କପ୍ ଫାଇନାଲ୍ ଖେଳାଯିବ। ସୁପର ୪ ପାଇଁ ଯୋଗ୍ୟତା ଅର୍ଜନ କରୁଥିବା ଗ୍ରୁପ୍ B ର ଦଳଗୁଡ଼ିକର ନାମ ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ। ବାଂଲାଦେଶ, ଆଫଗାନିସ୍ତାନ ଏବଂ ଶ୍ରୀଲଙ୍କା ମଧ୍ୟରୁ ଯେକୌଣସି ଦୁଇଟି ପରବର୍ତ୍ତୀ ରାଉଣ୍ଡକୁ ଉଠିପାରେ। ଭାରତୀୟ ଦଳ ସେପ୍ଟେମ୍ବର ୨୪ ଏବଂ ୨୬ ତାରିଖରେ ଏହାର ଅନ୍ୟ ଦୁଇଟି ସୁପର ୪ ମ୍ୟାଚ୍ ଖେଳିବ।