ନୂଆଦିଲ୍ଲୀ: ସଂଯୁକ୍ତ ରାଷ୍ଟ୍ର ମାନବଧିକାର ପରିଷଦ (UNHRC)ରେ ଭାରତ ପୁଣି ଥରେ ପାକିସ୍ତାନକୁ ସମାଲୋଚନା କରିଛି। ଆତଙ୍କବାଦ ପ୍ରସଙ୍ଗଠୁ ନେଇ ପିଓକେ ଓ ନିକଟରେ ଖବୈର ପଖତୁନଖ୍ୱାରେ ପାକ୍ ସେନାର ବୋମା ମାଡ଼କୁ ନେଇ କଡ଼ା ଜବାବ ଦେଇଛି ଭାରତ। ଆତଙ୍କବାଦକୁ ନେଇ ପ୍ରହାର କରି ପାକ୍କୁ ସଭା ମଝିରେ ଲଜ୍ଜିତ କରିଛନ୍ତି ଭାରତୀୟ ରାଜନୈତିକ କ୍ଷୀତିକ ତ୍ୟାଗୀ।
ଜମ୍ମୁ କାଶ୍ମୀରରେ ଅବୈଧ କବ୍ଜା ଅଞ୍ଚଳକୁ ଖାଲି କରିବାକୁ କଡା ପରାମର୍ଶ ଦେଇଛି ଭାରତ। ଜେନେଭାରେ ଅନୁଷ୍ଠିତ ଜାତିସଂଘ ମାନବାଧିକାର ପରିଷଦ (UNHRC)ର ୬୦ତମ ଅଧିବେଶନରେ ଜମ୍ମୁ-କାଶ୍ମୀର ପ୍ରସଙ୍ଗରେ ଭାରତ ପାକିସ୍ତାନକୁ ଭର୍ତ୍ସନା କରିଛି। ପାକିସ୍ତାନୀ କୂଟନୀତିଜ୍ଞ ଭାରତ ବିରୁଦ୍ଧରେ ଉତ୍ତେଜନାପୂର୍ଣ୍ଣ ବୟାନ ଦେଇଥିଲେ। ଏହା ପରେ, ଭାରତୀୟ କୂଟନୀତିଜ୍ଞ କ୍ଷିତିଜ ମାନବାଧିକାର ଉଲ୍ଲଂଘନ ଏବଂ ଆତଙ୍କବାଦକୁ ପ୍ରୋତ୍ସାହିତ କରିବା ପାଇଁ ପାକିସ୍ତାନକୁ କଡ଼ା ସମାଲୋଚନା କରିଥିଲେ।
ରାଜନୈତିତ କ୍ଷୀତିଜ ତ୍ୟାଗୀ ପାକିସ୍ତାନକୁ କଡା ଜବାବ ଦେଇ କହିଛନ୍ତି, ପାକିସ୍ତାନ ଏହି ମଞ୍ଚରେ ଭାରତ ବିରୋଧରେ ଭୁଲ କହୁଛି। ସେ ଆମ ଅଞ୍ଚଳ ଉପରେ ନଜର ରଖିବା ପରିବର୍ତ୍ତେ, ବେଆଇନ ଭାବରେ ଦଖଲ କରିଥିବା ଭାରତୀୟ ଅଞ୍ଚଳକୁ ଖାଲି କରିବା ଉଚିତ୍ । ସେମାନେ ସେମାନଙ୍କର ଅର୍ଥନୀତିକୁ ବଞ୍ଚାଇବା ଉପରେ ଧ୍ୟାନ ଦେବା ଉଚିତ, ଯାହା ସେମାନଙ୍କର ଜୀବନରକ୍ଷକ ହୋଇଛି । କାଶ୍ମୀର ଉପରେ ମିଛ ନକହୁ । ପିଓକେ ଖାଲି କରୁ।” ଭାରତ ପାକିସ୍ତାନକୁ ଏହାର ସାମରିକ ପ୍ରାଧାନ୍ୟ ଶେଷ କରିବାକୁ ଏବଂ ମାନବାଧିକାର ରେକର୍ଡକୁ ଉନ୍ନତ କରିବାକୁ ମଧ୍ୟ ଆହ୍ୱାନ କରିଥିଲା। ଭାରତ ଆତଙ୍କବାଦୀମାନଙ୍କୁ ଆଶ୍ରୟ ଦେବା ପାଇଁ ପାକିସ୍ତାନକୁ ମଧ୍ୟ ସମାଲୋଚନା କରିଥିଲା।
Comments are closed.