ଭୁବନେଶ୍ୱର: ସବୁ ଜିଲ୍ଲା ପାଇଁ ନୂଆ ସଭାପତି ନିଯୁକ୍ତ କରିଛି କଂଗ୍ରେସ । ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେ ଓଡ଼ିଶାର ସମସ୍ତ ୩୫ଟି ସାଂଗଠନିକ ଜିଲ୍ଲା କଂଗ୍ରେସ କମିଟିର ସଭାପତିଙ୍କ ନିଯୁକ୍ତି ପ୍ରସ୍ତାବକୁ ଅନୁମୋଦନ କରିଛନ୍ତି । ସମସ୍ତ ନୂଆ ଜିଲ୍ଲା ସଭାପତିଙ୍କ ନାମ ତାଲିକା ପ୍ରକାଶ କରିଛନ୍ତି ।
ସଂଗଠନ ସୃଜନ ଅଭିଯାନ କାର୍ଯ୍ୟକ୍ରମ ଜରିଆରେ ପ୍ରତ୍ୟେକ ଜିଲ୍ଲାରେ ନିଯୁକ୍ତ ଏଆଇସିସି ପର୍ଯ୍ୟବେକ୍ଷକମାନେ ବିସ୍ତୃତ ସମୀକ୍ଷା କରିଥିଲେ, ଦଳୀୟ କର୍ମକର୍ତ୍ତା ଏବଂ ଅନ୍ୟାନ୍ୟ ଅଂଶୀଦାରମାନଙ୍କ ସହିତ ଜଡିତ ଥିଲେ ଏବଂ ସେମାନଙ୍କର ବ୍ୟାପକ ରିପୋର୍ଟ ଦାଖଲ କରିଥିଲେ । ଏହି ରିପୋର୍ଟଗୁଡ଼ିକ ଦାଖଲ ପରେ, ପ୍ରତ୍ୟେକ ପର୍ଯ୍ୟବେକ୍ଷକଙ୍କ ସହିତ ଏବଂ ବରିଷ୍ଠ ନେତାମାନଙ୍କ ସହିତ ବ୍ୟକ୍ତିଗତ ଆଲୋଚନା କରାଯାଇଥିଲା । ତଦନୁଯାୟୀ ୩୫ଟି ସାଂଗଠନିକ ଜିଲ୍ଲା ସଭାପତି ପାଇଁ ୩୫ ଜଣଙ୍କୁ ଜିଲ୍ଲା ସଭାପତି ଭାବେ ଚୟନ କରାଯାଇ ତାଙ୍କ ନାମ ତାଲିକା ଘୋଷଣା କରାଯାଇଛି ।
ସଂଗଠନ ସୃଜନ ଅଭିଯାନର ଏକ ଅଂଶ ଭାବରେ ଏହି ନିଯୁକ୍ତି ପ୍ରଦାନ କରାଯାଇଛି ବୋଲି ଏଆଇସିସି ସାଧାରଣ ସମ୍ପାଦକ(ସଂଗଠନ) କେ.ସି. ବେଣୁଗୋପାଳଙ୍କ ଦସ୍ତଖତରେ ଏକ ପ୍ରେସ ବିଜ୍ଞପ୍ତି ଜରିଆରେ ପ୍ରକାଶ ପାଇଛି । ସେମାନେ ହେଲେ ଅନୁଗୁଳର ସୁନୀଲ ପ୍ରଧାନ, ବାଲେଶ୍ଵରର ସତ୍ୟ ଶିବ ଦାସ, ବରଗଡ଼ର ହରଦିପ ସିଂ, ଭଦ୍ରକର ନଳିନୀ କାନ୍ତ ମହାନ୍ତି, ଭୁବନେଶ୍ୱରର ପ୍ରକାଶ ଚନ୍ଦ୍ର ଜେନା, ବଲାଙ୍ଗୀରର ଅନିଲ ମେହେର, ବୌଦ୍ଧର ବିନ୍ଧ୍ୟା ବିନି ସାହୁ, କଟକର ପ୍ରଦୀପ୍ତ କୁମାର ଦାସ, କଟକ ସହରର ଗିରିବାଲା ବେହେରା, ଦେବଗଡ଼ର ସେମ ହେମ୍ରମ, ଢେଙ୍କାନାଳର ଛବିନ୍ଦ୍ର ବିଶ୍ଵାଳ, ଗଜପତିର ଦାଶରଥି ଗୋମାଙ୍ଗୋ, ଗଞ୍ଜାମ ପୂର୍ବର ରଶ୍ମୀ ରଂଜନ ପଟ୍ଟନାୟକ, ଗଞ୍ଜାମ ପଶ୍ଚିମର ରମେଶ ଚନ୍ଦ୍ର ଜେନା, ଜଗସିଂହପୁରର ଦେବପ୍ରସାଦ ନାୟକ, ଯାଜପୁରର ମାଗୁଣି ବଟକୃଷ୍ଣ ଜେନା, ଝାରସୁଗୁଡ଼ାର ଜୀବନ ସାର୍ଥକ ଦାସ ।
କଳାହାଣ୍ଡିର ଜଳନ୍ଧର ନାୟକ, କନ୍ଧମାଳର ଚନ୍ଦ୍ର ଶେଖର ପରିଡ଼ା, କେନ୍ଦ୍ରାପଡ଼ାର ଦେବସ୍ମିତା ଶର୍ମା, କେନ୍ଦୁଝରର ମନୋଜ କୁମାର ଜେନା, ଖୋର୍ଦ୍ଧାର ରାଜୀବ କୁମାର ପଟ୍ଟନାୟକ, କୋରାପୁଟର ରୂପକ ତୁରୁକ୍, ମାଲକାନଗିରିର ଜି ଶ୍ରୀନିବାସ ରାଓ, ମୟୂରଭଞ୍ଜ ପୂର୍ବର ପୂର୍ଣ୍ଣ ଚନ୍ଦ୍ର ବିଶ୍ୱାଳ, ମୟୂରଭଞ୍ଜ ପଶ୍ଚିମର ଭୂବନ ବିହାରୀ ସାହୁ, ନବରଙ୍ଗପୁରର ଲିପିକା ମାଝୀ, ନୟାଗଡ଼ର ରଞ୍ଜିତ ଦାସ, ନୁଆପଡାର ଘାସୀ ରାମ ମାଝୀ, ପୁରୀର ରାଜେଶ କୁମାର ମିଶ୍ର, ରାୟଗଡାର ଆପାଲା ସ୍ୱାମୀ କାଡ୍ରାକା, ରାଉରକେଲାର ସବୀର ହୁସେନ୍, ସମ୍ବଲପୁରର ଅମିତ କୁମାର ଗୁରୁ, ସୁବର୍ଣ୍ଣପୁରର ବିନୋଦ ପାତ୍ର ଓ ସୁନ୍ଦରଗଡର ନିର୍ମଳ ଚାନ୍ଦ ନାୟକ ।
Comments are closed.