ଏମ୍ସ ଭୁବନେଶ୍ୱର ଲ୍ୟାବ ଆସିଷ୍ଟାଣ୍ଟ ହତ୍ୟା ମାମଲାରେ ୪ ଗିରଫ

ଭୁବନେଶ୍ୱର: ଏମ୍ସ ଭୁବନେଶ୍ୱରର କର୍ମଚାରୀ ସୁଧାଂଶୁ ଖୁଣ୍ଟିଆଙ୍କୁ ହତ୍ୟା ମାମଲାରେ ପୋଲିସ ଚାରି ଜଣ ଅଭିଯୁକ୍ତଙ୍କୁ ଗିରଫ କରିଛି।

ଜୋନ ୩ ଆସିଷ୍ଟାଣ୍ଟ କମିଶନର (ଏସିପି) ତାପସ ଚନ୍ଦ୍ର ପ୍ରଧାନ ଏନେଇ ସୂଚନା ଦେଇ କହିଛନ୍ତି ଯେ ଖଣ୍ଡଗିରି ପୋଲିସ ଅଭିଯୁକ୍ତଙ୍କ ଠାରୁ ୭.୬୫ ମିଲିମିଟର ପିସ୍ତଲ ଏବଂ ଚାରିଟି ମୋବାଇଲ ଜବତ କରିଛି। ଗିରଫ ବ୍ୟକ୍ତିମାନେ ଛଦ୍ମନାମ ବ୍ୟବହାର କରିଥିବା ଜଣାପଡ଼ିଛି। ସେମାନଙ୍କ ମଧ୍ୟରୁ ଜଣେ ସୁକାନ୍ତ ପ୍ରଧାନ ଯାହାର ଛଦ୍ମନାମ ଭାଲୁ ଓ ଅନ୍ୟଜଣେ ସୁଭେନ୍ଦୁ ପ୍ରଧାନ ଯାହାର ଛଦ୍ମନାମ ଛବି ବୋଲି ଜଣାପଡ଼ିଛି। ସେହିପରି ରାକେଶ ଖୁଣ୍ଟିଆ ଯାହାର ଛଦ୍ମନାମ ରାକା ଓ ଅନ୍ୟଜଣେ ସୁବ୍ରତ ସାହୁ ଯାହାର ଛଦ୍ମନାମ କାହ୍ନା ବୋଲି ଜଣାପଡିଛି।

ସୋମବାର ଦିନ ଦିବାଲୋକରେ ହତ୍ୟାକାଣ୍ଡ ପରେ, ସୁଧାଂଶୁଙ୍କ ସାନ ଭାଇ ଦେବାଶିଷ ଖୁଣ୍ଟିଆଙ୍କ ଲିଖିତ ଅଭିଯୋଗ ଆଧାରରେ ଖଣ୍ଡଗିରି ପୋଲିସ ଷ୍ଟେସନରେ 103(1)/3(5) BNS/See 25/27 ଆର୍ମସ୍ ଆକ୍ଟ ଧାରା 103(1)/61(2)(a) BNS/Sec 25(1)(a)/27 ଆର୍ମସ୍ ଆକ୍ଟ ଅନୁଯାୟୀ ଏକ ମାମଲା ରୁଜୁ କରାଯାଇଥିଲା।