ନୂଆଦିଲ୍ଲୀ: ବଡ଼ ଆକ୍ରମଣ ପାଇଁ ପ୍ରସ୍ତୁତି କରୁଛି କୁଖ୍ୟାତ ଆତଙ୍କବାଦୀ ମସୁଦ ଅଜହର୍ । ଆଉ ସେଥିପାଇଁ ଏଥର ମହିଳାଙ୍କୁ କରୁଛି ଢାଲ । ଜୈଶ୍-ଏ-ମହମ୍ମଦ ସଂଗଠନରେ ମହିଳାଙ୍କୁ ଭର୍ତ୍ତି କରାଯିବା ପରେ ଏବେ ସେମାନଙ୍କୁ ଅନ୍ଲାଇନ୍ ଦିଆଯିବ ଶିକ୍ଷା…ଶିକ୍ଷା ପୁଣି ଆତଙ୍କବାଦୀ ହେବା ପାଇଁ…ସେଥିପାଇଁ ଆତଙ୍କବାଦୀ ସଂଗଠନ ମହିଳାଙ୍କଠାରୁ ୧୫୬ ଟଙ୍କା ଲେଖାଏଁ ଆଦାୟ ମଧ୍ୟ କରୁଛି ।
ଆତଙ୍କବାଦୀ ସଂଗଠନ ପାଣ୍ଠି ଜମା କରିବା ଏବଂ ଭର୍ତ୍ତି କରିବା ପାଇଁ ଏକ ଅନଲାଇନ କୋର୍ସ ଆରମ୍ଭ କରିଛି । ଯାହାକୁ ଅଲ୍-ମୁମିନତ୍ର ନାଁ ଦିଆଯାଇଛି । ଜୈଶ୍ ନେତାଙ୍କ ପରିବାରର ମହିଳା, ପ୍ରତିଷ୍ଠାତା ମସୁଦ ଅଜହର ଏବଂ ତା’ କମାଣ୍ଡରମାନଙ୍କ ସମ୍ପର୍କୀୟ ମଧ୍ୟ ଏଥିରେ ସାମିଲ ଅଛନ୍ତି । ସେହି ମହିଳାମାନଙ୍କୁ ଜିହାଦ ଓ ଇସ୍ଲାମ ସନ୍ଦର୍ଭରେ ସେମାନଙ୍କ କର୍ତ୍ତବ୍ୟ ବିଷୟରେ ଶିଖାଯିବ । ଭର୍ତ୍ତି ଅଭିଯାନ ଅନଲାଇନ କରାଯିବ…ଏହା ନଭେମ୍ବର ୮ ତାରିଖରୁ ଆରମ୍ଭ ହେବ…ଏଥିରେ ପ୍ରତିଦିନ ୪୦ ମିନିଟ୍ ଲେଖାଏଁ ଏ ସମ୍ପର୍କିତ ଶିକ୍ଷାଦାନ କରାଯିବ…ସବୁଠୁ ବଡ଼ କଥା ହେଉଛି, ଏହାର ନେତୃତ୍ବ ମସୁଜ ଅଜହରର ଦୁଇ ଭଉଣୀ ସାଦିୟା ଅଜହର ଏବଂ ସମୈରା ଅଜହର କରିବେ…
ତେବେ ସେହି ଅନଲାଇନ କୋର୍ସରେ ମହିଳାମାନଙ୍କୁ ଜମାତ୍-ଉଲ୍-ମୁମିନତ୍ରେ ସାମିଲ ହେବା ପାଇଁ ପ୍ରୋତ୍ସାହିତ କରାଯିବ… ସୂତ୍ର ଅନୁସାରେ, ମସୁଦର ଭଉଣୀ ସାଦିୟା ଅଜହରକୁ ଜମାତ୍ର କମାଣ ସମ୍ଭାଳିବାକୁ କୁହାଯାଇଛି…ସାଦିୟାର ସ୍ବାମୀ ୟୁସୁଫ ଅଜହର, ଅପରେସନର ସିନ୍ଦୂର ସମୟରେ ପ୍ରାଣ ହରାଇଥିଲା…ସେହିପରି ପହଲଗାମ ଆକ୍ରମଣକାରୀ ଉମର ଫାରୁକର ପତ୍ନୀ ଅଫ୍ରିର୍ ଫାରୁକକୁ ମଧ୍ୟ ଏହି ଅନଲାଇନ କୋର୍ସ ଅଭିଯାନରେ ସାମିଲ କରିଛି ଜୈଶ୍ ଆତଙ୍କବାଦୀ ସଂଗଠନ…ଅନ୍ୟପଟେ ମସୁଦ ଅଜହର ଡୋନେସନ୍ ଅଭିଯାନକୁ ମଧ୍ୟ ତୀବ୍ର କରିଛି..
ଗତ ମାସରେ ବହାବଲପୁରରେ ମର୍କଜ୍ ଉସ୍ମାନ୍ ଓ ଅଲୀରେ ଶେଷ ଥର ପାଇଁ ସାର୍ବଜନୀକ ସମ୍ବୋଧନ କରିଥିଲା ମସୁଦ ଅଜହର…ତା’ର ଭାଷଣ ପରେ ଜୈଶ୍ ଆଡମିଶନ କରୁଥିବା ମହିଳାଙ୍କଠାରୁ ଭାରତୀୟ ମୁଦ୍ରାରେ ୧୫୬ ଟଙ୍କା ଲେଖାଏଁ ଆଦାୟ କରୁଛି…ଏହାସହ ସେହି ମହିଳାମାନଙ୍କଠାରୁ ଏକ ଅନ୍ଲାଇନ୍ ଫର୍ମ ମଧ୍ୟ ପୂରଣ କରାଉଛି ଆତଙ୍କବାଦୀ ସଂଗଠନ ଜୈଶ୍-ଏ-ମହମ୍ମଦ ।
BREAKING NEWS
- ଭାରତ ବିପକ୍ଷ ଟେଷ୍ଟ ସିରିଜରୁ ପୁର୍ବରୁ କିୱି ଦଳକୁ ବଡ଼ ଝଟକା: ଆହତ ଯୋଗୁ ସାଣ୍ଟନର ବାଦ୍ ,ଡିନ୍ ଫକ୍ସକ୍ରଫ୍ଟ ସାମିଲ
- ଆସନ୍ତାକାଲିଠୁ ବିଧାନସଭା ଶୀତ ଅଧିବେଶନ, ଆଜି ସର୍ବଦଳୀୟ ବୈଠକ
- ସୋନିଆଙ୍କ ଆତ୍ମଜୀବନୀ ଉନ୍ମୋଚନରେ କେମ୍ବ୍ରିଜ୍ ସ୍ମୃତି ବଖାଣିଲେ ରାହୁଲ, କହିଦେଲେ ନିଜ ପ୍ରେମିକାଙ୍କ କଥା
- ଆଜି ଭୀଷଣ ବାତ୍ୟା, ଓଡ଼ିଶା-ଆନ୍ଧ୍ର ଉପକୂଳକୁ ଆଲର୍ଟ
- ୱାରେନ୍ ବଫେଟ୍ଙ୍କ ବଡ଼ ବଦାନ୍ୟତା: ୪ଟି ପାରିବାରିକ ଟ୍ରଷ୍ଟକୁ ଦାନ କଲେ ୫.୫ ବିଲିୟନ ଡଲାର
- ୩୧୪ ବ୍ଲକରେ ହେବ ଷ୍ଟାଡ଼ିୟମ୍ ;୪,୧୨୪ କୋଟି ଟଙ୍କା ବ୍ୟୟରେ…
- ଓଡିଶାର ୨୦ ଛାତ୍ରଛାତ୍ରୀ ସିଙ୍ଗାପୁର ଫିନଟେକ୍ ଫେଷ୍ଟିଭାଲ୍ରେ ଦେବେ ଯୋଗ
- Cyclone ‘Akvan’:ସୃଷ୍ଟି ହେଲା ବାତ୍ୟା;ଏଥର ମଧ୍ୟ ଆନ୍ଧ୍ରରେ ଲ୍ୟାଣ୍ଡଫଲ
- ଆମେରିକା ନେତୃତ୍ୱାଧୀନ ଘୋଷଣାନାମାରେ ସ୍ୱାକ୍ଷର କଲା ଭାରତ, AI ସପ୍ଲାଏ ଚେନକୁ ସୁରକ୍ଷିତ ରଖିବା ଉଦ୍ଦେଶ୍ୟ
- କୋଟିଆରେ ଟିପିଏସ୍ଓଡିଏଲ୍ ତରଫରୁ ମାଗଣା ସ୍ୱାସ୍ଥ୍ୟ ପରୀକ୍ଷା ଓ ପରାମର୍ଶ ଶିବିର
Comments are closed.