ଭୁବନେଶ୍ୱର: ଦୁର୍ଘଟଣାଗ୍ରସ୍ତ ପ୍ରବୀଣ ଅଭିନେତା ଅଶ୍ରୁମୋଚନଙ୍କ କାର୍ । କୁକରକୁ ବଞ୍ଚାଇବାକୁ ଯାଇ କେନାଲକୁ ଖସିଲା ଗାଡି । ଅଳ୍ପକେ ବଞ୍ଚିଗଲେ ଅଶ୍ରୁମୋଚନ କଟକରେ ଏକ ସୁଟିଂ ସାରି ଫେରୁଥିବା ସମୟରେ ପ୍ରବୀଣ ଓଡ଼ିଆ ଅଭିନେତା ଅଶ୍ରୁମୋଚନ ମହାନ୍ତିଙ୍କ କାର କେନାଲରେ ଖସି ପଡ଼ିବାରୁ ଆଜି ଏକ ବଡ଼ ଦୁର୍ଘଟଣା ଟଳିଗଲା।
ତେବେ ମିଳିଥିବା ସୂଚନା ଅନୁସାରେ, ଓଡ଼ିଆ ସିନେମାରେ ତାଙ୍କ ଅବଦାନ ପାଇଁ ଜଣାଶୁଣା ଅଶ୍ରୁମୋଚନ ମହାନ୍ତି କଟକରେ ଏକ ସୁଟିଂ ସାରି ତାଙ୍କ କଳାରାହାଙ୍ଗ ବାସଭବନକୁ ଫେରୁଥିବା ସମୟରେ ଏହି ଦୁର୍ଘଟଣା ଘଟିଥିଲା। ନୂତନ ପଟିଆ ରେଳ ଷ୍ଟେସନ ନିକଟରେ ଏହି ଘଟଣା ଘଟିଥିଲା, ଯେତେବେଳେ ସେ ଫେରୁଥିବା ସମୟରେ ରାସ୍ତାରେ ବୁଲୁଥିବା ଏକ ବୁଲା କୁକୁର ତାଙ୍କ ଗାଡି ଆଗକୁ ପଶି ଆସିବାରୁ, ସେ କୁକୁରକୁ ଧକ୍କା ନ ଦେବାକୁ ଚେଷ୍ଟା କରିବା ବେଳେ ତାଙ୍କ ଗାଡି କେନାଲକୁ ଖସି ପଡିଥିଲା । କାର ଉପରୁ ତାଙ୍କ ନିୟନ୍ତ୍ରଣ ହରାଇବା ଫଳରେ କାରଟି କେନାଲରେ ପଡ଼ିଯାଇଥିଲା । କିନ୍ତୁ, ସେ ଠିକ୍ ସମୟରେ ବ୍ରେକ୍ ଲଗାଇବାରେ ସଫଳ ହୋଇଥିବାରୁ ଗାଡ଼ିଟି ପାଣିରେ ବୁଡ଼ି ଯିବାରୁ ବଞ୍ଚିଯାଇଥିଲା । ଆଉ ଭଗବାନଙ୍କ ଦୟାରୁ ସେ ମଧ୍ୟ ଅକ୍ଷତ ଅବସ୍ଥାରେ ଅଳ୍ପକେ ବଞ୍ଚିଯାଇଥିଲେ ।
ପରେ ତାଙ୍କ ପୁଅ ଘଟଣାସ୍ଥଳକୁ ଯାଇ ତାଙ୍କୁ କାରରୁ ଉଦ୍ଧାର କରିବାରେ ସାହାଯ୍ୟ କରିଥିଲେ। ସେ ସମ୍ପୂର୍ଣ୍ଣ ସୁରକ୍ଷିତ ଥିବା ବେଳେ କାରଟି ସାମାନ୍ୟ କ୍ଷତି ସହିଛି ।
କହିରଖୁଛୁ, ଅଭିନେତା ଅଶ୍ରୁମୋଚନ ମହାନ୍ତି ଶ୍ରୀରାମ ପଣ୍ଡାଙ୍କ ନିର୍ଦ୍ଦେଶିତ ଓଡ଼ିଆ ଛବି ‘କୁରୁକ୍ଷେତ୍ର’ (୧୯୮୮) ଜରିଆରେ ଓଲିଉଡରେ ପାଦ ଥାପିଥିଲେ। ଏହାପରେ ସେ ଦୀର୍ଘ ୩୭ ବର୍ଷ ଧରି ଅଭିନୟ ଜଗତରେ ସକ୍ରିୟ ଅଛନ୍ତି। ତାଙ୍କ ଅଭିନୀତ କେତେକ ଉଲ୍ଲେଖନୀୟ ଛବି ମଧ୍ୟରେ ରହିଛି, ‘ଚକା ଆଖି ସବୁ ଦେଖୁଛି, ଆସୁଚି ମୋ କାଳିଆ ସୁନା, ସୁନାସଂସାର, ସିଂହବାହିନୀ, କିଏ କାହାର, ଧର୍ମ ସହିଲେ ହେଲା, ସୁନାପାଲିଙ୍କି, କାଶିଆ କପିଳା, ସାବିତ୍ରୀ, ମାଗୁଣିର ଶଗଡ଼’ ଆଦି ଭଳି ଅଲିଭା ଚଳଚ୍ଚିତ୍ର । ସେ ଯାତ୍ରା ଜଗତର ମଧ୍ୟ ଜଣେ ସଫଳ ନିର୍ଦ୍ଦେଶକ । ଅଶ୍ରୁମୋଚନ ମହାନ୍ତି ଅନେକ ଟେଲି ଧାରାବାହିକରେ ବି ଅଭିନୟ କରିଛନ୍ତି।
Comments are closed.