ନୂଆଦିଲ୍ଲୀ: ସାରା ବିଶ୍ୱରେ ଏବେ କ୍ରନିକ୍ କିଡନୀ ରୋଗର ମାମଲା ଦ୍ରୁତ ଗତିରେ ବୃଦ୍ଧି ପାଉଛି। ଏହି କ୍ଷେତ୍ରରେ ଭାରତ ଚୀନ୍ ପରେ ଦ୍ୱିତୀୟ ସ୍ଥାନ ଅଧିକାର କରିଛି। ଲାନସେଟ୍ ଅଧ୍ୟୟନ ଏହି ଖୁଲାସା କରିଛି । ଭାରତରେ ପ୍ରାୟ ୧୩ କୋଟି ୮୦ ଲକ୍ଷ ଲୋକ କିଡନୀ ରୋଗରେ ପୀଡିତ। ଗତ କିଛି ବର୍ଷ ଧରି ଭାରତରେ କିଡନୀ ରୋଗ ମାମଲା ଦ୍ରୁତ ଗତିରେ ବୃଦ୍ଧି ପାଉଥିବା ବେଳେ ଏବେ ଦ୍ବିତୀୟ ସ୍ଥାନରେ ରହିଛି ।
୨୦୨୩ ସୁଦ୍ଧା, ଭାରତରେ ପ୍ରାୟ ୧୩ କୋଟି ୮୦ ଲକ୍ଷ ଲୋକ କିଡନୀ ରୋଗରେ ପୀଡିତ
ପ୍ରାୟ ୧୫ କୋଟି ୨୦ ଲକ୍ଷ ପୀଡିତଙ୍କ ସହ ଚୀନ୍ ବିଶ୍ୱରେ ପ୍ରଥମ
ବିଶ୍ୱରେ ପ୍ରତିବର୍ଷ ପ୍ରାୟ ୧ କୋଟି ୫ ଲକ୍ଷ ଲୋକ କିଡନୀ ରୋଗରେ ଜୀବନ ହାରନ୍ତି
କିଡନୀ ରୋଗ କାହିଁକି ବୃଦ୍ଧି ପାଉଛି?
କିଡନୀ ରୋଗର ମୁଖ୍ୟ କାରଣ ହେଉଛି ମଧୁମେହ ଏବଂ ଉଚ୍ଚ ରକ୍ତଚାପ। ଏହି ଦୁଇଟି ରୋଗ ଶରୀରରେ ୟୁରିକ ଏସିଡ୍ ଏବଂ ବିଷାକ୍ତ ପଦାର୍ଥର ସ୍ତର ବୃଦ୍ଧି କରେ, ଯାହା ଧୀରେ ଧୀରେ କିଡନୀ କାର୍ଯ୍ୟକୁ ପ୍ରଭାବିତ କରେ। ଅଧ୍ୟୟନ ଅନୁଯାୟୀ, ହୃଦରୋଗ ମଧ୍ୟ କିଡନୀ ରୋଗର କାରଣ ହୋଇପାରେ। ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ ଭାରତରେ ସ୍ଥୂଳତା, ଚାପ ଏବଂ ମଧୁମେହ ଭଳି ଜୀବନଶୈଳୀ ରୋଗ ବୃଦ୍ଧି ପାଉଛି ଯାହା ଏହି ସମସ୍ୟାକୁ ଆହୁରି ଖରାପ କରୁଛି। ଗ୍ରାମୀଣ ଏବଂ ଗରିବ ଅଞ୍ଚଳରେ ପ୍ରାରମ୍ଭିକ ସ୍କ୍ରିନିଂ ଅଭାବରୁ, ଅଧିକାଂଶ ରୋଗୀ ବିଳମ୍ବରେ ଡାକ୍ତରଖାନାରେ ପହଞ୍ଚନ୍ତି, ଯେଉଁ ସମୟରେ ଅବସ୍ଥା ଅଧିକ ଗମ୍ଭୀର ହୋଇଯାଏ। ତେଣୁ, ପ୍ରତ୍ୟେକ ବ୍ୟକ୍ତି ବର୍ଷକୁ ଅତି କମରେ ଥରେ ସେମାନଙ୍କର କିଡନୀ ଯାଞ୍ଚ କରିବା ଉଚିତ।
ତେବେ ଯଦି ଆପଣଙ୍କ ପରିସ୍ରା ଗନ୍ଧ କରୁଛି, ଫେଣଯୁକ୍ତ ହେଉଛି, କିମ୍ବା ଗାଢ଼ ରଙ୍ଗର ହେଉଛି, ତେବେ ଏହା ଏକ ପ୍ରାରମ୍ଭିକ ଲକ୍ଷଣ ହୋଇପାରେ। ବୃକକ୍ ରୋଗରେ, ଆଖି ଘନ ଦେଖାଯାଏ ଏବଂ ପାଟି ଫୁଲିଯାଏ। ଏଥିସହିତ ଯଦି ଆପଣଙ୍କ ଉଚ୍ଚ ରକ୍ତଚାପ ଅଛି ତାହେଲେ ଆଜି ହିଁ ବୃକକ୍ ଅବସ୍ଥା ଯାଞ୍ଚ କରିନିଅନ୍ତୁ ।
Comments are closed.