Loans against Silver Jewellery: ଏବେ ରୂପା ଉପରେ ମଧ୍ୟ ଋଣ ପାଇପାରିବେ;ଜାଣନ୍ତୁ ଏହା କେବେ ଲାଗୁ ହେବ

ନୂଆଦିଲ୍ଲୀ:ଭାରତୀୟ ରିଜର୍ଭ ବ୍ୟାଙ୍କ (RBI) ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି। ଲୋକମାନେ ବର୍ତ୍ତମାନ ସୁନା ଉପରେ ଯେପରି ଋଣ ନିଅନ୍ତି, ସେହିପରି ଏବେ ରୂପା ଉପରେ ଋଣ (Silver Loan)ନେଇପାରିବେ। ଆରବିଆଇ ‘ସୁନା ଏବଂ ରୂପା (ଋଣ) ନିର୍ଦ୍ଦେଶାବଳୀ, ୨୦୨୫ ‘ ଜାରି କରିଛି, ଯାହା ୧ ଏପ୍ରିଲ, ୨୦୨୬ରୁ କାର୍ଯ୍ୟକାରୀ ହେବ। ନୂତନ ନିର୍ଦ୍ଦେଶାବଳୀରେ କିଏ ଋଣ ପ୍ରଦାନ କରିବ, କେତେ ରୂପା କିମ୍ବା ସୁନା ବନ୍ଧକ ରଖାଯାଇପାରିବ ଏବଂ ସର୍ବାଧିକ ଋଣ ସୀମା ଉଲ୍ଲେଖ କରାଯାଇଛି। ଏହି ପଦକ୍ଷେପକୁ ଗ୍ରାମୀଣ ଏବଂ ମଧ୍ୟବିତ୍ତ ବର୍ଗଙ୍କ ପାଇଁ ଏକ ବଡ଼ ଆଶ୍ୱସ୍ତି ବୋଲି ବିବେଚନା କରାଯାଉଛି।

ନୂତନ ନିର୍ଦ୍ଦେଶାବଳୀ ଅନୁଯାୟୀ, ଜଣେ ଗ୍ରାହକ ସର୍ବାଧିକ ୧୦ କିଲୋଗ୍ରାମ କିମ୍ବା ସର୍ବନିମ୍ନ ୫୦୦ ଗ୍ରାମ ରୂପା ଅଳଙ୍କାର ପାଇଁ ଋଣ ପାଇପାରିବେ । ଏହି ସୀମା ଅତିକ୍ରମ କରିବାକୁ ଅନୁମତି ଦିଆଯିବ ନାହିଁ ।

ଏହି ସୁବିଧା ସମସ୍ତ ବ୍ୟାଙ୍କ, ସମବାୟ ବ୍ୟାଙ୍କ ଏବଂ ଅଣ-ବ୍ୟାଙ୍କିଙ୍ଗ ଆର୍ଥିକ ପ୍ରତିଷ୍ଠାନ ବା NBFC ପାଇଁ ଉପଲବ୍ଧ ହେବ । ସୁଧ ହାର ବ୍ୟାଙ୍କଗୁଡ଼ିକ ଦ୍ୱାରା ନିର୍ଣ୍ଣୟ କରାଯିବ ଏବଂ ବର୍ତ୍ତମାନର ବଜାର ପରିସ୍ଥିତି ଉପରେ ଆଧାରିତ ହେବ । ଏହାର ଅର୍ଥ ହେଉଛି ଯେପରି ସୁନା ଋଣ ଉପରେ ସୁଧ ଆଦାୟ କରାଯାଏ ।

ଋଣ ପାଇଁ କେଉଁ ଜିନିଷଗୁଡ଼ିକ ଯୋଗ୍ୟ?
ସୁନା ଅଳଙ୍କାର – ସର୍ବାଧିକ ୧ କିଲୋଗ୍ରାମ ପର୍ଯ୍ୟନ୍ତ
ରୂପା ଅଳଙ୍କାର – ସର୍ବାଧିକ ୧୦ କିଲୋଗ୍ରାମ ପର୍ଯ୍ୟନ୍ତ
ସୁନା ମୁଦ୍ରା – ସର୍ବାଧିକ ୫୦ ଗ୍ରାମ ପର୍ଯ୍ୟନ୍ତ
ରୂପା ମୁଦ୍ରା – ସର୍ବାଧିକ ୫୦୦ ଗ୍ରାମ ପର୍ଯ୍ୟନ୍ତ

ଯଦି ଆପଣଙ୍କର ₹୧ ଲକ୍ଷ ମୂଲ୍ୟର ରୂପା ଅଛି, ତେବେ ଆପଣ ₹୮୫,୦୦୦ ପର୍ଯ୍ୟନ୍ତ ଋଣ ପାଇପାରିବେ।

RBI ନିୟମ ଅନୁଯାୟୀ, ଆପଣ ସମ୍ପୂର୍ଣ୍ଣ ଋଣ ପରିଶୋଧ କରିବା ପରେ, ବ୍ୟାଙ୍କକୁ ୭ କାର୍ଯ୍ୟ ଦିବସ ମଧ୍ୟରେ ଆପଣଙ୍କର ଅଳଙ୍କାର କିମ୍ବା ରୂପା ଫେରାଇବାକୁ ପଡିବ। ଯଦି ବ୍ୟାଙ୍କର ଭୁଲ ଯୋଗୁଁ ବିଳମ୍ବ ହୁଏ, ତେବେ ଗ୍ରାହକଙ୍କୁ ପ୍ରତିଦିନ ₹୫,୦୦୦ କ୍ଷତିପୂରଣ ଦେବାକୁ ପଡିବ।

ଯଦି ଋଣ ପରିଶୋଧ ନ ହୁଏ ତେବେ କ’ଣ ହେବ?

ଯଦି ଗ୍ରାହକ ସମୟ ମଧ୍ୟରେ ଋଣ ପରିଶୋଧ କରିବାରେ ବିଫଳ ହୁଅନ୍ତି, ତେବେ ବ୍ୟାଙ୍କର ଅଳଙ୍କାର କିମ୍ବା ରୂପା ନିଲାମ କରିବାର ଅଧିକାର ଅଛି।

ବ୍ୟାଙ୍କ ପ୍ରଥମେ ଗ୍ରାହକଙ୍କୁ ନୋଟିସ ପ୍ରଦାନ କରିବ ଏବଂ ଯଦି କୌଣସି ଯୋଗାଯୋଗ ନ ମିଳେ, ତେବେ ଗୋଟିଏ ମାସ ମଧ୍ୟରେ ଏକ ସାର୍ବଜନୀନ ନୋଟିସ ଜାରି କରାଯିବ।