ପୁରୀ: ଆଜି ଶ୍ରୀମନ୍ଦିର ପରିଚାଳନା କମିଟିର ବୈଠକ ଅନୁଷ୍ଠିତ ହୋଇଯାଇଛି । ବୈଠକ ପରେ ରତ୍ନ ଭଣ୍ଡାର ଗଣତି ମଣତି ନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ ଗୁରୁତ୍ୱ ସୂଚନା ଦେଇଛନ୍ତି । ସେ କହିଛନ୍ତି, ଗଣତି ମଣତି ନେଇ ବୈଠକରେ ଚିଠା ମାର୍ଗଦର୍ଶିକା ଅନୁମୋଦିତ ହୋଇଛି । ଏହା ରାଜ୍ୟ ସରକାରଙ୍କୁ ପଠାଯିବ, ଅନୁମୋଦନ ମିଳିବା ପରେ ସ୍ପଷ୍ଟ ହେବ ।
ଶୁଭ ଦିନ, ବେଳା ଓ ସମୟ ଦେଖି କରାଯିବ ଗଣତି ମଣତି । ୧୧ ପୃଷ୍ଠାର ଏସଓପି ପ୍ରସ୍ତୁତ ହୋଇଛି । ରତ୍ନ ଅଳଙ୍କାରର ଡିଜିଟାଇଜେସନ କରାଯିବ । ଗଣତି ମଣତି ବେଳେ ଯେମିତି ନିତୀକାନ୍ତ ପ୍ରଭାବିତ ନହୁଏ ତାହାକୁ ମଧ୍ୟ ଗୁରୁତ୍ୱ ଦିଆଯିବ । ରାଜ୍ୟ ସରକାରଙ୍କ ଅନୁମୋଦନ ପରେ ଏନେଇ ଘୋଷଣା କରାଯିବ ବୋଲି ଶ୍ରୀ ପାଢ଼ୀ କହିଛନ୍ତି ।
ଏହା ସହ ମହାପ୍ରଭୁଙ୍କ ନୂଆ ରତ୍ନ ପଲଙ୍କକୁ ନେଇ ମଧ୍ୟ ବଡ ସୂଚନା ଦେଇଛନ୍ତି, ସେ କହିଛନ୍ତି ଯେ, ନୂଆ ସେଟ୍ ତିଆରି ସରିଛି । ଶୁଭ ଲଗ୍ନ ଦେଖି ମହାପ୍ରଭୁଙ୍କୁ ଲାଗି ହେବ ।