Virat Kohli Seen ‘Dhurandhar 2’ : ‘ଦେଖିନଥିଲି ଏମିତି ସିନେମା…’, ରଣବୀର ସିଂହଙ୍କ ‘ଧୁରନ୍ଧର ୨’ ଦେଖି ପୁରା ଫିଦା ବିରାଟ କୋହଲି

ମୁମ୍ବାଇ: ସାରା ବିଶ୍ୱରେ ହଇଚଇ ସୃଷ୍ଟି କରିଥିବା ‘ଧୁରନ୍ଧର’ ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗିବା ସହ ନୂଆ ମାଇଲଖୁଣ୍ଟ ପୋତି ଚାଲିଛି। ରଣବୀର ସିଂହ ‘ଧୁରନ୍ଧର ୨’ ମାର୍ଚ୍ଚ ୧୯ ତାରିଖରେ ସିନେମା ହଲରେ ମୁକ୍ତିଲାଭ କରିଥିଲା। ସେବେଠାରୁ ଏହା ଚର୍ଚ୍ଚାର ବିଷୟ ହୋଇଛି। ଏହି ଫିଲ୍ମଟି ବକ୍ସ ଅଫିସରେ ଟଙ୍କା ଛାପିବା କରିବା ସହିତ ହୃଦୟ ଜିତିଛି। ଆଉ ଏହାରି ଭିତରେ ରଣବୀରଙ୍କ ଫିଲ୍ମ କ୍ରିକେଟର କିଙ୍ଗ ବିରାଟ କୋହଲିଙ୍କ ହୃଦୟରେ ମଧ୍ୟ ସ୍ଥାନ ପାଇଛି। ଏହି କାରଣରୁ କୋହଲି ସୋସିଆଲ ମିଡିଆରେ ଫିଲ୍ମର ପ୍ରଶଂସା କରି ଏକ ପୋଷ୍ଟ ସେୟାର କରିଛନ୍ତି।

ବିରାଟ କୋହଲି ‘ଧୁରନ୍ଧର ୨’ ଦେଖିଛନ୍ତି ଏବଂ କହିଛନ୍ତି ଯେ ଏହା ତାଙ୍କୁ ଏକ ଚମତ୍କାର ସିନେମା ଅଭିଜ୍ଞତା ଦେଇଛି। ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ପୋଷ୍ଟ ସେୟାର କରି ସେ ଲେଖିଛନ୍ତି, “ମୁଁ ଆଜି ଫିଲ୍ମଟି ଦେଖିଛି ଏବଂ ମୁଁ କହିପାରିବି ଯେ ଭାରତରେ ଏହିପରି ସିନେମା ଅଭିଜ୍ଞତା ପ୍ରଥମ ଥର ପାଇଁ ପାଇଛି। ଏହା ପ୍ରତ୍ୟେକ ଭାବନାକୁ ଅତି ସୁନ୍ଦର ଭାବେ ପ୍ରଦର୍ଶନ କରିଥିଲା, ଏବଂ ପ୍ରାୟ ଚାରି ଘଣ୍ଟା ପର୍ଯ୍ୟନ୍ତ, ମୁଁ ଗୋଟିଏ ମୁହୂର୍ତ୍ତ ପାଇଁ ମଧ୍ୟ ହଲିନାହିଁ।”

ନିର୍ଦ୍ଦେଶକ ଆଦିତ୍ୟ ଧରଙ୍କ ବିଷୟରେ ମଧ୍ୟ ପ୍ରଶଂସା କରି ବିରାଟ ଲେଖିଛନ୍ତି, “ତୁମେ ଯାହା ସୃଷ୍ଟି କରିଛ ସେଥିରେ ତୁମର ପ୍ରତିଭା ସ୍ପଷ୍ଟ ଭାବରେ ସ୍ପଷ୍ଟ। ତୁମକୁ ସଲାମ। ତୁମେ ଜଣେ ପ୍ରତିଭାଶାଳୀ।” କୋହଲି ରଣବୀର ସିଂହଙ୍କ ପ୍ରଶଂସା କରି କହିଛନ୍ତି, “ସମସ୍ତ ଅଭିନେତା ସେମାନଙ୍କ ଭୂମିକାରେ ଭଲ ଦେଖାଯାଉଥିଲେ, କିନ୍ତୁ ରଣବୀର, ଏହି ଫିଲ୍ମ ପରେ ତୁମେ ଏକ ଭିନ୍ନ ସ୍ତରରେ ପହଞ୍ଚିଛ, ଏବଂ ତୁମର ଅଭିନୟ ଚମତ୍କାରଠାରୁ ଅଧିକ ଚମତ୍କାର। ପ୍ରକୃତରେ ଚମତ୍କାର।”

ତେବେ କେବଳ ବିରାଟ ନୁହେଁ, ପତ୍ନୀ ଅନୁଷ୍କା ଶର୍ମା ‘ଧୁରନ୍ଧର ୨’ ଉପରେ ମଧ୍ୟ ପ୍ରତିକ୍ରିୟା ଦେଇଛନ୍ତି। ସେ ଫିଲ୍ମଟିକୁ ବହୁତ ପସନ୍ଦ କରିଥିଲେ। ସେ ରଣବୀର ସିଂହ, ଆଦିତ୍ୟ ଧର, ରାକେଶ ବେଦୀ ଏବଂ ଆର. ମାଧବନଙ୍କ ଭଳି ଷ୍ଟାରମାନଙ୍କୁ ପ୍ରଶଂସା କରିଥିଲେ। ସେ ଫିଲ୍ମର ସଫଳତା ପାଇଁ ଅନେକ ଷ୍ଟାରଙ୍କୁ ଅଭିନନ୍ଦନ ମଧ୍ୟ ଜଣାଇଥିଲେ।

ତେବେ ‘ଧୁରନ୍ଧର ୨’କୁ ଜନସାଧାରଣଙ୍କଠାରୁ ଏତେ ଦୃଢ଼ ପ୍ରତିକ୍ରିୟା ମିଳୁଛି ଯେ ମାତ୍ର ୧୮ ଦିନରେ, ଫିଲ୍ମଟି ସାରା ବିଶ୍ୱରେ ୧୬୦୦ କୋଟିରୁ ଅଧିକ ରୋଜଗାର କରିଛି। ଏହି ଫିଲ୍ମଟି ଭାରତର ଚତୁର୍ଥ ସର୍ବାଧିକ ଆୟକାରୀ ଫିଲ୍ମର ରେକର୍ଡ ମଧ୍ୟ ସ୍ଥାପନ କରିଛି। ଆଉ ସବୁଠୁ ବଡ଼ କଥା ହେଉଛି, ଫିଲ୍ମକୁ ଦେଖିବାର କ୍ରେଜ୍ ଆଉ ରୋଜଗାର ଏବେ ବି ଜାରି ରହିଛି।