ମୁମ୍ବାଇ: ରିଲିଜ ହେଲା “ଦୃଶ୍ୟମ ୩”ର ଦମଦାର ଟିଜର । ଏହି ଫିଲ୍ମ ଘୋଷଣା ପର ଠାରୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି । ଏଥିସହ ଫିଲ୍ମର ରିଲିଜ ତାରିଖ ମଧ୍ୟ ପ୍ରକାଶ କରାଯାଇଛି । ନିର୍ମାତାମାନେ ମାଲାୟଲମ ଫିଲ୍ମ “ଦୃଶ୍ୟମ ୩” ର ଟିଜର ସହିତ ଏକ ନୂତନ ପୋଷ୍ଟର ସୋସିଆଲ ମିଡିଆରେ ସେୟାର କରିଛନ୍ତି । ଯେଉଁଥିରେ କ୍ୟାପସନ ଦିଆଯାଇଛି, “ଦୃଶ୍ୟମ ୩ ଅଫିସିଆଲ୍ ଟିଜର ରିଲିଜ୍ ହୋଇଛି । ବିଶ୍ୱବ୍ୟାପୀ ରିଲିଜ୍, ମେ ୨୧, ୨୦୨୬ ।”
ମାଲାୟଲମ ସୁପରଷ୍ଟାର ମୋହନଲାଲଙ୍କ ଦୃଶ୍ୟମ ଫ୍ରାଞ୍ଚାଇଜର ତୃତୀୟ କିସ୍ତିର ଟିଜର ୧ ମିନିଟ୍ ୫୦ ସେକେଣ୍ଡ ରହିଛି । ଆଉ ଟିଜରଟି ସମସ୍ତଙ୍କୁ ବେଶ ପସନ୍ଦ ଆସିଛି । ମୋହନଲାଲଙ୍କ ଭଏସ୍ ଓଭର ସହ ଆରମ୍ଭ ହୋଇଛି ଟିଜର । ଯେଉଁଥିରେ ତାଙ୍କ ପରିବାର ସହ ଏକ ସରଳ ଜୀବନଯାପନ କରିବା ବିଷୟରେ କଥାବାର୍ତ୍ତା କରାଯାଏ; ତା’ପରେ ଜଣେ ଅନିମନ୍ତ୍ରିତ ଅତିଥି ଆସି ସେମାନଙ୍କୁ ଧ୍ୱଂସ କରିବାର ଶକ୍ତି ରଖନ୍ତି । ଏହା ପରେ ଜର୍ଜକୁଟ୍ଟି ତାଙ୍କ ଜୀବନର କଷ୍ଟକୁ ପ୍ରତିଫଳିତ କରନ୍ତି ଏବଂ ତାଙ୍କ ପରିବାରକୁ ରକ୍ଷା କରିବା ପାଇଁ ତାଙ୍କ କାର୍ଯ୍ୟକୁ ସ୍ୱୀକାର କରନ୍ତି ।
ଫିଲ୍ମରେ ମୋହନଲାଲଙ୍କ ବ୍ୟତୀତ, ମୀନା, ଅନସୀବା ହାସନ, ଏସ୍ଥର ଅନିଲ, ଆଶା ଶରତ, ସିଦ୍ଦିକ, ମୁରଲୀ ଗୋପୀ, ସାଇକୁମାର ଏବଂ କେ.ବି. ଗଣେଶ କୁମାର ଅଭିନୟ କରିଛନ୍ତି । ଦୃଶ୍ୟମ ୩’ ମେ ୨୧ ରେ ସାରା ବିଶ୍ୱରେ ସିନେମା ହଲରେ ମୁକ୍ତିଲାଭ କରିବ ।