ମୁମ୍ବାଇ: ଯେତିକି ଚର୍ଚ୍ଚାରେ ଅପକମିଂ ଫିଲ୍ମ ଶୁଭ ମଙ୍ଗଳ ଜ୍ୟାଦା ସାବଧାନର କାହାଣୀ ସେତିକି ଖବରରେ ରହିଛନ୍ତି ଅଭିନେତା ଆୟୁଷ୍ମାନ ଖୁରାନା ।ସବୁବେଳେ ଭିନ୍ନ ଭିନ୍ନ ସ୍ୱ।ଦର କାହାଣୀ ସହ ପରଦାକୁ ଆସୁଥିବା ଆୟୁଷ୍ମାନ ଏଥରକ ମଧ୍ୟ କିଛି ନୂଆ ମନୋରଞ୍ଜନ ଖୋରାକ ଦେବେ । ଏବେ ଆସିଛି ଫିଲ୍ମର ଆଉ ଏକ ନୂଆ ଗୀତ । ଗୀତର ଟାଇଟେଲ ରହିଛି ‘ମେରେ ଲିୟେ ତୁମ କାଫି ହୋ’ । ତନିସ୍କ-ବାୟୁଙ୍କ ଗୀତରେ ଆୟୁଷ୍ମାନ ଖୁରାନା କଣ୍ଠଦାନ କରିଛନ୍ତି ।
ସମଲିଙ୍ଗୀ କାର୍ତିକ ଅରମାନଙ୍କ ମଧ୍ୟରେ ଗଢି ଉଠିଥିବା ପ୍ରେମ କାହାଣୀକୁ ନେଇ ନିର୍ମାଣ ହୋଇଛି ଫିଲ୍ମ ଶୁଭମଙ୍ଗଲ ଜ୍ୟାଦା ସାବଧାନ । ସମାଜର ବିରୋଧ ସତ୍ୱେ ଏମାନେ କିଭଳି ନିଜ ପ୍ରେମ ପାଇଁ ଲଢନ୍ତି?କେଉଁ ପ୍ରକାର ପରିସ୍ଥିତିର ସମ୍ମୁଖୀନ ହୁଅନ୍ତି । ସେସବୁ ଏହି ଫିଲ୍ମରେ ଦେଖିବାକୁ ମିଳିବ । କାହାଣୀକୁ ଆଖି ଆଗରେ ରଖି ଏହି ରୋମାଟିଂକ ଗୀତ ପ୍ରସ୍ତୁତ କରାଯାଇଛି । ଯେଉଁଥିରେ ଆୟୁଷ୍ମାନ ଓ ଜିତେନ୍ଦ୍ର କୁମାରଙ୍କ ରୋମାନ୍ସକୁ ସ୍ଥାନ ଦିଆଯାଇଛି ।
ହିତେଶ କୈବଲ୍ୟ ଫିଲ୍ମର ନିର୍ଦ୍ଦେଶନା ଦେବା ସହ କାହାଣୀ ମଧ୍ୟ ଲେଖିଛନ୍ତି ।ଭୁଷଣ କୁମାର,କ୍ରିଷ୍ଣା କୁମାର,ହିମାଂଶୁ ଶର୍ମା ଓ ଆନନ୍ଦ ଏଲ ରୟଙ୍କ ମିଳିତ ପ୍ରଯୋଜନାର ପ୍ରସ୍ତୁତ ହୋଇଛି ଏହି କମେଡି ଡ୍ରାମା ସିନେମା ।ମୁଖ୍ୟ ଭୁମିକାରେ ଆୟୁଷ୍ମାନ ଖୁରାନା,ଜିତେନ୍ଦ୍ର କୁମାର, ନୀନା ଗୁପ୍ତା,ଗଜରାଜ ରାଓ ପ୍ରମୁଖ ଭୁମିକାରେ ଅଭିନୟ କରିଛନ୍ତି ।
Comments are closed.