Cyber security:ସ୍ମାର୍ଟ କାରଗୁଡ଼ିକ ଆଉ ହୋଇପାରିବ ନାହିଁ ହ୍ୟାକ୍; ସରକାର ଆଣୁଛନ୍ତୁ ନୂତନ ନିୟମ
ନୂଆଦିଲ୍ଲୀ: ଭାରତରେ କାରଗୁଡ଼ିକ ପୂର୍ବ ଅପେକ୍ଷା ଅଧିକ ସ୍ମାର୍ଟ ହେବାରେ ଲାଗିଛି। ନୂତନ ଯାନଗୁଡ଼ିକ ଇଣ୍ଟରନେଟ୍ ସଂଯୋଗ, ଉନ୍ନତ ଡ୍ରାଇଭିଂ କ୍ଷମତା ଏବଂ ସଫ୍ଟୱେର୍-ଚାଳିତ କାର୍ଯ୍ୟକ୍ଷମତା ଭଳି ବୈଶିଷ୍ଟ୍ୟ ପ୍ରଦାନ କରେ। କିନ୍ତୁ କାରଗୁଡ଼ିକ ଯେତିକି ସ୍ମାର୍ଟ ହେଉଛି ସାଇବର ଆଟାକ୍ ର ବିପଦ ମଧ୍ୟ ବୃଦ୍ଧି ପାଉଛି । ଏବେ କାରର ସଫ୍ଟୱେର୍ ହ୍ୟାକ୍ କରିବା କିମ୍ବା ଏହାକୁ ଭାଇରସ୍ ଦ୍ୱାରା ସଂକ୍ରମିତ କରିବାର ବିପଦ ଦେଖାଦେଇଛି। ଏହି ଚ୍ୟାଲେଞ୍ଜକୁ ମୁକାବିଲା କରି କେନ୍ଦ୍ର ସରକାର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି। ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ ଏପରି ଯାନ ପାଇଁ ସାଇବର ସୁରକ୍ଷା ଏବଂ ସଫ୍ଟୱେର୍ ଅପଡେଟ୍ ପରିଚାଳନା ପ୍ରଣାଳୀକୁ ବାଧ୍ୟତାମୂଳକ କରିବାକୁ ପ୍ରସ୍ତାବ ଦେଇଛି। ସରକାର ପ୍ରଥମ ଥର ପାଇଁ ଏହି ସମ୍ବନ୍ଧରେ ଡ୍ରାଫ୍ଟ ନିୟମ ଜାରି କରିଛନ୍ତି। ଏହି ନିୟମଗୁଡ଼ିକର ଉଦ୍ଦେଶ୍ୟ ହେଉଛି ଆଧୁନିକ କାର୍ ସଫ୍ଟୱେର୍ର ସୁରକ୍ଷା ସୁନିଶ୍ଚିତ କରିବା ଏବଂ ହ୍ୟାକର୍ସମାନଙ୍କୁ ଯାନର ସିଷ୍ଟମକୁ ହ୍ୟାକ କରି ପାରିବେ ନାହିଁ ।
ପ୍ରସ୍ତାବିତ ନିୟମଗୁଡ଼ିକ ଯାତ୍ରୀବାହୀ ଯାନ,ବାଣିଜ୍ୟିକ ଯାନ ଏବଂ ଟ୍ରାକ୍ଟର ପାଇଁ ପ୍ରଯୁଜ୍ୟ ହେବ, ଯେଉଁଥିରେ ଅତି କମରେ ଗୋଟିଏ ଇଲେକ୍ଟ୍ରୋନିକ୍ ନିୟନ୍ତ୍ରଣ ୟୁନିଟ୍ (ECU) ଥିବ ଏବଂ Level-3 କିମ୍ବା ତା’ଠାରୁ ଅଧିକ ସ୍ୱୟଂଚାଳିତ ଡ୍ରାଇଭିଂ କ୍ଷମତା ଥିବା । ECU ହେଉଛି ଏକ ଇଲେକ୍ଟ୍ରୋନିକ୍ ସିଷ୍ଟମ୍ ଯାହା ଇଞ୍ଜିନ୍, ବ୍ରେକ୍, ବ୍ୟାଟେରୀ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଫିଚରଗୁଡ଼ିକୁ ନିୟନ୍ତ୍ରଣ କରେ।
ସରକାରଙ୍କ ପ୍ରସ୍ତାବ ଅନୁଯାୟୀ, ଲେବଲ୍-3 ଅଟୋମେସନ୍ ବିଶିଷ୍ଟ ନୂତନ ଯାନ, ଯେପରିକି Mercedes-Benz S-Class, Audi A8 ଏବଂ BMW 7 ସିରିଜ୍ ପାଇଁ ଅକ୍ଟୋବର ୨୦୨୬ଠାରୁ ସାଇବର ସୁରକ୍ଷା ମାନଦଣ୍ଡ ପାଳନ ବାଧ୍ୟତାମୂଳକ ହୋଇଯିବ। ଏହି ନିୟମଗୁଡ଼ିକ ଏପ୍ରିଲ ୨୦୨୭ରୁ ବଜାରରେ ପୂର୍ବରୁ ଥିବା ଏହି ମଡେଲଗୁଡ଼ିକର ସଂସ୍କରଣ ପାଇଁ ଲାଗୁ ହେବ।
ଓଭର-ଦି-ଏୟାର (OTA) ସଫ୍ଟୱେର୍ ଅପଡେଟ୍ ଗ୍ରହଣ କରିବାକୁ ସକ୍ଷମ ଯାନଗୁଡ଼ିକ ପାଇଁ, ଏହି ନିୟମ ଏପ୍ରିଲ୍ ରୁ ଅକ୍ଟୋବର 2028 ମଧ୍ୟରେ ଲାଗୁ ହେବ, ଏବଂ ପରବର୍ତ୍ତୀ ସମୟରେ, ଅକ୍ଟୋବର 2029 ରୁ, ଏହା ସଫ୍ଟୱେର୍ ଅପଡେଟ୍ କ୍ଷମତା ସହିତ ସଜ୍ଜିତ ଅନ୍ୟ ସମସ୍ତ ଯାନଗୁଡ଼ିକ ପାଇଁ ଲାଗୁ ହେବ।
OTA ଅପଡେଟ୍ ଅର୍ଥ ହେଉଛି କାରର ସଫ୍ଟୱେର୍ ମୋବାଇଲ୍ ଫୋନ୍ ପରି ଇଣ୍ଟରନେଟ୍ ମାଧ୍ୟମରେ ଅପଡେଟ୍ ହୁଏ। ଏଥିପାଇଁ କୌଣସି ସେବା କେନ୍ଦ୍ରକୁ ଯିବାର ଆବଶ୍ୟକତା ନାହିଁ। କମ୍ପାନୀ ୱାଇ-ଫାଇ କିମ୍ବା ମୋବାଇଲ୍ ନେଟୱାର୍କ ମାଧ୍ୟମରେ ସିଧାସଳଖ ନୂତନ ସଫ୍ଟୱେର୍, ସୁରକ୍ଷା ଅପଡେଟ୍ କିମ୍ବା ନୂତନ ବୈଶିଷ୍ଟ୍ୟଗୁଡ଼ିକୁ କାରରେ ପଠାଇପାରିବ। ଏହି ବୈଶିଷ୍ଟ୍ୟଟି ବହୁତ ସୁବିଧା ପ୍ରଦାନ କରୁଥିବା ବେଳେ, ଏହା ସାଇବର ସୁରକ୍ଷା ପ୍ରତି ବିପଦ ମଧ୍ୟ ବୃଦ୍ଧି କରେ।