Speedboat capsizes in Vietnam:ବୁଡ଼ିଗଲା ଭାରତୀୟ ପର୍ଯ୍ୟଟକଙ୍କୁ ନେଇ ଯାଉଥିବା ବୋଟ୍; ୧୫ ମୃତ, ହେଲ୍ପଲାଇନ୍ ନମ୍ବର ଜାରି
ନୂଆଦିଲ୍ଲୀ:ଭିଏତନାମ ଗସ୍ତରେ ଥିବା ଭାରତୀୟ ପର୍ଯ୍ୟଟକଙ୍କ ସହିତ ଏକ ବଡ଼ ଦୁର୍ଘଟଣା ଘଟିଛି। ଶନିବାର ଦିନ ଭିଏତନାମର ଫୁ କ୍ୱିକ୍ ଦ୍ୱୀପ ନିକଟରେ ଅନେକ ଭାରତୀୟ ପର୍ଯ୍ୟଟକଙ୍କୁ ନେଇ ଯାଉଥିବା ଏକ ବୋଟ୍ ବୁଡ଼ି ଯାଇଛି । ସ୍ଥାନୀୟ କର୍ତ୍ତୃପକ୍ଷ ସନ୍ଧାନ ଏବଂ ଉଦ୍ଧାର କାର୍ଯ୍ୟ ଆରମ୍ଭ କରିଛି। ତେବେ ଏହି ସୂଚନା ଭିଏତନାମରେ ଥିବା ଭାରତୀୟ ଦୂତାବାସ ପ୍ରଦାନ କରିଛି। ହାନୋଇରେ ଥିବା ଭାରତୀୟ ଦୂତାବାସ ସୂଚନା ଦେଇଛି ଯେ, ଶନିବାର ଦିନ ଭିଏତନାମର ଫୁ କ୍ୱିକ୍ ଦ୍ୱୀପ ନିକଟରେ ଅନେକ ଭାରତୀୟ ପର୍ଯ୍ୟଟକଙ୍କୁ ନେଇ ଯାଉଥିବା ଏକ ସ୍ପିଡ୍ ବୋଟ୍ ବୁଡ଼ି ଯାଇଥିଲା।
ସେହି ଡଙ୍ଗାରେ ମୋଟ ୩୬ ଜଣ ଲୋକ ଥିଲେ। ସେମାନଙ୍କ ମଧ୍ୟରେ ୩୨ ଜଣ ପର୍ଯ୍ୟଟକ ଏବଂ ଚାରି ଜଣ କ୍ରୁ ସଦସ୍ୟ ଥିଲେ। ସ୍ଥାନୀୟ ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ଏହି ଦୁଃଖଦ ଦୁର୍ଘଟଣାରେ ୧୫ ଜଣଙ୍କର ମୃତ୍ୟୁ ହୋଇଛି; କିନ୍ତୁ ମୃତକଙ୍କ ମଧ୍ୟରୁ କେତେ ଜଣ ଭାରତୀୟ ନାଗରିକ ତାହା ଏପର୍ଯ୍ୟନ୍ତ ଜଣା ପଡ଼ିନାହିଁ। ୨୧ ଜଣଙ୍କୁ ଉଦ୍ଧାର କରାଯାଇଛି।
In a tragic incident, a boat carrying several Indian tourists has capsized near Phu Quoc Island in Vietnam a few hours ago.
Exact details of the incident are being ascertained as search and rescue operations by local authorities are ongoing.
In order to provide information…
— India in Vietnam (@AmbHanoi) July 11, 2026
X ରେ ଏକ ପୋଷ୍ଟରେ ଭାରତୀୟ ଦୂତାବାସ କହିଛି, “ଏକ ଦୁଃଖଦ ଘଟଣା ଘଟିଛି । ଭିଏତନାମର ଫୁ କ୍ୱିକ୍ ଦ୍ୱୀପ ନିକଟରେ ଅନେକ ଭାରତୀୟ ପର୍ଯ୍ୟଟକଙ୍କୁ ନେଇ ଯାଉଥିବା ଏକ ବୋଟ୍ ବୁଡ଼ିଯାଇଛି ।” ଆହୁରି ମଧ୍ୟ କହିଛି ଯେ, ସୂଚନା ଏବଂ ସହାୟତା ପାଇଁ ହୋ ଚି ମିନ୍ ସିଟିରେ ଥିବା ଭାରତୀୟ କନସୁଲେଟ୍ ଜେନେରାଲ ଏବଂ ହାନୋଇରେ ଥିବା ଦୂତାବାସରେ କଣ୍ଟ୍ରୋଲ ରୁମ୍ ସ୍ଥାପନ କରାଯାଇଛି।
ଦୁର୍ଘଟଣାରେ ମୃତାହତଙ୍କ ସମ୍ପର୍କରେ ସୂଚନା ପାଇଁ, ନିୟନ୍ତ୍ରଣ କକ୍ଷ ସହିତ ନିମ୍ନଲିଖିତ ନମ୍ବରଗୁଡ଼ିକରେ ଯୋଗାଯୋଗ କରାଯାଇପାରିବ: +84 36 281 7930, +84 91 552 37 14, ଏବଂ +84 33 452 0414। ହାନୋଇରେ ଥିବା ଦ୍ୱିତୀୟ ନିୟନ୍ତ୍ରଣ କକ୍ଷ ସହିତ +84 91 308 9165 ରେ ଯୋଗାଯୋଗ କରାଯାଇପାରିବ। ଭାରତୀୟ ମିଶନ କହିଛି ଯେ ସେମାନେ ସହାୟତା ପ୍ରଦାନ କରିବା ଏବଂ ଯେକୌଣସି ପ୍ରଶ୍ନର ସମାଧାନ କରିବା ପାଇଁ ଉପଲବ୍ଧ ଅଛନ୍ତି।
🚨 BREAKING: TOURIST SPEEDBOAT SINKS OFF PHU QUOC
A speedboat carrying 32 Indian tourists sank near Hon May Rut Ngoai, Phu Quoc, at around 10:30 a.m. on July 11.
🛟 18 people had been rescued by early afternoon.
⚠️ Authorities say fatalities are feared, but the official death… pic.twitter.com/rTkrbZ6GQp— NGO-SUGAR (@ngosugartp) July 11, 2026
ଫୁ କ୍ୱୋକ୍ ସ୍ୱତନ୍ତ୍ର ଅର୍ଥନୈତିକ କ୍ଷେତ୍ରର ଅଧିକାରୀମାନେ କହିଛନ୍ତି ଯେ ଦୁର୍ଘଟଣାଟି ସ୍ଥାନୀୟ ସମୟ ପ୍ରାୟ ଅପରାହ୍ନ ୧:୦୦ ଟା ସମୟରେ ଘଟିଥିଲା। ଓସେନ୍ ପିୟର ଆଇଲ୍ୟାଣ୍ଡ କମ୍ପାନୀର ଏକ ସ୍ପିଡ୍ ବୋଟ୍ ପର୍ଯ୍ୟଟକମାନଙ୍କୁ ହୋନ୍ ମେ ରୁଟ୍ ରୁ ଆନ୍ ଥୋଇ ବନ୍ଦରକୁ ନେଇ ଯାଉଥିଲା। ହୋନ୍ ମେ ଠାରୁ ପ୍ରାୟ ୪୦୦ ମିଟର ଦୂରରେ ବୋଟ୍ ଟି ଓଲଟି ପଡ଼ିଥିଲା, ଯାହା ଫଳରେ ସେଥିରେ ଥିବା ସମସ୍ତେ ଯାତ୍ରୀ ସମୁଦ୍ରରେ ପଡ଼ି ଯାଇଥିଲେ।
ଓଲଟି ପଡ଼ିଥିବା ଡଙ୍ଗାଟି ଦେଖିବା ମାତ୍ରେ ପାଖରେ ଥିବା ପର୍ଯ୍ୟଟକ ଡଙ୍ଗାଗୁଡ଼ିକ ସାହାଯ୍ୟ ପାଇଁ ଆସିଥିଲେ। ଉଦ୍ଧାର କାର୍ଯ୍ୟରେ ସାମିଲ ଥିବା ଗୋଟିଏ ଡଙ୍ଗାର ମାଲିକ କହିଛନ୍ତି ଯେ ସେମାନେ ପ୍ରାୟ ପାଞ୍ଚ ମିନିଟ୍ ମଧ୍ୟରେ ଘଟଣାସ୍ଥଳରେ ପହଞ୍ଚିଥିଲେ, କିନ୍ତୁ ଉଦ୍ଧାର କାର୍ଯ୍ୟରେ ଅସୁବିଧାର ସମ୍ମୁଖୀନ ହୋଇଥିଲେ। କାରଣ ଓଲଟି ପଡ଼ିଥିବା ଡଙ୍ଗା ଭିତରେ ଅନେକ ପର୍ଯ୍ୟଟକ ଫସି ରହିଥିଲେ, ଯାହା ଫଳରେ ସେମାନଙ୍କୁ ବାହାର କରିବା କଷ୍ଟକର ହୋଇପଡୁଥିଲା; ଫଳସ୍ୱରୂପ,କେବଳ କିଛି ଲୋକଙ୍କୁ ବାହାର କରାଯାଇପାରିଲା।
Extremely saddened to learn about the tragic news of a boat accident involving Indian nationals near Phu Quoc, Vietnam.
My sincere condolences to the families who lost their loved ones. My prayers for the early recovery of the injured survivors.
Our Embassy and Consulate are…
— Narendra Modi (@narendramodi) July 11, 2026
ପ୍ରଧାନମନ୍ତ୍ରୀ ମୋଦୀ ଏହି ଦୁର୍ଘଟଣା ପାଇଁ ଦୁଃଖ ପ୍ରକାଶ କରିଛନ୍ତି। ଏକ ସୋସିଆଲ ମିଡିଆ ପୋଷ୍ଟରେ ସେ ଲେଖିଛନ୍ତି, “ଭିଏତନାମର ଫୁ କ୍ୱୋକ୍ ନିକଟରେ ଭାରତୀୟ ନାଗରିକଙ୍କ ସହ ହୋଇଥିବା ଏକ ଡଙ୍ଗା ଦୁର୍ଘଟଣାର ଦୁଃଖଦ ଖବର ଶୁଣି ଗଭୀର ଦୁଃଖିତ । ଯେଉଁମାନେ ସେମାନଙ୍କ ପ୍ରିୟଜନଙ୍କୁ ହରାଇଛନ୍ତି ସେମାନଙ୍କ ପରିବାର ପ୍ରତି ମୋର ଗଭୀର ସମବେଦନା। ଆହତ ବ୍ୟକ୍ତିମାନଙ୍କ ଶୀଘ୍ର ଆରୋଗ୍ୟ ପାଇଁ ମୁଁ ପ୍ରାର୍ଥନା କରୁଛି। ଆମର ଦୂତାବାସ ଏବଂ ବାଣିଜ୍ୟ ଦୂତାବାସ ସମସ୍ତ ପ୍ରକାରର ସହାୟତା ଯୋଗାଇ ଦେଉଛନ୍ତି। ଆମର ଅଧିକାରୀମାନେ ମଧ୍ୟ ଭିଏତନାମ କର୍ତ୍ତୃପକ୍ଷଙ୍କ ସହିତ ନିରନ୍ତର ଯୋଗାଯୋଗରେ ଅଛନ୍ତି।”
ସୂଚନାଥାଉକି, ଭିଏତନାମର ସର୍ବବୃହତ ଦ୍ୱୀପ ଫୁ କ୍ୱୋକ୍ ଦେଶର ସବୁଠାରୁ ଲୋକପ୍ରିୟ ପର୍ଯ୍ୟଟନ ସ୍ଥଳ ଏବଂ ସାମ୍ପ୍ରତିକ ବର୍ଷଗୁଡ଼ିକରେ ବହୁ ସଂଖ୍ୟକ ଭାରତୀୟ ପର୍ଯ୍ୟଟକଙ୍କୁ ଏହା ଆକର୍ଷିତ କରିଛି।