ଜାତୀୟ ମଞ୍ଚରେ କମାଲ୍ କଲେ ଓଡ଼ିଆ ଝିଅ: ଜ୍ୟୋତିର୍ମୟୀଙ୍କ ମୁଣ୍ଡରେ ‘ଇଣ୍ଡିଆନ୍ ଆଇଡଲ୍’ ମୁକୁଟ
ଭୁବନେଶ୍ୱର/ମୁମ୍ବାଇ: ଓଡ଼ିଶା ପାଇଁ ଗର୍ବ ଆଣିଛନ୍ତି ବାଲେଶ୍ବରର ଝିଅ ଜ୍ୟୋତିର୍ମୟୀ ନାୟକ। ‘ଇଣ୍ଡିଆନ୍ ଆଇଡଲ୍ ସିଜିନ୍-୧୬’ର ବିଜୟିନୀ ହେଲେ ଜ୍ୟୋତିର୍ମୟୀ। ଓଡ଼ିଆ ଝିଅଙ୍କ ମୁଣ୍ଡରେ ‘ଇଣ୍ଡିଆନ୍ ଆଇଡଲ୍’ ମୁକୁଟ। ସେ ଟାଇଟଲ୍ ଜିତିଥିବା ଓଡ଼ିଶାର ପ୍ରଥମ ପ୍ରତିଯୋଗୀ ଭାବେ ଇତିହାସ ରଚିଛନ୍ତି। ଜ୍ୟୋତିର୍ମୟୀ ଓଡ଼ିଶାରୁ ପ୍ରଥମ ଥର ପାଇଁ ଟ୍ରଫି ଜିତିଛନ୍ତି। ପୂର୍ବରୁ ଅନନ୍ୟା ଶ୍ରୀତମ ନନ୍ଦ ୨୦୧୫ରେ ଇଣ୍ଡିଆନ୍ ଆଇଡଲ୍ ଜୁନିଅର୍ ସିଜିନ୍ ୨ ଜିତିଥିଲେ।
ଓଡ଼ିଶାର ୨୪ ବର୍ଷୀୟ ଗାୟିକା ‘ଇଣ୍ଡିଆନ୍ ଆଇଡଲ୍ ସିଜିନ୍-୧୬’ର ଟ୍ରଫି ପାଇବା ସହ ୨୦ ଲକ୍ଷ ଟଙ୍କାର ପୁରସ୍କାର ରାଶି ହାସଲ କରିଛନ୍ତି। ଜ୍ୟୋତିର୍ମୟୀ ‘ସୟାଁ ଓ ସୟାଁ’ ଗୀତରେ ଏକ ମନୋରମ ପ୍ରଦର୍ଶନ କରିଥିଲେ । ସେହିପରି ଜବଲପୁରର ତନିଷ୍କ ଶୁକ୍ଳା ପ୍ରଥମ ରନର୍ସ-ଅପ୍ ଏବଂ ମନରାଜ ବୀର ସିଂହ ତୃତୀୟ ସ୍ଥାନ ଅଧିକାର କରିଥିଲେ। ଅନ୍ୟ ଫାଇନାଲିଷ୍ଟ – ଅଂଶିକା ଚୋଙ୍କର୍, ମାଇସ୍କ୍ମେ ବୋସୁ ଏବଂ ସୁହେଲ୍ ସୁଫି ମଧ୍ୟ ଗ୍ରାଣ୍ଡ ଫିନାଲେ ସମୟରେ ଶକ୍ତିଶାଳୀ ପ୍ରଦର୍ଶନ କରିଥିଲେ।
ଚଳିତ ସିଜିନ ୟାଦୋଁ କି ପ୍ଲେଲିଷ୍ଟ ଥିମ୍ ରଖାଯାଇଥିଲା। ଯାହା ଦର୍ଶକଙ୍କ ମନରେ ଗଭୀର ସ୍ପର୍ଶ ଆଣିଥିଲା। ଏହି ବର୍ଷ ଶୋ’ ଏତେ ଭଲ ଭାବେ ପ୍ରତିଧ୍ୱନିତ ହୋଇଥିଲା ଯେ ଶୋ’କୁ ତିନି ମାସ ପାଇଁ ଦୁଇଟି ଏକ୍ସଟେନ୍ସନ୍ ଦିଆଯାଇଥିଲା। ଏହା ୧୮ ଅକ୍ଟୋବର ୨୦୨୫ରେ ପ୍ରିମିୟର ହୋଇଥିଲା, ଯେଉଁଥିରେ ନୂତନ ପ୍ରତିଭା ଆବିଷ୍କାର କରିବା ପାଇଁ ସାରା ଭାରତରେ ଅଡିସନ୍ ଅନୁଷ୍ଠିତ ହୋଇଥିଲା। ଇଣ୍ଡିଆନ୍ ଆଇଡଲ୍ର ୧୬ ତମ ସିଜିନ୍କୁ ଶ୍ରେୟା ଘୋଷାଲ୍, ବିଶାଲ୍ ଦଦଲାନି ଏବଂ ବାଦଶାହା ବିଚାରକ ଥିଲେ ।
ସୋନି ଏଣ୍ଟରଟେନମେଣ୍ଟ ଟେଲିଭିଜନରେ ଦୁଇଟି ଭାଗରେ ଗ୍ରାଣ୍ଡ ଫିନାଲେ ପ୍ରସାରିତ ହୋଇଥିଲା। ଶେଷରେ ଜୁଲାଇ ୨୫ ଏବଂ ୨୬ ତାରିଖରେ ସୋନିଲାଇଭ୍ରେ ଷ୍ଟ୍ରିମ୍ ହୋଇଥିଲା ଗ୍ରାଣ୍ଡ ଫିନାଲେ। ଇଣ୍ଡିଆନ୍ ଆଇଡଲ୍ ୧୬ ଶେଷରେ ଏହାର ୧୦ ମାସର ଯାତ୍ରା ସମାପ୍ତ କରିଛି। ବାଲେଶ୍ବରରୁ ଆରମ୍ଭ ହୋଇଥିବା ଜ୍ୟୋତିର୍ମୟୀଙ୍କ ସଙ୍ଗୀତ ଯାତ୍ରାରେ ସଫଳ ହୋଇଛନ୍ତି।