Ends India’s 16-year medal wait:୧୬ ବର୍ଷର ଅପେକ୍ଷାର ଅନ୍ତ…ଭାରତର ଝିଅ ସୀମା ଜିତିଲେ ବ୍ରୋଞ୍ଜ; ଏପଟେ ମିକ୍ସଡ ରିଲେରେ ଭାରତକୁ ରୌପ୍ୟ
ନୂଆଦିଲ୍ଲୀ:୨୦୨୬ ଏସୀୟ କ୍ରୀଡ଼ାରେ ଭାରତର ଚମତ୍କାର ପ୍ରଦର୍ଶନ ଜାରି ରହିଛି। ଆଇଚି-ନାଗୋୟା ଠାରେ ଭାରତୀୟ ଖେଳାଳିମାନେ ନିଜର ଆଥଲେଟିକ୍ସ ଅଭିଯାନକୁ ଏକ ଚମତ୍କାର ଶୈଳୀରେ ଆରମ୍ଭ କରିଛନ୍ତି। ଭାରତୀୟ ଆଥଲେଟ୍ ସୀମା କୁମାରୀ ୨୦୨୬ ଏସୀୟ କ୍ରୀଡ଼ାରେ ଇତିହାସ ସୃଷ୍ଟି କରିଛନ୍ତି। ସେ ମହିଳା ୧୦,୦୦୦ ମିଟର ଦୌଡ଼ରେ ୩୨:୫୦.୦୫ସେକେଣ୍ଡ ସମୟ ନେଇ ବ୍ରୋଞ୍ଜ ପଦକ ହାସଲ କରିଛନ୍ତି। ଏସୀୟ କ୍ରୀଡ଼ାରେ ଏହା ତାଙ୍କର ପ୍ରଥମ ପଦକ। ଏହି ସଫଳତା ସହିତ, ସୀମା ମହିଳା ୧୦,୦୦୦ ମିଟର ଇଭେଣ୍ଟରେ ଭାରତର ୧୬ ବର୍ଷର ପଦକ-ଶୂନ୍ୟତାକୁ ମଧ୍ୟ ଶେଷ କରିଛନ୍ତି।
ଭାରତ ପୂର୍ବରୁ ୨୦୧୦ ଏସୀୟ କ୍ରୀଡ଼ାରେ ପଦକ ଜିତିଥିଲା। ୨୦୧୦ ଏସୀୟ କ୍ରୀଡ଼ାରେ ପ୍ରୀଜା ଶ୍ରୀଧରନ୍ ୩୧:୫୦.୪୭ ସମୟ ସହିତ ସ୍ୱର୍ଣ୍ଣ ପଦକ ଜିତିଥିବାବେଳେ, କବିତା ରାଉତ୍ ୩୧:୫୧.୪୪ ସମୟ ସହିତ ରୌପ୍ୟ ପଦକ ଜିତିଥିଲେ।
Bronze for Seema!
Congratulations on clinching the bronze medal in the Women’s 10,000m Final at the Asian Games 2026, clocking 32:50.05.
This medal marks India’s first medal in the event at the Asian Games since 2010.#IndianAthletics #AsianGames #AsianGames2026 #TeamIndia… pic.twitter.com/xItkP0Vjp3
— Athletics Federation of India (@afiindia) September 24, 2026
ଏହି ଐତିହାସିକ ପଦକ କେବଳ ଟ୍ରାକ୍ ଉପରେ ତାଙ୍କର ଦ୍ରୁତ ଗତିର ଫଳାଫଳ ନୁହେଁ; ବରଂ ଏହା ସେହି ସାହସ ଓ ଦୃଢ଼ ମନୋବଳର ବିଜୟ, ଯାହା ହିମାଚଳ ପ୍ରଦେଶର ପାହାଡ଼ିଆ ଅଞ୍ଚଳରେ ଖାଲି ପାଦରେ ଆରମ୍ଭ ହୋଇଥିବା ଏକ ଯାତ୍ରା ମାଧ୍ୟମରେ ଗଢ଼ି ଉଠିଥିଲା। ଏହା ସହିତ ଭାରତ ୨୦୨୬ ଏସୀୟ କ୍ରୀଡ଼ାରେ ନିଜର ପ୍ରଥମ ଆଥଲେଟିକ୍ସ ପଦକ ହାସଲ କରିଛି।
ସୂଚନାଥାଉକି, ସେପ୍ଟେମ୍ବର ୨୪ରେ ସନ୍ଧ୍ୟା ଅଧିବେଶନରେ, ମହିଳା ୧୦,୦୦୦ ମିଟର ଫାଇନାଲ୍ରେ ବ୍ରୋଞ୍ଜ ପଦକ ଜିତି ସୀମା ଆଥଲେଟିକ୍ସରେ ଭାରତ ପାଇଁ ପଦକ ଖାତା ଖୋଲିଥିଲେ। ଏହାର ମାତ୍ର କିଛି ମିନିଟ୍ ପରେ, ମିକ୍ସଡ ୪x୪୦୦ ମିଟର ରିଲେ ଦଳ ମଧ୍ୟ ରୌପ୍ୟ ପଦକ ଜିତି ଦେଶ ପାଇଁ ଗୌରବ ଆଣିଛନ୍ତି ।
Silver shine in Nagoya! 🥈🇮🇳✨
Tiranga up, arms raised: pure joy from our Mixed 4x400m relay stars after a thrilling 3:14.46 🔥
Poovamma M.R. | Vishal T.K. | Vithya Ramraj | Manu T.S. 💪#AsianGames2026 #TeamIndia #IndianAthletics #Nagoya2026 pic.twitter.com/hvO0jMuPIn
— Athletics Federation of India (@afiindia) September 24, 2026
ମିକ୍ସଡ ୪x୪୦୦ ମିଟର ରିଲେ ଫାଇନାଲରେ ମନୁ ଟି.ଏସ୍., ପୁଭମ୍ମା ଏମ୍.ଆର୍., ବିଶାଳ ଟି.କେ. ଏବଂ ଭିଥ୍ୟା ରାମରାଜଙ୍କୁ ନେଇ ଗଠିତ ଭାରତୀୟ ଦଳ ୩ ମିନିଟ୍ ୧୪.୪୬ ସେକେଣ୍ଡ ସମୟ ନେଇଥିଲା। ଏହି ପ୍ରଦର୍ଶନ ସହିତ ଦଳ ଦ୍ୱିତୀୟ ସ୍ଥାନ ଅଧିକାର କରି ଭାରତ ପାଇଁ ରୌପ୍ୟ ପଦକ ଜିତିଥିଲା।
ଏପଟେ ଅନିମେଷ କୁଜୁର ୧୦୦ ମିଟର ଦୌଡ଼ର ସେମିଫାଇନାଲ୍ରେ ପହଞ୍ଚି ଯାଇଛନ୍ତି। ଅନିମେଷ ୧୦.୩୬ ସେକେଣ୍ଡ ସମୟ ସହ ପ୍ରଥମ ହିଟ୍ରେ ତୃତୀୟ ସ୍ଥାନରେ ରହିଥିଲେ ।